Pantaðu frá öðru safni


Um millisafnalán

Bókasafnið pantar bækur og tímaritsgreinar sem ekki eru til á safninu, frá öðrum háskóla- og sérfræðisöfnum, fyrir nemendur og starfsfólk HR. 

Nemendum sem stunda skiptinám við erlenda háskóla ber að snúa sér til viðkomandi háskólabókasafns.

Önnur háskóla- og sérfræðibókasöfn geta haft milligöngu um lán úr safnkosti bókasafns HR fyrir sína lánþega.

Umsjón

Unnur Valgeirsdóttir

Upplýsingafræðingur

1. hæð í Úranusi (Ú103)
netfang: unnurv@ru.is 
sími: 599 6377




Komutími

Hve langan tíma tekur að fá millisafnalán?*           
Beiðni um millisafnalán er að öllu jöfnu afgreidd samdægurs frá bókasafninu.         

Greinar          

  • 1-3 virka daga          
  • 7-14 virka daga ef greinin er send með pósti. Vegna höfundalaga senda sum söfn (einkum norræn) greinar eingöngu með pósti  

Bækur 

  • Innanlands: 3 virka daga    
  • Frá Norðurlöndum: 7-10 virka daga     
  • Frá öðrum löndum: 7-14 virka daga         

*Miðað er við að umbeðið efni sé aðgengilegt      

Hvernig veit ég að millisafnalánið mitt er komið?
Þú færð tilkynningu með tölvupósti þegar pöntunin þín kemur á safnið.        

Hvernig nálgast ég millisafnalánið mitt?

Pantanir þarf að sækja á safnið.  Starfsfólk HR getur þó óskað eftir því að fá greinar sendar á sína starfstöð. 

Vegna samninga við önnur söfn er óheimilt að áframsenda greinar rafrænt. Þær eru því eingöngu afhentar á pappír.                                                                                                    



Lánstími

Sérhvert safn setur eigin útlánareglur en yfirleitt er lánstíminn  4 vikur.

Bækur úr safnkosti Seðlabanka Íslands, Alþingis og annarra innlendra stjórnsýslusafna sem eru reiðubúin að lána úr safnkosti sínum, eru eingöngu í lestrarsalsláni, þ.e. þær þarf að lesa á bókasafninu.

Góð samvinna við önnur söfn er forsenda góðrar millisafnalánaþjónustu. Því er afar mikilvægt að virða þann lánstíma sem okkur er veittur.


Endurnýjun lána

Ef lánstíminn nægir ekki má óska eftir endurnýjun þegar skiladagur nálgast. Lánið er yfirleitt endurnýjað ef enginn annar bíður.




Verðskrá

Starfsmenn HR og doktorsnemar fá öll millisafnalán frítt
Meistaranemar fá 5 millasafnalán á önn frítt, en greiða fyrir umframlán samkvæmt verðskrá.

Verðskrá

Tímaritsgreinar: 1.000 kr.

Bækur
Frá innlendu safni     1.000 kr.
Frá erlendu safni       1.500 kr.

Bókarkaflar
Sjá tímaritsgreinar

Rukkað er fyrir ósótt efni.

Lánþegar bera ábyrgð á gögnum sem þeir hafa tekið að láni og er óheimilt að lána þau öðrum. Skemmist eða glatist gagn er lánþegi, þ.e. sá sem skráður er fyrir láninu, ábyrgur og getur þurft að greiða fyrir nýtt eintak. Reynt er að meta kostnað við kaup á nýju riti, en lágmarksgjald er 8.000 krónur.            



Panta

Hverjir getað pantað millisafnalán?

  • Starfsfólk HR og nemendur
  • Háskóla- og rannsóknarbókasöfn
  • Erlend bókasöfn

Hvað er hægt að panta?

Bækur, bókarkafla, tímaritsgreinar úr útgefnum tímaritum, skýrslur og annað útgefið efni sem hægt er að nálgast hjá öðrum bókasöfnum.

Hvaðan er pantað?

  • Háskóla- og rannsóknarbókasöfn hérlendis hafa með sér samvinnu um millisafnalán. Einstaka sérfræðisöfn eru undanskilin, t.d. Lögberg og Hæstiréttur. Þar sem nemendur geta keypt skírteini í Landsbókasafni, menntavísindasviði HÍ og bókasafni Listaháskólans þá pöntum við ekki bækur frá þessum söfnum fyrir nemendur
  • Bækur eru einkum pantaðar frá Norðurlöndum, en einnig frá Þýskalandi og Bretlandi auk annarra landa ef því er að skipta
  • Tímaritsgreinar eru pantaðar frá bókasöfnum hvaðanæva af, mest þó frá bókasöfnum í Þýskalandi

Bækur eru ekki pantaðar frá almenningssöfnum hérlendis.

Hvernig panta ég millisafnalán? 

Panta bók

  • Áður en bók er pöntuð þarf að athuga í leitir.is hvort bókin er til hjá bókasafni HR
  •  Ef bókin er ekki fáanleg þá er hægt að velja flipann Millisafnalán og fylla út eyðublaðið Panta bók.  Með þessu móti getur þú fylgst með stöðunni á beiðninni þinni strax frá upphafi
  • Einnig er hægt að fylla út eyðublaðið Panta bók á heimasíðu bókasafnsins  
Panta grein
  • Kannið í leitir.is í og/eða Google Scholar hvort greinin er aðgengileg rafrænt
  • Kannið í tímaritaleit hvort heftið sem greinin birtist í sé aðgengilegt eða ekki
  • Fyllið út eyðublaðið Panta grein á heimasíðu bókasafnsins ef greinin er ekki aðgengileg
  • Fyllið út eyðublaðið Panta grein undir flipanum Millisafnalán á leitir.is 

Kynnið ykkur verðskrá bókasafnsins áður en beiðni um millisafnalán er send til safnsins. Rukkað er fyrir ósótt efni.


Var efnið hjálplegt? Nei