NAT2A05
Náttúruvísindi
er leið mannsins til að hugsa um og skilja umhverfi sitt. Í áfanganum er farið
í valda þætti eðlis-, efna-, jarð- og líffræði sem tengjast daglegu lífi
nemandans og hugtök á bak við þá skýrð með einföldum hætti.
Lokamarkmið áfangans felast í eftirfarandi lærdómsviðmiðum (þekking/leikni/hæfni)
Lokamarkmið áfangans felast í eftirfarandi lærdómsviðmiðum (þekking/leikni/hæfni)
Þekking:
Nemandi skal hafa aflað sér almennrar þekkingar og skilnings á:
- að náttúruvísindi er leið mannsins til að hugsa um og skilja umhverfi sitt
- tengslum náttúruvísinda við nýtingu náttúruauðlinda til orkuöflunar, iðnaðar og matvælaframleiðslu
- áhrifum af nýtingu náttúruauðlinda á umhverfi
- mikilvægum grunnþáttum náttúruvísindagreina og tengslum milli greina
- undirstöðuhugtökum náttúruvísinda
- grunnútreikningum sem tengjast eðlis- og efnafræði
- SI-kerfinu og SI-einingum stærða sem unnið er með
Leikni:
Nemandi skal hafa öðlast leikni í
- beita hugtökum á skilmerkilegan hátt og í rökrænu samhengi
- fara með tölur, einingar og einfaldar jöfnur úr námsefninu við að leysa verkefni
- afla sér upplýsinga um viðfangsefni náttúruvísinda og tengja þær umhverfi sínu
- fjalla um umhverfismál á upplýstan og vel rökstuddan hátt
Hæfni
Nemandi skal geta hagnýtt þá almennu þekkingu og leikni sem hann hefur aflað sér til að
- tengja undirstöðuþætti eðlis-, efna-, jarð- og líffræði við umhverfi sitt og daglegt líf
- lesa í umhverfi sitt og draga ályktanir um þau fræðilegu ferli sem þar ráða ríkjum
- taka ábyrga og upplýsta afstöðu í umhverfismálum og nýtingu náttúruauðlinda
