Rannsóknir nemenda með atvinnulífinu

Styrkt meistaraverkefni í samstarfi við fyrirtæki

Meistaranemum við Háskólann í Reykjavík gefst tækifæri til að stunda rannsóknir með nokkrum af fremstu fyrirtækjum landsins. Þannig búa þeir til nýja þekkingu, öðlast reynslu og fá enn meira út úr náminu. Fyrirtækin eru Eimskip, Isavia, Marel, Síminn, Icelandair og Samtök fyrirtækja í sjávarútvegi.

Nemendur segja frá sínum verkefnum Kynning á verkefnum

Á vorin geta meistaranemar kynnt sér tækifæri til rannsókna á fagsviðum hvers fyrirtækis. Sérstök kynning er haldin sem þar sem fulltrúar fyrirtækjanna mæta auk starfsfólks HR. Nemendur sem eru áhugasamir um að sækja um styrk gera það í samstarfi við leiðbeinanda sinn, en eingöngu leiðbeinendur geta sótt um styrkina.

Styrkina má nýta við allar akademískar deildir HR. Verkefnahugmyndir fyrir skólaárið 2018-2019 voru kynntar á fundi þann 8. maí síðastliðinn. Hér fyrir neðan geta þeir sem ekki gátu sótt fundinn geta nálgast kynningarnar frá fundinum.

Hvernig verkefni eru þetta?

Hingað til hafa meistaranemar meðal annars hannað bestunarlíkan sem aðstoðar við ákvarðanatöku í fiskvinnslu, gert framkvæmdaáætlun fyrir flugbraut, greint áhrif efnis á samfélagsmiðlum á hegðun neytenda  og skoðað líffræðilega fjölbreytni fyrir utan lögsögu út frá íslensku sjónarhorni. Þau verkefni sem voru styrkt á síðasta ári má sjá hér: Úthlutun fyrir skólaárið 2017-2018

Frekari upplýsingar

Rannsóknirnar eru fyrst og fremst á meistarastigi en styrkir hafa einnig verið veittir til doktorsverkefna. Leiðbeinendur við allar deildir skólans geta sent inn umsóknir um verkefni. Upplýsingar um samstarf við hvern aðila, þ.m.t. viðeigandi umsóknargögn, eru aðgengilegar hér fyrir neðan. Nánari upplýsingar veitir Margrét H. Þóroddsdóttir, verkefnafulltrúi atvinnulífstengsla: margretth@ru.is. 

Icelandair Group

IcelandairGroupIcelandair Group og Háskólinn í Reykjavík hafa gert með sér samning um samstarf á sviði frumkvöðla- og nýsköpunarstarfs, rannsókna og menntunar tengt flugsamgöngum og ferðaþjónustu.

Samráðshópur Icelandair Group og HR:

  • Páll Melsted Ríkharðsson, deildarforseti viðskiptadeildar HR
  • Guðrún Sævarsdóttir, deildarforseti tækni- og viðskiptadeildar HR
  • Magnús Þ. Lúðvíksson, sérfræðingur í viðskiptaþróun hjá Icelandair.
  • Bragi Baldursson, yfirmaður hönnunar hjá Icelandair 

Tengiliður samráðshóps:

 

Isavia

Isavia logoIsavia og Háskólinn í Reykjavík hafa gert með sér samning um rannsóknir á sviði flugsamgangna, einkum flugleiðsögu og flugvallarreksturs.

Samráðshópur Isavia og HR:

  • Guðrún Sævarsdóttir, deildarforseti tækni- og verkfræðideildar HR
  • Hjalti Pálsson, deildarstjóri þróunardeildar Isavia
  • Sigurður Ólafsson, framkvæmdastjóri mannauðssviðs Isavia

 
Tengiliður samráðshóps:

Síminn

Merki Símans

Samningur Háskólans í Reykjavík og Símans gefur nemendum tækifæri til að þróa nýjustu þjónustu og tækni á sviðum sjónvarps, upplýsingatækni og fjarskiptaþjónustu. Viðfangsefni samstarfsins eru fjölmörg en snerta meðal annars gervigreind, snjalltækni, snjöll heimili, nýjar leiðir í viðskiptum, afþreyingu og fleira.


Samráðshópur Símans og HR:

  • Gísli Hjálmtýsson, deildarforseti tölvunarfræðideildar HR
  • Stefan Wendt, lektor við viðskiptadeild HR
     

Tengiliður samráðshóps:

Samtök fyrirtækja í sjávarútvegi (SFS)

SFS_logo_CMYK-copy_rgb_600_600Samstarfssamningur Samtaka fyrirtækja í sjávarútvegi (SFS) og HR snýst um að efla rannsóknir og nýsköpun í sjávarútvegi með það að markmiði að auka sjálfbærni, nýtingu afurða og atvinnusköpun í greininni. 

Samráðshópur SFS og HR: 

  • Páll Melsted Ríkharðsson, deildarforseti viðskiptadeildar HR
  • Páll Jensson, prófessor við tækni- og verkfræðideild HR
  • Brynjólfur Eyjólfsson, markaðsstjóri HB Granda
  • Heiðrún Lind Marteinsdóttir, framkvæmdastjóri SFS

Tengiliður samráðshóps:

 

Eimskip

Merki EimskipsHáskólinn í Reykjavík og Eimskip gera með sér samkomulag um samstarf á sviði frumkvöðla- og nýsköpunarstarfs, rannsókna og menntunar tengt sjó- og landflutningalausnum.

Samráðshópur Eimskips og HR:

  • Páll Melsted Ríkharðsson, deildarforseti viðskiptadeildar HR
  • Hera Grímsdóttir, aðjúnkt og sviðsstjóri byggingasviðs við tækni-og verkfræðideild HR
  • Gylfi Sigfússon, forstjóri Eimskips
  • Elín Hjálmsdóttir, framkvæmdastjóri mannauðssviðs Eimskips

Tengiliður samráðshóps:

Marel

Merki MarelMarel er alþjóðlegt hátæknifyrirtæki í fararbroddi í þróun og framleiðslu tækja, hugbúnaðar og lausna fyrir matvælaiðnað. Markmið samningsins er að efla rannsóknir og þróun á sviðum framleiðslu tækja, hugbúnaðar og lausna fyrir matvælaiðnað, auk þess sem áhersla er lögð á þætti sem snúa að mannauðsstjórnun og stöðugum umbótum.  

Tengiliður samráðshóps:

 

 

Var efnið hjálplegt? Já Nei