Iðnaðartæknifræði samþættir tækniþekkingu við umbætur og rekstur flókinna kerfa þar sem fjármál, tækni og mannleg samskipti koma við sögu.

Auk tæknilegra greina er lögð áhersla á fjármál og kerfisbundnar aðferðir til að stjórna flóknum ferlum í rekstri fyrirtækja.  Áhersla er lögð á nýsköpun, verkefnisstjórnun, framleiðslustjórnun, gæðastjórnun og vöruþróun. 

Lokaverkefni eru tengd sérhæfingu í framleiðslutækni eða rekstri og eru unnin í samstarfi við fyrirtæki. Í lokaverkefnum er lögð sérstök áhersla á aðferðafræði við vöruþróun og að nemendur fái góða þjálfun í að kynna vinnu sína.

Námstími: 3 1/2 ár í fullu námi 
Einingar: 210
Prófgráða: BSc
Starfsréttindi: Tæknifræðingur (lögverndað starfsheiti)
Skiptinám mögulegt: Já
Fjarnám: Nei

Til að hefja nám á háskólastigi þarf stúdentspróf, frumgreinapróf eða sambærilegt, og 18 einingar eða 30 FEIN í stærðfræði (þ.m.t. STÆ503 eða sambærilegt) og 6 einingar eða 10 FEIN í eðlisfræði (þ.m.t. EÐL203 eða sambærilegt).

Þeir sem ekki hafa tilskilinn undirbúning úr framhaldsskóla hefja tæknifræðinám sitt í Frumgreinadeild.

Áhugasamir eru hvattir til að hafa samband og þiggja einstaklingsráðgjöf. Hver nemandi er metinn sérstaklega.

• Námsáætlun (pdf)
• Námsáætlun - innritun á vorönn (pdf)

Á 5. og 6. önn taka nemendur valfög og gefst þeim þá kostur á nokkurri sérhæfingu. Sérhæfingarsviðin eru tvö, tækni og sjálfvirkni eða rekstur og markaður. Lokaverkefnið, sem skal tengjast sérhæfingarsviðinu, skiptist niður á þrjár annir.

Einnig geta nemendur valið námskeið úr verkfræði, viðskiptafræði eða tölvunarfræði.