Störf og starfsnám

Háskólinn í Reykjavík starfar í nánum tengslum við atvinnulífið. Hér eru birtar auglýsingar frá fyrirtækjum sem óska eftir nemendum HR til starfa í tímabundin verkefni, hlutastörf auk sumar- og framtíðarstarfa.

Fyrirtækjum er velkomið að óska eftir nemendum HR til starfa í tímabundin verkefni, hlutastörf auk sumar- og framtíðarstarfa á starfavef Háskólans í Reykjavík. Vinsamlegast kynnið ykkur hvaða upplýsingar þurfa að fylgja með starfsauglýsingu fyrirtækja hér.

HR í samstarfi við alþjóðlegu starfs-, starfsnáms og starfsþjálfunargáttina HigherEd, sem er viðbót við þau úrræði sem þegar standa nemendum HR til boða. Í HigherEd má finna starfsnám, starfsþjálfun, lærlingsstöður og námsstöður út um allan heim.

  • Kópavogur logo

Fullt starf í Sundlaug Kópavogs

Sundlaug Kópavogs auglýsir eftir sumarstarfsfólki í fullt starf í sumar

Sundlaug Kópavogs er staðsett í vesturbæ Kópavogs stutt frá Hamraborginni og er einn stærsti sundstaður landsins. Þar eru sundlaugar úti og inni, ásamt heitum pottum, köldum potti, gufubaði og rennibrautum. Hjá lauginni starfa á fjórða tug manns, 7 til 10 starfsmenn á hverri vakt.

Laugin er opin virka daga frá kl. 06:30 til 22:00 og um helgar frá 08.00 til 20.00. Vinnan hefst 15 mín. fyrir opnun og lýkur 30 mín. eftir lokun. Unnið er á tveimur vöktum virka daga en einni vakt um helgar.

Sundlaug Kópavogs auglýsir eftir sumarstarfsfólki í fullt starf í sumar.

Helstu verkefni og ábyrgð

  • Laugarvarsla sem felst í öryggiseftirliti og þrifum við laugar bæði úti og inni.
  • Baðvarsla sem einkum er fólgin í þrifum í bað- og búningsklefum auk öryggisgæslu á þeim stöðum.
  • Afgreiðsla þar sem sala í laug og á ýmsum vörum fer fram, símsvörun, upplýsingagjöf, þrif og öryggiseftirlit.
  • Starfsmenn fá námskeið í fyrstu hjálp, björgun og fleiru.


Menntunar- og hæfniskröfur

  • Starfsfólk sundlauga verður að vera orðið 20 ára.
  • Allgóð sundkunnátta er áskilin, því laugarverðir verða að standast sundpróf, sem er svipað og 10. sundstig grunnskóla.
  • Stundvísi, vinnusemi og samviskusemi.
  • Góð samstarfshæfni og þjónustulund.
  • Sundlaug Kópavogs er reyklaus vinnustaður.
  • Launakjör eru samkvæmt kjarasamningi Kópavogsbæjar og Starfsmannafélags Kópavogs.

Annað

  • Starfshlutfall er 100%.
  • Starfstímabil frá miðjum maí til fyrri eða síðari hluta ágúst.
  • Námskeið og þjálfun fara fram dagana 15. til 19. maí.
  • Umsóknarfrestur er til og með 5. mars.

Nánari upplýsingar gefur Jakob Þorsteinson forstöðumaður í netfanginu jakob@kopavogur.is 

Eingöngu er tekið við umsóknum í gegnum ráðningarvef Alfreðs