Boxið 2011

Sigurvegari var Verzlunarskóli Íslands

Átta skólar tóku þátt í æsispennandi keppni BOXINS sem lauk með sigri Verzlunarskóla Íslands.

Skólar

Fjórtán framhaldsskólar víðsvegar af landinu sendu lið í undankeppni BOXINS en þau átta lið sem komust áfram í aðalkeppnina voru frá Framhaldsskólanum í Vestmannaeyjum, Fjölbrautarskólanum í Garðabæ, Menntaskólanum á Akureyri, Menntaskólanum í Hamrahlíð, Tækniskólanum, Menntaskólanum í Reykjavík, Fjölbrautaskóla Suðurnesja og Verslunarskóla Íslands.Boxið5

Tvö stigahæstu liðin, Fjölbrautaskóli Suðurnesja og Verslunarskóli Íslands kepptu síðan til úrslita í æsispennandi lokaþraut sem lauk með sigri Verzlunarskóla Íslands.

Sigurliðið hlaut verðlaunabikar til eignar og hver liðsmaður Ipad en fyrir annað sæti hlutu liðsmenn Ipod nano. Að auki veittu fyrirtækin aukaverðlaun þeim liðum sem stóðu sig best, voru frumlegust eða skemmtilegust í þeirra þrautum.

Keppnin tókst vel í alla staði og bæði þátttakendur og áhorfendur skemmtu sér vel.

Samstarfsaðilar

Þau fyrirtæki sem lögðu fyrir þrautir í Boxinu 2011 eru:

Um þrautabraut var að ræða með nokkrum stöðvum og fara liðin á milli og leysa eina þraut á hverjum stað. Ekki á að taka lengri tíma en 30 mínútur að leysa hverja þraut. Lögð er áhersla á að þrautirnar séu framkvæmanlegar án sérstaks bakgrunns, reyni á hugvit, verklag og séu sjónrænar. Hvert lið velur þær aðferðir sem það beitir innan þeirra marka sem gefin eru og skal vinna eitt og sjálfstætt að þrautinni.

Liðin fá 30 mínútur til að leysa hverja þraut. Um leið og lið fær verkefni í hendur er skeiðklukka sett af stað og skal þess gætt að liðið ljúki þrautinni innan tímamarka. Ef liðið nær ekki að ljúka þrautinni á tilsettum tíma skal vinnu við lausnina hætt og metur dómari/dómnefnd þrautarinnar lausnina á því stigi sem hún er.

Við mat á lausnum ræður:

  • Tími
  • Gæði lausnar
  • Frumleiki
  • Annað sem fyrirtæki gefur upp til mats

Fyrirtæki úr ólíkum greinum iðnaðarins sjá um og útvega efni í þrautir sem lagðar verða fyrir liðin. Efni og þraut frá fyrirtæki á með einhverjum hætti að tengjast starfsemi viðkomandi fyrirtækisins. Fræðimenn frá HR aðstoða fyrirtækin við að koma saman heppilegum þrautum. Einnig verða kennarar á staðnum meðan á samkeppninni stendur.






Var efnið hjálplegt? Nei