Keppnin 2014

Sigurvegari var Menntaskólinn í Reykjavík

Lið MR, sigurvegarar Boxins 2014 Sigurvegarar árið 2014 var lið Menntaskólans í Reykjavík

Boxið var haldið í fjórða sinn þann 8. nóvember í Háskólanum í Reykjavík og að venju var mikil spenna í loftinu. Í öðru sæti var Framhaldsskólinn í Vestmannaeyjum og Menntaskólinn við Sund í því þriðja. Tuttugu og sex lið úr framhaldsskólum víðsvegar af landinu tóku þátt í forkeppni á netinu en lið frá átta skólum leystu þrautir í úrslitakeppninni.

Stelp­um hef­ur farið fjölg­andi ár frá ári í Boxinu. Fjöldi þeirra marg­fald­aðist í ár þar sem 16 stelp­ur tóku þátt í úr­slita­keppn­inni (37,4% þátt­tak­enda) en voru 6 árið 2013 (17%).

Skólar

Skólarnir sem kepptu í Boxinu 2014 voru Menntaskólinn á Akureyri, Menntaskólinn í Reykjavík, Framhaldsskólinn í Vestmannaeyjum, Flensborgarskóli, Kvennaskólinn í Reykjavík, Verkmenntaskólinn á Akureyri, Menntaskólinn við Sund og Fjölbrautaskóli Suðurlands. Í 4. sæti var MA og í 5. sæti Kvennaskólinn í Reykjavík en á 3. og 4. sæti munaði einu stigi og sama átti við um 4. og 5. sæti. 

Samstarfsaðilar

Liðin fóru í gegnum átta þrautabrautir og fengu hálftíma til að leysa hverja þraut. Þrautirnar voru settar saman af fyrirtækjum úr ólíkum greinum iðnaðarins með aðstoð fræðimanna HR. Við mat á lausnum ræður meðal annars tími, gæði lausnar og frumleiki.

Fyrirtækin sem komu að gerð þrautanna voru: 

Dæmi um þrautir

  • Smíða krana á afmörkuðu vinnusvæði. Kraninn var síðan togprófaður. Markmið þrautarinnar var að ná sem mestum togkrafti án þess að kraninn myndi kikna undan álagi.
  • Nota 34 púsl til að setja saman skordýr í þvívídd
  • Útbúa „TRX“ band úr ullarkembu. Á staðnum var krókur og band til að smeygja ullarbandinu í gegnum og tvö 40 kg lóð til að prófa styrk bandsins.
  • Byggja eins háan turn og hægt er úr burðarbitum úr súkkulaði.

Að Boxinu standa Samtök iðnaðarins, Háskólinn í Reykjavík og Samband íslenskra framhaldsskólanema. Markmið með keppninni er að kynna og vekja áhuga á tækni, verk- og tækninámi og störfum í iðnaði.

Boxið á RÚV

RÚV tók keppnina upp annað árið í röð.

Horfa á þáttinn

Myndir

Boxið 2014
Boxið 2014
Boxið 2014
Boxið 2014
Boxið 2014
Boxið 2014
Boxið 2014
Boxið 2014


Var efnið hjálplegt? Nei