ISL 2A08

Á námskeiðinu er lögð áhersla á að nemendur kynnist íslenskri menningu, fornbókmenntum og þróun íslenskrar tungu. Á námskeiðinu fá nemendur þjálfun við ritun ólíkra tegunda ritgerða. Fjallað verður um uppbyggingu texta og meðferð heimilda. Auk þess eru nemendur þjálfaðir í að flytja ræður. Farið er yfir mikilvæg atriði sem þarf að hafa í huga þegar talað er fyrir framan hóp fólks. Haldnir eru fundir til að þjálfa nemendur í hefðbundnum fundarstörfum.

Námsmarkmið

Þekking:

Nemandi skal hafa aflað sér almennrar þekkingar og skilnings á:
Ritun

  • hefðbundinni uppbyggingu ritgerða
  • heimildanotkun
  • helstu bókum og netsíðum um íslenskt mál
Munnleg færni
  • byggingu ræðu og ólíku ræðuformi
  • góðri framsögn
  • góðri framkomu í ræðustól og á fundum
Bókmenntir
  • eddukvæðum og Íslendingasögum
  • bragfræði, stíl og viðfangsefnum fornbókmennta
  • málbreytingum og þróun íslensk máls

Leikni:

Nemandi skal hafa ölast leikni í:
Ritun

  • skrifa og setja upp skipulega ritgerð með inngangi, meginmáli og niðurlagi
  • vinna með heimildir samkvæmt APA-kerfi
  • vinna út frá rannsóknarspurningu
  • beita viðeigandi málsniði og skrifa greinagóðan texta
  • nýta sér viðeigandi hjálpargögn við að skrifa skýran og vandaðan texta
Munnleg færni
  • tjá sig fyrir framan hóp áheyrenda
  • skipuleggja ræðu og fyrirlestra með inngangi, markvissri stefnu og skýru niðurlagi
  • flytja undirbúinn fyrirlestur með glærusýningu
  • taka þátt í málefnalegum umræðum
Bókmenntir
  • skilja valin eddukvæði með nútímastafsetningu
  • skilja valdar Íslendingasögur með nútímastafsetningu
  • þekkja einkenni og stíl valinni bókmenntagreina frá fyrri öldum

Hæfni:

Nemandi skal geta hagnýtt þá almennu þekkingu og leikni sem hann hefur aflað sér:
Ritun

  • eflt hæfni sína í að skrifa vandaðan og villulausan texta
  • beitt viðurkenndum og vönduðum aðferðum við meðferð heimilda og skilið mikilvægi þess
Munnleg færni
  • taka til máls og koma á framfæri rökstuddri afstöðu
  • skilja mikilvægi málefnalegrar og upplýsandi umræðu í samfélaginu.
Bókmenntir
  • túlka mikilvægi og áhrif fornbókmennta í menningu, tungu og sjálfsmynd Íslendinga
  • beita vísunum, tilvitnunum og fjölbreytni í orðavali jafnt í ræðu sem riti
Lesefni
  • Ármann Jakobsson. (2015). Bókmenntir í nýju landi. Reykjavík: Bjartur.
  • Efni á kennsluvef frá kennurum

Nánari upplýsingar: 

Gunnhildur Grétarsdóttir, verkefnastjóri frumgreinadeildar Háskólans í Reykjavík.
Sími 599 6447


Fara á umsóknarvef

Var efnið hjálplegt? Nei