Störf og starfsnám

Háskólinn í Reykjavík starfar í nánum tengslum við atvinnulífið. Hér eru birtar auglýsingar frá fyrirtækjum sem óska eftir nemendum HR til starfa í tímabundin verkefni, hlutastörf auk sumar- og framtíðarstarfa.

Fyrirtækjum er velkomið að óska eftir nemendum HR til starfa í tímabundin verkefni, hlutastörf auk sumar- og framtíðarstarfa á starfavef Háskólans í Reykjavík. Vinsamlegast kynnið ykkur hvaða upplýsingar þurfa að fylgja með starfsauglýsingu fyrirtækja hér.

HR í samstarfi við alþjóðlegu starfs-, starfsnáms og starfsþjálfunargáttina HigherEd, sem er viðbót við þau úrræði sem þegar standa nemendum HR til boða. Í HigherEd má finna starfsnám, starfsþjálfun, lærlingsstöður og námsstöður út um allan heim.

  • Fullbright logo

Bókhald og ársreikningar - Fulbright stofnunin

Hlutastarf

Fulbright stofnunin á Íslandi hefur verið starfrækt síðan 1957 samkvæmt tvíhliða samningi Íslands og Bandaríkjanna. Markmið hennar er að veita styrki á sviði mennta, vísinda og lista og stuðla þannig að samstarfi ríkjanna á þessum sviðum.

Við leitum að samstarfsaðila til að færa bókhaldið ársfjórðungslega og vinna önnur tengd verkefni á sviði fjármálastjórnunar, en okkar fjárhagsár er frá 1. okt-30. sept. Jafnframt þarf að vinna ársreikning stofnunarinnar í byrjun október í samvinnu við framkvæmdastjóra, en Ríkisendurskoðun endurskoðar ársreikninginn. Öll bókhaldsvinna fer fram á skrifstofu Fulbright stofnunarinnar og við notum DK bókhaldskerfið.

Starfið veitir innsýn inn í starfsemi stofnunar sem vinnur á sviði alþjóðlegs samstarfs, með aðkomu bæði íslenska og bandaríska ríkisins. Það eru ýmsir sérstæðir þættir í fjármálavinnunni sem áhugavert að er kynnast.

---

Við leitum að meistaranema í reikningsskilum og endurskoðun eða sambærilegu sem hefur jafnframt gott vald á ensku, er sveigjanlegur og hefur tíma til að sinna stofnuninni á þeim tímum sem aðal vinnan fer fram (sem er venjulega í byrjun janúar, byrjun apríl, júlí/ágúst og byrjun október). Við leitum að aðila sem gæti hugsað sér jafnvel að taka að sér verkefnið til lengri tíma, þ.e. halda áfram eftir að námi lýkur, ef vel gengur.


  • Fyrirtæki/Samtök: Fulbright stofnunin á Íslandi – Menntastofnun Íslands og Bandaríkjanna
  • Tengiliður: Belinda Theriault, framkvæmdarstjóri. 
  • Netfang tengiliðs:  belinda@fulbright.is
  • Heimasíða fyrirtækis: www.fulbright.is
  • Staðsetning: Hverfisgata 105, 101 Reykjavík
  • Starfstegund: Hlutastarf
  • Umsóknarfrestur: 7.október 2022

Áhugasamir skulu senda umsóknarbréf og CV merkt „bókhald“ eigi síðar en 7. október 2022 til belinda@fulbright.is