Dómsalur í sýndarveruleika
Rannsókn við sálfræðideild HR
Sálfræðideild Háskólans í Reykjavík auglýsir eftir þátttakendum í rannsókn á notkun dómsals í sýndarveruleika fyrir þolendur kynferðisofbeldis. Ábyrgðarmaður rannsóknarinnar er Rannveig S. Sigurvinsdóttir, lektor við sálfræðideild Háskólans í Reykjavík og annar aðalrannsakandi er dr. Bryndís Björk Ásgeirsdóttir, prófessor við sálfræðideild HR..
Tilgangur rannsóknarinnar er að meta hvort sýndarveruleiki gagnist við að upplýsa þolendur kynferðisofbeldis um réttarsal og vanlíðan tengda honum. Þátttakendum verður boðið að prófa sýndarveruleikaumhverfið og viðbrögð verða metin með spurningalistum, viðtali og líffræðilegum mælingum.
Leitað er að konum og körlum sem passa í annan hvorn neðangreindra hópa:
- Eru 18 ára eða eldri, hafa verið beitt kynferðisofbeldi einhvern tíma um ævina og hafa borið vitni í réttarsal um kynferðisbrot gegn þeim sjálfum.
- Eru 18 ára eða eldri, hafa verið beitt kynferðisofbeldi einhvern tíma um ævina og hafa ekki borið vitni í réttarsal um kynferðisbrot gegn þeim sjálfum.
Öll gögn rannsóknarinnar verða skráð á ópersónugreinanlegan hátt og rannsakendur eru bundnir trúnaði um það sem kemur fram á meðan á henni stendur. Rannsóknin hefur fengið leyfi Vísindasiðanefndar.
Ef þú hefur áhuga á að taka þátt í rannsókninni eða hefur frekari spurningar um hana, vinsamlegast hafðu samband við Margréti Tórshamar, meistaranema í klínískri sálfræði við HR með tölvupósti (margretg20@ru.is ) eða í síma 697-5260 og Malenu Þórisdóttur, meistaranema í klínískri sálfræði við HR með tölvupósti (malena20@ru.is ) eða í síma 690-6396.
Hafa samband
Ef þú hefur áhuga á að taka þátt í rannsókninni eða vilt fá meiri upplýsingar um hana, þá vinsamlegast fylltu út þetta form hér fyrir neðan og haft verður samband við þig.
