Störf og starfsnám

Háskólinn í Reykjavík starfar í nánum tengslum við atvinnulífið. Hér eru birtar auglýsingar frá fyrirtækjum sem óska eftir nemendum HR til starfa í tímabundin verkefni, hlutastörf auk sumar- og framtíðarstarfa.

Fyrirtæki sem eru áhugasöm um að auglýsa störf á vefsvæðinu, vinsamlegast hafið samband við Margréti H. Þóroddsdóttur, verkefnafulltrúa atvinnulífstengsla, margretth@ru.is.

HR í samstarfi við alþjóðlegu starfs-, starfsnáms og starfsþjálfunargáttina HigherEd, sem er viðbót við þau úrræði sem þegar standa nemendum HR til boða. Í HigherEd má finna starfsnám, starfsþjálfun, lærlingsstöður og námsstöður út um allan heim.

  • Logo Ísafjarðar

Skipulags- og byggingarfulltrúi

Fullt starf hjá Ísafjarðarbæ

Ísafjarðarbær auglýsir laust til umsóknar 100% starf skipulags- og byggingarfulltrúa hjá sveitarfélaginu. Skipulags- og byggingafulltrúi starfar á umhverfis- og eignasviði bæjarins, næsti yfirmaður er sviðsstjóri.

Um er að ræða fjölbreytt og áhugavert starf í vaxandi sveitarfélagi. Leitað er eftir öflugum og drífandi einstaklingi sem sýnir metnað og frumkvæði í starfi. Æskilegt er að viðkomandi geti hafið störf sem fyrst.

Helstu verkefni:

  • Framkvæmd skipulags- og byggingarmála
  • Eftirlit með að framkvæmdir séu í samræmi við útgefin leyfi
  • Umsjón með útgáfu byggingaleyfa og vottorða
  • Mælingar og úttektir
  • Skráning fasteigna
  • Yfirferð uppdrátta
  • Afgreiðsla umsókna
  • Fjárhagsáætlanagerð
  • Yfirferð skipulaga og eftirfylgni með málsmeðferð
  • Undirbúningur funda skipulags- og mannvirkjanefndar
  • Samstarf við aðila sem m.a. sinna verkefnum á sviði skipulags- og byggingarmála
  • Samskipti við hönnuði og ráðgjafa í tengslum við framkvæmdar- og byggingarleyfi

Menntun og hæfni:

  • Menntun í samræmi við 8. grein mannvirkjalaga nr. 160/2010 og ákvæði 7. greinar skipulagslaga nr. 123/2010 þ.e. arkitekt, byggingarfræðingur, landslagsarkitekt, tæknifræðingur, verkfræðingur eða skipulagsfræðingur
  • Þekking og reynsla af skipulags- og byggingarmálum
  • Þekking og reynsla af opinberri stjórnsýslu er kostur
  • Iðnmenntun sem bakgrunnur er kostur
  • Góð skipulagshæfni og nákvæmni í vinnubrögðum
  • Góð samskiptahæfni
  • Dugnaður og vinnusemi
  • Hæfni til að tjá sig í ræðu og riti á íslensku, önnur tungumálakunnátta er kostur

Launakjör eru skv. kjarasamningi Launanefndar sveitarfélaga og viðkomandi stéttarfélags.

Nánari upplýsingar um starfið veitir Axel Rodriguez Överby sviðsstjóri umhverfis- og eignasviðs í gegnum
tölvupóst ( axelov@isafjordur.is ) eða í síma 450-8000.

Umsóknarfrestur er til og með 13. nóvember 2019. Umsóknir ásamt ferilskrá og kynningarbréfi, afriti af prófskírteinum og leyfisbréfi skulu sendar til mannauðsstjóra á netfangið baldurjo@isafjordur.is . Umsókn getur gilt í 6 mánuði.

Við hvetjum konur jafnt sem karla til að sækja um starfið. Öllum umsóknum verður svarað þegar ákvörðun um ráðningu hefur verið tekin.