Forritunarkeppni framhaldsskólanna 2021

Forritunarkeppni framhaldsskólanna verður haldin laugardaginn 24. apríl. Stefnt er að því að halda keppnina í HR og í Háskólanum á Akureyri ef aðstæður í samfélaginu leyfa. Upplýsingar um fyrirkomulagið verða birtar hér þegar nær dregur. 

Háskólinn í Reykjavík hefur staðið fyrir Forritunarkeppni framhaldsskólanna í fjölmörg ár og hefur ásókn í keppnina aukist ár frá ári enda til mikils að vinna.

Keppnin er ekki eingöngu ætluð þeim sem hafa reynslu af forritun fyrir heldur er hún fyrir alla framhaldsskólanema, jafnt þá sem hafa lært forritun og aðra. Við hvetjum því alla til að koma og prófa.

Keppninni er skipt í þrjár deildir eftir erfiðleikastigi: 

  • Delta: Ætlað byrjendum eða þeim sem eru rétt farnir að kynnast forritun. Æskileg kunnátta er einföld strengjavinnsla, inntak, úttak, if setningar og einfaldar lykkjur. 
  • Beta: Millistig sem er ætlað til að brúa bilið á milli Delta og Alpha. Hér má búast við dæmum sem þarfnast flóknari útfærslu en í Delta, t.d. faldaðar lykkjur (e. nested loops), flóknari strengjavinnsla og einföld reiknirit.
  • Alpha: Ætlað þeim sem hafa mikinn áhuga á forritun og skara fram úr. Bestu þátttakendum úr þessari deild verður boðið að taka þátt í æfingabúðum með því markmiði að velja í ólympíulið Íslands í forritun. 

Keppnin fer fram 24. apríl nk. 

Sjá frekari upplýsingar um keppnisreglur

Fyrir nánari upplýsingar um keppnina má hafa samband við skrifstofu tölvunarfræðideildar td@ru.is fyrir keppnina í Reykjavík en fyrir keppnina á Akureyri má hafa samband við Ólaf Jónsson, verkefnastjóra tölvunarfræði við Háskólan á Akureyri olafurjons@ru.is eða olafurj@unak.is

Forritunarkeppni framhaldsskólanna 2018

Myndband frá 2017 keppninni

Svipmyndir og viðtöl frá keppninni 2017