Fréttir: 2022

Þóra Hallgrímsdóttir, kennari við lagadeild HR, stökk á Vísindavagninn, hlaðvarp HR, á dögunum og ræddi við Katrínu Rut Bessadóttur um lögfræðileg álitaefni, jólamat og allt þar á milli. 

Hrefna Pálsdóttir hefur verið ráðin forstöðukona kennslusviðs Háskólans í Reykjavík. Sem leiðtogi sviðsins mun Hrefna stýra stefnumótun þess og leiða framþróun kennsluhátta í HR í nánu samspili fræða, rannsókna og vísindastarfs.

Ragna Björk Kristjánsdóttir hefur gegnt starfi forstöðukonu bókasafns Háskólans í Reykjavík frá því í febrúar 2022. Hún er með BA-gráðu í bókasafns- og upplýsingafræði frá Háskóla Íslands og meistaragráðu í Information Science frá University College London. Ragna hefur starfað á bókasafninu síðan 2011 þar sem hún hefur meðal annars aðstoðað og frætt nemendur, kennt upplýsingalæsi og verið helsti sérfræðingur bókasafnsins í APA- og IEEE-heimildastöðlum og Zotero-heimildahugbúnaðinum. Auk þess innleiddi hún, hannaði og setti upp nýjan vef bókasafnsins í nýju vefumsjónarkerfi árið 2020, ásamt því að sjá um rafrænar tengingar við gagnasöfn, vefi og samfélagsmiðla safnsins. Áður en Ragna kom til HR vann hún hjá Biskupsstofu í sjö ár, bæði á bóka- og skjalasafni og upplýsingatæknisviði stofunnar.

Sigurður Ingi Erlingsson, Paolo Gargiulo, Joanna Rós Matyszczyk og Ragnheiður Ríkarðsdóttir hlutu HR verðlaunin.

Komin er út bókin Rekstrarhagfræði og samfélagið eftir Ágúst Einarsson og Axel Hall. Það er umfangsmesta bók sem hefur verið skrifuð á íslensku um rekstrarhagfræði. Útgefendur eru Háskólinn á Bifröst og Háskólinn í Reykjavík.

Magga Dóra kennir þjónustu- og upplifunarhönnun við HR en tilvera okkar verður stafrænni með hverju árinu. Hið stafræna er farið að taka alls kyns ákvarðanir sem manneskjur þurftu áður að taka og segir Magga Dóra því nauðsynlegt að ræða, kenna og rannsaka bæði tækni og fólk enn betur.

Sendiherra Evrópusambandsins Lucie Samcová - Hall Allen kom í heimsókn í Háskólann í Reykjavík til að ræða rannsóknir og þróun ásamt því að kynna sér háskólann og starfsemi hans.

Þorsteinn Geirsson, stofnandi og nýsköpunarstjóri NeckCare, segir MPM-námið nýtast vel í starfi sínu. Í náminu hafi hann öðlast betri heildaryfirsýn og aukinn skilning á því hvernig einstaka verkþættir leggja grunninn að bjartari framtíð. 

Umhverfis-, orku- og loftslagsráðherra heimsótti nemendur í tæknifræði og kynnti verkefni ráðuneytisins „Leiðin að árangri í lofslagsmálum“. Í námskeiðinu Inngangur að tæknifræði fást nemendur við hagnýt verkefni sem öll tengjast umhverfis- og orkumálum. 

Ender Demir, dósent við viðskiptafræðideild Háskólans í Reykjavík, er einn höfunda fræðilegrar rannsóknargreinar sem nýlega birtist í tímaritinu Research in International Business and Finance. Þar greinir frá fyrstu tilraun til að mæla viðbrögð markaðarins við upplýsingagjöf SEC fyrirtækja (fyrirtæki í opinberri eigu) sem tengjast Metaverse starfsemi.

Vel heppnuð Hundastund var haldin fyrir nemendur Háskólans í Reykjavík nú í nóvember og komust færri að en vildu til að knúsa besta vin mannsins. Hundastund verður því endurtekin dagana 7. og 8. desember.

Nýnemar í tæknifræði hafa undanfarnar vikur unnið að verkefnum sínum í svokölluðum þriggja vikna námskeiðum. Í skemmtilegu myndbandi má sjá frá vettvangsferð þeirra í Hrútafjörð þar sem aðstæður voru skoðaðar fyrir byggingu nýrrar viðbyggingar við símstöðvarhús Veraldarvina. 

Lisseth Carolina Acevedo Mendez stundar þriggja anna nám við Háskólagrunn HR. Hún hefur náð góð tökum á íslenskunni en hún flutti hingað til lands árið 2017 og hefur starfað á leikskóla í Garðabæ síðan 2018. Þá er hún landsliðskona í skák og hefur keppt í skák bæði hérlendis og á Kostaríka.

Þrjár námsleiðir eru í boði við Háskólagrunn HR á Austurlandi og ein þeirra er brú úr iðnfræði í tæknifræði. Iðnfræðingar sem fara þessa leið taka allar námsgreinar vorannar í tækni- og verkfræðigrunni, megináherslan í þeim grunni er á stærðfræði og raungreinar auk námskeiða í íslensku og öðrum tungumálum

Jón Haukur Arnarson hefur verið ráðinn framkvæmdastjóri rekstrar við Háskólann í Reykjavík. Hann hefur störf í upphafi árs 2023.

Níels Árni Árnason lauk doktorsnámi frá verkfræðideild Háskólans í Reykjavík nú í haust. Níels Árni starfar hjá Blóðbankanum þar sem rannsóknarhugmyndin fæddist. Í rannsókn sinni skoðaði Níels Árni aðferð sem minnkar áhættu á bakteríusmiti í blóðflöguþykkni og eykur geymslutíma þess sem tryggir betra framboð fyrir sjúklinga sem þurfa á slíku að halda og dregur úr álagi á blóðbanka.

Verkfræðideild HR ásamt fleiri háskólum hlaut nýlega Erasmus+ Evrópustyrk til að skrifa handbækur um stjórnun fyrir byggingariðnaðinn.

Dr. Snjólaug Árnadóttir skrifaði nýverið blogg fyrir World Lawyers’ Pledge on Climate Action um kolefnisförgun á Íslandi og stofnun nýs rannsóknarseturs; Sjálfbærni- og loftslagsréttarstofnunar HR. Setrið var meðal annars stofnað til að heiðra lögmannaheitið, sem Snjólaug tók þátt í að gera, og miðar að því að hraða loftslagsaðgerðum. Bloggið fjallar um lagalegt tómarúm og ósanngjarnar niðurstöður gildandi laga sem stafa af loftslagsbreytingum og hvernig lögfræðingar geta tekist á við þessar áskoranir til að stuðla að þýðingarmiklum loftslagsaðgerðum.

Ef þú vilt öðlast hagnýta reynslu og þróa leiðtogahæfileika þína í síbreytilegu og fjölmenningarlegu umhverfi þar sem áhersla er lögð á frumkvöðlahugsun þá er AIESEC rétta leiðin fyrir þig.

Kristján Óttar Klausen lauk nýverið doktorsnámi við verkfræðideild Háskólans í Reykjavík í verk- og tæknivísindum, eðlisfræði nánar tiltekið, undir leiðsögn Andrei Manolescu og Sigurðar I. Erlingssonar. Verkefni hans fólst í því að kanna stöðugleika og stjórnun margra Majorana núllhátta (e. zero modes) í rörlaga nanóvírum, sem nýlega hefur tekist að framleiða.

Háskólinn í Reykjavík er nú formlega orðinn fullgildur þátttakandi í NeurotechEU - University of Brain and Technology, sem er samstarfsverkefni (European University Initiative) nokkurra fremstu rannsóknaháskóla Evrópu á sviði taugatækni (neuro-technology). Háskólar innan NeurotechEU - njóta fjölbreytts ávinnings af því. Þannig munu nemendur í háskólum innan samstarfsins geta sótt nám í öllum háskólum og öðlast með því alþjóðlega reynslu og notið góðs af sérþekkingu hvers háskóla á sviðinu.

Þjónustustjórinn Arnar Egilsson er kunnur flestum ef ekki öllum HRingum sem numið hafa eða starfað við skólann síðastliðin 20 ár. Arnar var starfsmaður skólans númer 86 og stendur nú á tímamótum eftir 20 ára starfsferil hjá Háskólanum í Reykjavík því að hann hefur nú haldið til nýrra starfa. Við fórum yfir farinn veg með Arnari skömmu fyrir kveðjudaginn, ræddum jólahlaðborð í Sólinni áður en HR var vígður, tölvuáhugann og fjallgöngurnar og sjósundið þar sem hann hleður batteríin.

Grein eftir vísindamenn við Háskólann í Reykjavík og 3Z, sem starfa á sviði lyfjauppgötvana, birtist í Nature tímaritinu Neuropsychopharmacology á dögunum. Í greininni er nýjum lyfjum við ADHD sem eru í þróun lýst.

Árni Steinar Þorsteinsson og Þorsteinn I. Stefánsson Rafnar eru tilnefndir til Nýsköpunarverðlauna forseta Íslands fyrir verkefni sitt í tölvunarfræði við Háskólann í Reykjavík og Háskólann á Akureyri. Verkefnið snýr að gerð smáforrits (e. app) og gagnagrunns fyrir foreldra og lækna barna er kljást við perodic fever, klínísku ástandi sem veldur reglulegum hitaköstum hjá börnum sem ekki er hægt að rekja til veiru eða bakteríusýkingar. Um er að ræða áhrifaríka nýjung sem þeir vonast til að geti stuðlað að verulegum úrbótum í meðferð og rannsókn sjúkdómsins.

Fjórir doktorsnemar við Heilbrigðistæknisetur Háskólans í Reykjavík (RU Institute of Biomedical and Neural Engineering) sóttu nýlega IEEE MetroXRAINE-ráðstefnuna í Róm, en hún fjallar einkum um mælifræði fyrir gervigreind, sýndarveruleika og taugaverkfræði. Tvö úr hópnum, þau Marco Recenti og Deborah Jacob, hlutu einstaklingsverðlaun fyrir rannsóknir sem kynntar voru á ráðstefnunni. Marco fyrir besta doktorsframlagið og Deborah fyrir besta framlagið í flokki vísindakvenna.

Alþjóðlega þýskuprófið TestDaF verður haldið í Tungumálamiðstöð Háskóla Íslands 14. febrúar 2022 kl. 9:15. Prófið er bæði skriflegt og munnlegt og er ætlað þeim, sem ætla að fara í háskólanám í Þýskalandi. Prófið er nú alfarið rafrænt og verður því haldið í tölvuveri Tungumálamiðstöðvar á 2. hæð í Veröld – húsi Vigdísar.

Ágúst Valfells, deildarforseti verkfræðideildar Háskólans í Reykjavík var þátttakandi í sendinefnd sem ráðherra leiddi til Singapúr. Áhersla var lögð á að þau kynntu sér háskóla- og nýsköpunarumhverfið þar í landi en Singapúr hefur náð eftirtektarverðum árangri á sviði nýsköpunar. 

Tölvunarfræðingurinn Anna Sigríður Islind var lengi að máta sig við fagið. Á tímabili íhugaði hún að segja skilið við það og gerast frekar læknir eða bara skartgripahönnuður. Ekkert varð þó af því og segir hún síbreytileika tölvunarfræðinnar hafa verið það sem togaði hana sífellt aftur til baka. Hún lauk doktorsprófi í tölvunarfræði og í dag starfar hún sem dósent við tövlunarfræðideild Háskólans í Reykjavík.

Nýtt og breytt fagráð Háskólagrunns hefur verið skipað. Fagráðinu er ætlað að vera stefnumótandi við skipulag náms og stuðla að því meginmarkmiði Háskólagrunns að undirbúa nemendur fyrir áframhaldandi nám á háskólastigi.

Guðmundur Örn Guðjónsson er uppalinn í Vesturbænum og stundaði íþróttir með KR. Fyrir rúmum áratug hóf hann nám við Kvennaskólann í Reykjavík en náði ekki að ljúka stúdentsprófi og hélt út á vinnumarkaðinn.

Þróunarsetur Háskólans í Reykjavík fyrir þrívíddarprentun var vígt með opnunarathöfn síðastliðinn föstudag. Í þróunarsetrinu verður hægt að gera rannsóknir og stuðla að vöruþróun með þrívíddarlíkönum, svo sem á sviði hátækni, efnavísinda, heilbrigðisvísinda, verkfræði, læknisfræði, matvælaframleiðslu, byggingariðnaðar, kvikmynda, myndlistar og orkugeiranum. Í setrinu verður hægt að hanna ferla sem notaðir verða við skipulagningu háþróaðra skurðlækninga, hanna flókin gervilíffæri og gera rannsóknir sem eru grundvöllur hátækniþróunar og hátækniiðnaðar.

Dr. Ingunn S. Unnsteinsdóttir Kristensen hefur verið ráðin forstöðukona Opna háskólans í HR. Henni er meðal annars ætlað að leiða sókn Opna háskólans á sviði nýsköpunar og þróunar og marka honum afgerandi sess á mörkum atvinnulífs, háskóla og vísinda.

Nemendur í orku- og véltæknifræði í Háskólanum í Reykjavík unnu að skemmtilegu verkefni í námskeiðinu Hagnýtt verkefni III þar sem þeir smíðuðu líkan af hver. Líkanið býr til strók, rétt eins og Geysir, og gaus hann fyrir utan HR í síðustu viku. 

Nýverið sótti nokkuð fjölmennur hópur vísindafólks og embættismanna frá Slóveníu vinnustofur og vettvangsferðir hér á landi í samstarfi við Iceland School of Energy (ISE) við Háskólann í Reykjavík. Heimsóknin er hluti af svokölluðu INFO-Geothermal-verkefni, sem styrkt er af EES um ríflega 1 milljón Evra samkvæmt Climate Change Mitigation and Adaptation-áætlun EES, sem miðar að aðgerðum gegn loftslagsvánni. Verkefninu er stýrt af Jarðfræðistofnun Slóveníu ásamt ráðuneytum og samtökum sveitarfélaga í Slóveníu.

Hákon Hafsteinsson útskrifaðist sem kokkur fyrir tæpum tíu árum og starfaði sem slíkur þar til hann langaði að skipta um starfsumhverfi. Hákon var hins vegar ekki viss um hvað hann vildi gera næst og samkeppnin við háskólamenntaða um áhugaverð störf reyndist erfið.

Í Háskólanum í Reykjavík eru starfandi virk jafnréttisfélög, annars vegar jafnréttisfélag SFHR (Stúdentafélag Háskólans í Reykjavík) og hins vegar jafnréttisnefnd HR . Félögin hittust á fundi á dögunum.

Skrifað var undir samning um aukið samstarf Háskólans í Reykjavík við Höfða friðarsetur Reykjavíkurborgar og Háskóla Íslands um samfélagsvaxtarrýmið Snjallræði. Snjallræði er ætlað að draga fram og efla nýjar lausnir sem styðja við heimsmarkmið Sameinuðu þjóðanna og leysa aðkallandi áskoranir samtímans.

Ákveðið hefur verið að framlengja umsóknarfrest vegna styrkja Byggðastofnunar til meistaranema sem vinna að lokaverkefnum á sviði byggðaþróunar, en frestur rann út þann 1. nóv. s.l.

Fulltrúar Háskólans í Reykjavík tóku þátt í fjölmennri vísindaferð Gulleggsins í síðustu viku. Þar voru háskólanemar hvattir til að taka þátt í og kynntir fyrir nýsköpun en HR er meðal bakhjarla Gulleggsins.

Háskólinn í Reykjavík skrifaði á dögunum undir stofnanaleyfi fyrir Gradescope hugbúnaðinn, sem er kerfi til að fara yfir ýmsar tegundir nemendaverkefna. Miðvikudaginn 2. nóvember og fimmtudaginn 3. nóvember stendur móðurfélag Gradescope, Turnitin LLC, fyrir stórri, rafrænni ráðstefnu sem fjallar um Gradescope, Turnitin (sem HR notar í gegnum landsleyfi), sem og önnur verkfæri í nemenda- og lærdómsumsjá.

Nemendum Háskólans í Reykjavík býðst að sækja um styrki til rannsókna eða náms í bandarískum háskólum fyrir skólaárið 2023-2024 hjá Stofnun Leifs Eiríkssonar (Leifur Eiriksson Foundation). Stofnunin veitir allt að 25.000 dollara styrki árlega, jafnvirði um 3,5 milljóna króna, en þetta eru með hæstu styrkjum sem íslenskum nemendum bjóðast til framhaldsnáms í Bandaríkjunum.

Alls voru 82 nemendur útskrifaðir frá Háskólanum í Reykjavík laugardaginn, 29. október við hátíðlega athöfn í Norðurljósum í Hörpu. Einn nemandi brautskráðist úr grunnnámi, 79 úr meistaranámi og tveir brautskráðust með doktorsgráðu.

Hópur stjórnenda HR heimsótti MIT (Massachusetts Institute of Technology) í Boston í Bandaríkjunum. Tilgangur ferðarinnar var að hitta samstarfsaðila, læra af þeim og miðla þekkingu auk þess að hefja vinnu við stefnumótun HR til ársins 2030.

Næsingur í HR er yfirskrift vellíðunardags í Háskólanum í Reykjavík sem haldinn verður þann 2. nóvember. Þar býðst nemendum nærandi þjónusta fyrir líkama og sál í aðdraganda námsmatstímabils. Ýmis félagasamtök er snúa að heilbrigði verða með kynningu á þjónustu sinni, Hundastund verður haldin í glerrýminu, herðanudd á spott prís í boði og nokkrir heppnir fá gjafabréf frá Joe and The Juice.

Verkfræðideild Háskólans í Reykjavík, eða nánar tiltekið rannsóknasetrið CORDA og MPM námið, í samstarfi við Verkfræðingafélag Íslands (VFÍ) stóðu að ráðstefnunni „Innovation, Megaprojects and Risk“ (IMaR) þ. 20 október sl.

Ráðstefna um rakaskemmdir og myglu var haldin fyrir fullu húsi í Háskólanum í Reykjavík þann 18. október síðastliðinn. Fundarstjórn var í höndum Ólafs Wallevik, prófessors í iðn-og tæknifræðideild Háskólans í Reykjavík Sigurður Ingi Jóhannsson, innviðaráðherra, opnaði ráðstefnuna.

Í lausnum sprotafyrirtækisins ENVALYS, sem er til húsa í Háskólanum í Reykjavík þar sem það kom til sögunnar, er lögð áhersla á sjálfbærni, heilbrigði samfélaga og kerfisbundna, heildræna nálgun í ferlum sem snúa að þróun, hönnun og skipulagi umhverfis.

Verkfræðideild Háskólans í Reykjavík er þátttakandi í svokölluðu RAVEN-verkefni, sem er hluti af stærra verkefni Háskólans í Arizona. Verkefnið snýst um samþættingu dróna og geimjeppa við sýnatöku og leiðarval. Niðurstöðurnar má hagnýta í umhverfi eins og á Mars.

Aðsókn í BSc-nám í byggingafræði við Iðn- og tæknifræðideild Háskólans í Reykjavík hefur aldrei verið meiri en nú. HR er eini háskólinn á Íslandi þar sem slíkt nám er í boði. 

Dr. Paolo Gargiulo, prófessor í verkfræðideild Háskólans í Reykjavík og forstöðumaður Heilbrigðistækniseturs HR, hefur skrifað undir samning við alþjóðlega útgáfurisann Elsevier um útgáfu fræðirits um notkun þrívíddarlíkana í klínískum skurðaðgerðum.

Sprotafyrirtækið Magnavita hefur undirritað samstarfssamning við Háskólann í Reykjavík um að þróa og bjóða eins árs nám fyrir fólk á þriðja æviskeiði. Það hefur yfirskriftina Magnavita-námið í HR og verður undir merkjum Opna háskólans í HR. Skráning hefst núna í október.

Háskólinn í Reykjavík hlaut viðurkenningu fyrir fallega og vel hirta fjölbýlishúsalóð Háskólagarða við Nauthólsveg 83. Reykjavíkurborg veitir viðurkenningar árlega fyrir fallegar stofnana-, fyrirtækja- og fjölbýlishúsalóðir

Þórhildur Halldórsdóttir, lektor við sálfræðideild Háskólans í Reykjavík, hélt fyrr á þessu ári Ted fyrirlesturinn Adolescent mental health - Moving forward after the pandemic. Í fyrirlestrinum ræðir Þórhildur um áhrif Covid-19 á andlega heilsu unglinga og þá staðreynd að kvíða- og þunglyndiseinkenni hafa aukist til muna í kjölfar heimsfaraldurs og þá sérstaklega meðal stúlkna á aldrinum 16-18 ára.

HR hlaðvarpið hefur nú göngu sína og fyrsta afurðin er 1. þáttur í syrpunni "Verkfræðivarpinu", sem er sjálfstæð þáttasyrpa innan HR hlaðvarpsins. Verkfræðivarpið er hugarfóstur Hauks Inga Jónassonar, Helga Þórs Ingasonar og Þórðar Víkings Friðgeirssonar, en þeir eru allir kennarar og fræðmenn við verkfræðideild HR. Í þessari hlaðvarpsþáttaröð leitast þeir við að færa hið stórkostlega þekkingarsvið verkfræðinnar til almennings og verkfræðinga á mannamáli.

RAVEN verkefnið er hluti af stærra verkefni leitt af Háskólanum í Arizona sem samtvinnar stjórnun MESR vísinda geimjeppa, er lánaður var frá kanadísku geimstofnuninni, og dróna. Þorsteinn Hanning Kristinsson, aðstoðarkennari við verkfræðideild HR, var í fimm manna hópi sem dvaldi við Öskju síðastliðið sumar þar sem hópurinn tók þátt í uppsetningu og framkvæmd verkefnisins.

Á nýjum lista Times Higher Education (THE) yfir bestu háskóla heims fyrir árið 2023 er Háskólinn í Reykjavík áfram efstur íslenskra háskóla og heldur stöðu sinni í sæti 301-350. Þá er HR enn meðal allra efstu skóla er kemur að mati á hlutfallslegum áhrifum rannsókna, fjórða árið í röð í sjöunda sæti tæplega 1800 háskóla. Áhrif rannsókna eru metin út frá fjölda tilvitnana í vísindagreinar, það er, hversu oft aðrir vísindamenn vitna í niðurstöður fræðimanna háskólans í ritrýndum vísindagreinum.

Fyrsta úthlutun úr Vísindasjóði OR, VOR, fór fram í húsakynnum Orkuveitu Reykjavíkur síðastliðinn föstudag. Hátt í hundrað milljónum var úthlutað til 17 verkefna. Brynhildur Davíðsdóttir formaður stjórnar OR sagði við þetta tilefni að OR samstæðan reiði sig mikið á vísinda- og rannsóknarstörf sem fram fari utan fyrirtækisins sem og uppeldi háskólanna á vísindafólki framtíðarinnar. Tvö verkefni frá verkfræðideild Háskólans í Reykjavík hlutu 8,5 milljóna króna styrk hvort.

Eliza Reid forsetafrú hélt fyrirlestur fyrir EMBA nemendur síðastliðin fimmtudag. Þar talaði hún um vegferð sína, starf sitt og um nýútgefna bók sína (The Secrets of the Sprakkar: Iceland´s Extraordinary Women and How They Are Changing the World) og megin skilaboð hennar.

Hásinarslit eru á meðal langvinnustu meiðsla hjá atvinnufólki í knattspyrnu. Með nýjustu þekkingu í endurhæfinga, íþrótta- og næringarfræðum er mögulegt að stytta tímann sem endurhæfing tekur til muna. Dr. Chris Curtis hefur starfað sem næringarfræður í heimi íþróttanna síðastliðin 14 ár og hélt í vikunni fyrirlestur á vegum íþróttafræðideildar um endurkomu knattspyrnufólks á völlinn eftir meiðsli með hjálp faglegrar næringarráðgjafar.

Það var liðið Flash sem bar sigur úr býtum í æsispennandi vélmenna kappakstri síðastliðinn föstudag. 

Menntakvika 2022 verður haldin eftir hádegi fimmtudaginn 6. október og föstudaginn 7. Í húsnæði Menntavísindasviðs Háskóla Íslands í Stakkahlíð. Ráðstefnan er öllum opin og þátttakendum að kostnaðarlausu og verður málstofum einnig streymt í gegnum Zoom fjarfundabúnað.

Starfsfólk Háskólans í Reykjavík tók á móti fjölda gesta á Vísindavöku um helgina í Laugardalshöll. Vísindavaka er ætluð öllum aldurshópum til að færa vísindin nær almenningi, kynna manneskjurnar á bak við vísindin og vekja fólk til umhugsunar um mikilvægi rannsókna- og vísindastarfs í nútímasamfélagi.

Með gervihnattamyndum má nálgast mikilvægar upplýsingar um ástand jarðarinnar t.a.m. er varðar gróðurfar og umfang skógarelda. Slíkar myndir geta því veitt ákveðið aðhald og vakið athygli almennings á þeim breytingum sem verða.

Ragnhildur Helgadóttir, rektor Háskólans í Reykjavík, sótti Norræna háskóladaga 26. og 27. september 2022 í Brussel. Á ráðstefnunni komu saman yfir sextíu rektorar norrænna háskóla ásamt fulltrúum frá framkvæmdastjórn ESB, Evrópska rannsóknarráðinu, Evrópuþinginu, fastafulltrúum og sendinefndum ESB. Ragnhildur sat fyrir svörum á fundi Evrópuþingmanna og ræddi þar fyrst og fremst samspil vísinda og stjórnmála, ásamt því að svara spurningum um norræna háskóla.

Á Vísindavöku nú um helgina gefst gestum og gangandi tækifæri á að skoða, prófa og uppgötva brot af þeim metnaðarfullu rannsóknum sem stundaðar eru innan Háskólans í Reykjavík. Vísindavaka er ætluð öllum aldurshópum en markmiðið með henni er að færa vísindin nær almenningi, kynna manneskjurnar á bak við vísindin og vekja fólk til umhugsunar um mikilvægi rannsókna- og vísindastarfs í nútímasamfélagi.

Starfsfólk Háskólans í Reykjavík er hvatt til að kynna sér Samstarfssjóð háskóla sem háskóla-, iðnaðar- og nýsköpunarráðherra hefur sett á laggirnar. Kallað er eftir hugmyndum frá starfsfólki um möguleg samstarfsverkefni HR við aðra háskóla fyrir lok þessarar viku. 

Byggðastofnun auglýsir styrki til meistaranema sem vinna að lokaverkefnum á sviði byggðaþróunar. Kostur er ef verkefnin hafa skírskotun til byggðaáætlunar. Til úthlutunar er allt að 1.000.000 kr. og stefnt er að því að veita fjóra styrki.

Dagana 13.-16. september tóku fulltrúar frá alþjóðaskrifstofu HR þátt í ráðstefnu European Association for International Education (EAIE) í Barcelona þar sem um 6300 þátttakendur frá 90 löndum voru samankomnir. Þetta var í 32. skipti sem ráðstefnan er haldin og urðu mikilir fagnaðarfundir kollega eftir tveggja ára rafræn samskipti.

Háskóla-, iðnaðar- og nýsköpunarráðherra, Áslaug Arna Sigurbjörnsdóttir, og rektor Háskólans í Reykjavík, Ragnhildur Helgadóttir, hafa undirritað nýjan þjónustusamning til næstu fimm ára (2023-2027) um kennslu og rannsóknir við skólann. Með þessum nýja langtímasamningi við HR styður ráðuneytið við stöðugleika og fyrirsjáanleika í starfsemi háskólans og eykur möguleika hans til langtímafjármögnunar og verkefna til lengri tíma.

Paola Car­den­as, klínískur sál­fræðing­ur, fjöl­skyldu­fræðing­ur og doktorsnemi í sál­fræði við Há­skól­ann í Reykja­vík, er nýr formaður inn­flytj­endaráðs. Hún er skipuð af Guðmundi Inga Guðbrands­syni, fé­lags- og vinnu­markaðsráðherra. Paola hefur á undanförnum þremur árum rannsakað félagslegar aðstæður og líðan flóttabarna- og ungmenna á Íslandi.

Stúdentafélagið í HR stóð fyrir árlegum Ólympíuleikum SFHR í síðustu viku. Þar koma nemendur úr öllum deildum innan skólans saman og keppa í nokkuð nýstárlegum og skemmtilegum greinum m.a. ísboðhlaupi og skutlukeppni svo og hefðbundnari íþróttagreinum. Að vanda endaði Ólympíuvikan með risa alvöru Ólympíupartýi þar sem nokkur hundruð nemendur mættu og skemmtu sér saman.

Ný stjórn Háskólans í Reykjavík hefur framlengt ráðningarsamning dr. Ragnhildar Helgadóttur rektors til ársins 2026. Hún tók við stöðunni af dr. Ara Kristni Jónssyni árið 2021 en hann hafði verið rektor í ellefu ár. Ragnhildur gerði upphaflega samning til eins árs, sem hefur nú verið framlengdur.

Fyrirtækið varð til við þverfaglegar rannsóknir í sálfræði og tölvunarfræði í hugbúnaðarkerfinu Aperio við Háskólann í Reykjavík. Þriggja ára rannsóknir á áhrifum styrkingarhátta í tölvuleikjum leiddu til þróunar námsleiks sem nýtir blöndu styrkingarhátta til að hámarka áhuga og árangur barna í stærðfræði. Rannsóknin sýndi að börn lærðu að meðaltali fjórfalt hraðar í námsleiknum og börn með undirliggjandi námsörðugleika lærðu allt að tólffalt hraðar.

Laugardaginn 17. september mun Skema bjóða upp á sannkallað tækniævintýri í Smáralindinni milli 11:00 og 17:00. Gestir og gangandi geta kynnt sér og prófað ýmislegt sem Skema í HR nýtir á námskeiðum sínum m.a. vatnspíanó, Minecraft, tölvuleikjaforritun, vélmenni og forritunarleikir fyrir yngri kynslóðina.

Ágúst Örn Eiðsson, tölvunarfræðinemi við Háskólann í Reykjavík, stundar nú skiptinám við TUM eða Technical University of Munich í Þýskalandi. Ágúst ákvað að fara í tölvunarfræði þar sem hann hefur alltaf haft mikinn áhuga á tölvum og hefur gaman af því að leysa ýmis vandamál og reyna að finna nýjar lausnir.

Fyrsti fundur háskólaráðs Háskólans í Reykjavík undir stjórn nýs formanns, Guðbjargar Eddu Eggertsdóttur, fór fram 14. september síðastliðinn. Á fundinum var tímabilið framundan undirbúið.

Myrkur Games var stofnað árið 2016 af þremur nemendum úr Háskólanum í Reykjavík, þeim Halldóri Snæ Kristjánssyni, Daníel Arnari Sigurðssyni og Friðriki Aðalsteini Friðrikssyni. Fyrirtækið spratt upp úr samstarfi þeirra í þriggja vikna áfanga í leikjagerð og síðar lokaverkefni í sýndarveruleika.

Sigurgeir Sveinsson nemur byggingafræði við Háskólann í Reykjavík. Hann segir fagið heillandi en á síðustu vorönn lét hann ævintýraþrána ráða ferðinni og hélt í skiptinám alla leið til Jórdaníu. Sigurgeir segir mikilvægt að halda í skiptinám með opnum huga og nýta sér öll þau tækifæri sem bjóðast á meðan því stendur.

Fimleikaþjálfarinn og verðandi íþróttafræðingurinn Ólöf María Ásmarsdóttir lifir og hrærist í heimi íþróttanna. Hún stundar BS nám í íþróttafræði við Háskólann í Reykjavík en dvelur um þessar mundir í Þýskalandi, nánar tiltekið í Köln, þar sem hún stundar skiptinám við German Sport University. Hún lýsir skólanum sem draumaskóla allra íþróttafræðinga og íþróttafólks þar sem fjölbreytt nám er í boði og nemendur frá ólíkum heimshornum kynnast og sameinast í sönnum íþróttaanda.

Verkefni íþróttafræðinema við Háskólann í Reykjavík eru af ýmsum toga og nú í vikunni sá hópur nemenda um að framkvæma mælingar á eldri borgurum sem taka þátt í heilsueflingunni Virkni og Vellíðan.

Málþingið verður haldið í stofu M101 í Háskólanum í Reykjavík fimmtudaginn 29.september kl.14:00 – 16:00.

Lára Jónasdóttir, verkefnastjóri Svefnseturs við Háskólann í Reykjavík starfaði í mörg ár í fjölmörgum löndum hjá Læknum án landamæra. Hún segir frá reynslu sinni á upplýsingafundi samtakanna 15. september næstkomandi. 

Svefn er ein af grunnstoðum heilbrigðs lífs og hefur áhrif á allt okkar líf. Ungt fólk hefur nú tækifæri á að leggja sitt af mörkum til svefnrannsókna en leitað er að þátttakendum á aldrinum 18-40 ára í lífstílsrannsókn hjá Svefnbyltingunni.

Við Opna Háskólann í HR er í boði námslína í samstarfi við Cézar Ritz Colleges í Sviss sem sérhæfir sig í því að undirbúa nemendur fyrir alþjóðlegar stjórnunarstöður í hótel- og veitingahúsageiranum.

Síminn og Háskólinn í Reykjavík hafa undirritað fimm ára samstarfssamning um stuðning Símans við konur með framúrskarandi námsárangur til náms í tæknigreinum í HR. Markmiðið er að fjölga konum sem útskrifast úr tæknigreinum.

Aukin tækifæri fyrir nemendur og starfsfólk felast í samstarfi Háskólans í Reykjavík og Teachers College (TC), Columbia Háskóla í New York. Samstarf skólanna hefur verið til staðar allt frá árinu 2005 og verið öflugt. 

Sívaxandi kröfur eru gerðar til stjórnenda samtímans. Með því að ljúka PMD stjórnendanámi HR hafa stjórnendur eflt til muna faglega þekkingu sína og aukið færni sína, frumkvæði og sjálfstraust.

Peter O‘Donoghue er nýráðinn prófessor við íþróttafræðideild Háskólans í Reykjavík. Hann er þekktur víða fyrir vinnu sína, rannsóknir og kennslu á sviði frammistöðugreininga í íþróttum (e. sport performance analysis) og er afkastamikill fræðimaður. 

Forsetalistahöfn var haldin miðvikudaginn 31. ágúst, þar sem nemendum var veitt viðurkenning fyrir framúrskarandi árangur í námi á vorönn 2022. Þessir nemendur komast á forsetalista og fá niðurfelld skólagjöld komandi annar.

Dr. Phil Budden frá MIT Sloan School of Management heldur fyrirlestur í HR þriðjudaginn 6. september 2022. 

Sex nemendur Háskólans í Reykjavík fengu á dögunum styrk úr Námssjóði Sameinaðra verktaka en nemendur í tæknifræði, verkfræði og tölvunarfræði við HR geta sótt um styrkinn.

Jón Goði Ingvarsson tók nýlega við sem forseti Stúdentafélags Háskólans í Reykjavík (SFHR) sem er hagsmunafélag stúdenta við HR. Formaður félagsins er kosinn árlega og situr fundi framkvæmdarstjórnar HR ásamt því að sitja í stjórn fulltrúaráðs Landssamtaka íslenskra stúdenta.

Stjórn Minningarsjóðs Helgu Jónsdóttur og Sigurliða Kristjánssonar auglýsir hér með eftir styrkumsóknum vegna náms á skólaárinu 2022-2023. Styrkirnir eru ætlaðir nemendum í verkfræði- og raunvísindagreinum og hafa þeir einkum verið veittir nemendum í framhaldsnámi.

Lagadeild Háskólans í Reykjavík og Nasdaq Iceland standa fyrir Kauphallardegi föstudaginn 2. september næstkomandi. Á dagskrá verða erindi þar sem fjallað verður um ýmis praktísk lögfræðileg viðgangsefni á sviði verðbréfamarkaðsréttar.

Markmið námslínunnar Ábyrgð og árangur stjórnarmanna er að efla faglegan grunn stjórnarmanna m.a. með þjálfun á sviði lagalegra, fjárhagslegra og siðferðilegra viðfangsefna. Þátttakendur í námslínunni læra um hlutverk stjórna út frá rekstri, lögum, teymisvinnu, siðfræði, samfélagsábyrgð og mörgum öðrum þáttum.

Kristinn R. Þórisson, prófessor í gervigreind við tölvunarfræðideild Háskólans í Reykjavík, er meðal viðmælenda í þáttaröðinni Techtopia, sem er í sýningu á þýsku sjónvarpsstöðinni DW og hefur þar notið mikilla vinsælda. Þáttaröðin er tileinkuð framtíðartækni og það er þáttagerðarmaðurinn Janosch Delcker hjá DW sem er handritshöfundur og stjórnandi þáttaraðarinnar, ásamt því að vera kynnir. Í þáttunum er meðal annars rætt um rannsóknir vísindafólks á sviði gervigreindar, ásamt því sem fjallað er um siðferðileg álitamál og framtíðarsýn.

Ágúst Örn Eiðsson, tölvunarfræðinemi við HR, sem nú stundar skiptinám Technical University of Munich í Þýskalandi mælir heilshugar með skiptinámi til að kynnast öðru námsumhverfi og samfélagi og um leið til að læra á lífið.

Verðbréfaréttindi I er nám er undirbýr nemendur fyrir próf í verðbréfaréttindum. Sérfræðingar og stjórnendur sem hafa umsjón með daglegri starfsemi í tengslum við viðskipti með fjármálagerninga verða lögum samkvæmt að hafa staðist slíkt próf. 

Vel heppnaðir Nýnemadagar stóðu yfir í HR dagana 10.-12. ágúst. Rúmlega 1200 nýnemar voru boðnir velkomnir með fjölbreyttum fyrirlestrum, deildarkynningum og skemmtilegum uppákomum

Tekið var á móti 172 skiptinemum og 27 erlendum nemendum í fullt nám á sérstökum kynningardegi í HR í dag Var nemendum skipt upp í 7 hópa og fyrir hverjum hópi fóru tveir HR mentorar sem stýrðu dagskrá síns hóps með miklum sóma. 

Fjármál og rekstur fyrirtækja er námslína fyrir alla þá sem vilja dýpka þekkingu sína og auka færni á sviði reksturs og fjármála. 

Nýnemadagar fara fram dagana 10-12 ágúst við Háskólann í Reykjavík. Þá verða nýnemar í grunnnámi við HR boðnir velkomnir og dagskrá alla dagana.

Það gerði námið sérstaklega skemmtilegt að lögð var áhersla á að nota raundæmi í kennslunni sem gáfu innsýn í hugsunarhátt góðra stjórnenda. 

Háskólinn í Reykjavík er í tólfta sæti yfir bestu smærri háskóla heims á lista Times Higher Education (THE) sem birtur var á dögunum. HR stekkur upp um sex sæti á listanum á milli ára. 

Námið reyndist mér vel og það jók sjálfstraust mitt að hafa betri þekkingu á fleiri hliðum reksturs fyrirtækja.

Árleg alþjóðleg CDIO ráðstefna sem haldin var í Háskólanum í Reykjavík í júní var vel heppnuð. CDIO samtökin eru alþjóðlegt samstarfsnet háskóla sem kenna tæknigreinar og eru verkfræðideild og iðn- og tæknifræðideild HR þátttakendur í samstarfinu. 

HRingurinn fer fram í Háskólanum í Reykjavík um helgina en HRingurinn er eitt stærsta LAN-mótið á Íslandi.

Fræðimenn við tölvunarfræðideild Háskólans í Reykjavík hlutu á dögunum verðlaun fyrir bestu vísindagreinina. Greinin kallast „A Monitoring Tool for the Linear-Time μHML“. 

Ralph Rudd hefur verið lektor við verkfræðideild Háskólans í Reykjavík frá því 2021 en áður vann hann við háskólann í Cape Town. Hann gat því varla ferðast lengra norður til að taka við nýju starfi en Ralph er fæddur og uppalinn í Suður Afríku.

Sex námsbrautir tölvunarfræðideildar fengu alþjóðlega vottun, ASIIN-EQANIE, þann 5. apríl síðastliðinn. Allar brautirnar sem sótt var um vottun fyrir fengu hana. 

Svefnsetur Háskólans í Reykjavík leitar að einstaklingum til að taka þátt í vísindarannsókn á sviði svefnrannsókna.

Íslenska lyfjaþróunarfyrirtækið 3Z hefur tryggt sér fjármögnun uppá 265 milljónir króna. Fyrirtækið sprettur úr grunnrannsóknum við Háskólann í Reykjavík.

Verkfræðideild Háskólans í Reykjavík tekur þátt í verkefni er kallast STEM skills and competences for the new generation of Nordic engineers. Grunngreinar í verkfræði eru svokallaðar STEM greinar sem stendur fyrir Science, Technology, Engineering og Mathematics. Verkefnið hlaut þriggja ára styrk frá Erasmus+ áætlun Evrópusambandsins árið 2018. 

Hildur Davíðsdóttir og Sandra Sif Gunnarsdóttir fluttu ræður fyrir hönd nemenda við hátíðlega athöfn laugardaginn 18. júní þegar metfjöldi nemenda var brautskráður frá HR.

Tæplega fjögur þúsund umsóknir um nám bárust Háskólanum í Reykjavík sem er fjölgun frá fyrra ári. Umsóknir um meistaranám hafa ekki verið fleiri og voru um 1.800.   

Dr. Hafrún Kristjánsdóttir hefur hlotið framgang í stöðu prófessors við íþróttafræðideild Háskólans í Reykjavík eftir mat alþjóðlegrar hæfisnefndar.

Samstarf Háskólans í Reykjavík og Háskólans á Akureyri um nám í tölvunarfræði hefur gengið vel síðan það hófst árið 2015. 

Nordlys, eitt af norrænum samstarfsnetum Háskólans í Reykjavík innan Nordplus kom saman á ársfundi í HR, þeim fyrsta í raunheimum í tvö ár. Þátttakendur eru starfsmenn alþjóðaskrifstofa norrænna háskóla og voru 27 mættir ásamt 10 í fjarfundabúnaði. Þema fundarins var grænn lífsstíll í skiptinámi. Alþjóðasvið HR skipulagði vinnustofuna og fengu nokkra aðila til að halda erindi.

Háskólinn í Reykjavík heldur nú alþjóðlegu CDIO ráðstefnuna sem er haldin í átjánda sinn dagana 13. – 15. júní 2022. Yfirskrift hennar er „Að lifa af og dafna – Framtíðin undirbúin“. 

SINPAIN verkefninu var nú í maí úthlutað 6 milljón evra styrk frá Evrópska rannsóknarráðinu (European Research Council). Verkefnið er í höndum Paolo Gargiulo, prófessors í verkfræðideild HR og forstöðumanns Heilbrigðistæknisetursins sem sett var á fót við Háskólann í Reykjavík árið 2014 í samvinnu við Landspítalann. Markmið rannsókna innan setursins er að rannsaka og þróa lausnir fyrir heilbrigðisgeirann.

47 nemendur voru brautskráðir úr Háskólagrunni Háskólans í Reykjavík á föstudag. Þetta var 83. brautskráning frá Háskólagrunni HR og hefur 2431 lokið prófi frá deildinni.

Þórður Víkingur Friðgeirsson lektor og Helgi Þór Ingason, prófessor í verkfræðideild Háskólans í Reykjavík, fengu nýverið Erasmus+ styrk við þróun gervigreindar (Artificial Intelligence; AI) til að kenna verkefnastjórnun.

Michael Wooldridge, einn fremsti fræðimaður heims í gervigreind (artificial intelligence; AI) hélt vel sóttan fyrirlestur á dögunum í HR þar sem hann fjallaði um gervigreind fyrr og nú og möguleika hennar í framtíðinni. 

Benedikt Geir Jóhannesson hefur nýlokið við að verja meistararitgerð sína í Gervigreind og máltækni er ber heitið Entity Linking for Icelandic eða Sjálfvirk einræðing íslenskra sérnafna. Ritgerðin er hluti af verkefni sem HR, HÍ og Snjallgögn koma að og hlaut styrk úr Markáætlun í tungu og tækni árið 2021 til þriggja ára.

Ragnhildur Helgadóttir rektor nýtti góða veðrið á dögunum vel og skrifaði undir útskriftarskírteini allra nemenda sem útskrifast úr Háskólanum í Reykjavík þann 18. júní næstkomandi.

Námssjóður Sameinaðra verktaka veitir námsstyrki til nemenda í tæknifræði, verkfræði og tölvunarfræði við HR sem nema skólagjöldum í HR í eina önn. Umsóknarfrestur er til 7. júní.

Grímur Gunnarsson er sálfræðingur frá Hólmavík sem hefur mörg járn í eldinum. Hann útskrifaðist úr meistaranámi í klínískri sálfræði frá Háskólanum í Reykjavík í fyrra og starfar nú sem sálfræðingur hjá Knattspyrnusambandi Íslands, Fangelsismálastofnun Ríkisins, og á Domus Mentis Geðheilsustöð.

Michael Wooldridge, einn fremsti fræðimaður heims í gervigreind (artificial intelligence; AI), heldur opinn fyrirlestur í Háskólanum í Reykjavík á morgun, 31. maí kl. 16:00 í stofu M101

Nýverið var gefin út á vegum Nordic Innovation skýrsla sem fjallar um hvar þau jarðefni er að finna á Norðurlöndum sem hægt er að nota í hátæknivörur, til dæmis fyrir orkuskipti. Háskólinn í Reykjavík er eini háskólinn á Norðurlöndum sem tók þátt í gerð skýrslunnar, en innan veggja iðn- og tæknifræðideildar HR hefur undanfarin ár verið unnið að nýsköpun með íslensk jarðef

Ásgrímur Hólm er meistaranemi í klínískri sálfræði í HR. Hann segir mikilvægt að fá fleiri stráka inn í sálfræðina og fagnar aukinni umræðu um andlega heilsu. 

Guðjón Ágústsson stundar nám í sálfræði í HR og hefur fengið að taka þátt í alls kyns spennandi verkefnum í tengslum við það. Hann segir sálfræði geta komið að miklu gagni í verkefnum daglegs lífs. 

Ragna Björk Kristjánsdóttir var á dögunum ráðin forstöðukona bókasafns Háskólans í Reykjavík en hún hefur gengt starfinu frá því í febrúar á þessu ári.

Nýtt diplómanám í styrk- og þrekþjálfun hefst við íþróttafræðideild Háskólans í Reykjavík haustið 2022. Meðal kennara er Rick Howard sem hefur starfað við slíka þjálfun síðastliðinn aldarfjórðung og er við það að ljúka doktorsprófi í faginu.

Nokkrir nemendur í tæknifræði stóðu í ströngu í Nauthólsvíkinni á dögunum þegar þeir prófuðu afrakstur vinnu sinnar í þriggja vikna námskeiði vorannar.

Marta Kristín Lárusdóttir, dósent við tölvunarfræðideild, hefur tekið við formennsku í rannsóknarráði HR og Ingi Þór Einarsson, lektor við íþróttafræðideild, er nýr formaður í námsráði skólans.

Stelpur og tækni, einn stærsti viðburður Háskólans í Reykjavík fer fram á morgun, fimmtudaginn 19. maí. Þá munu nærri 750 stelpur úr 9. bekkjum 27 grunnskóla á höfuðborgarsvæðinu heimsækja Háskólann í Reykjavík og fjölda fyrirtækja í tæknigeiranum.

Dagur verkefnastjórnunar og útskriftarráðstefna MPM-nema verður haldin næsta föstudag, 20. maí í Háskólanum í Reykjavík. 

HR býður útskriftarnemum framhaldsskólanna, foreldrum og öðrum áhugasömum á opið hús, þriðjudaginn 17. maí kl. 15 til 19. Opið er fyrir umsóknir í grunnnám í HR til og með 5. júní.

Í dag auglýsir Orkuveita Reykjavíkur eftir umsóknum um styrki úr nýstofnuðum Vísindasjóði OR, sem gengur undir nafninu VOR. Til ráðstöfunar eru um 100 milljónir króna á þessu fyrsta starfsári sjóðsins sem varið verður til verkefna sem tengjast með einhverjum hætti þeim Heimsmarkmiðum Sameinuðu þjóðanna sem fyrirtækin í samstæðu Orkuveitu Reykjavíkur hafa í forgangi í starfseminni.

Aðalfundur Auðnu tæknitorgs fór fram 9. maí 2022. Háskólinn í Reykjavík er aðili að Auðnu, eins og Háskóli Íslands, Háskólinn á Akureyri, Háskólinn á Bifröst og Listaháskóli Íslands, og á í afar góðu samstarfi við Torgið. 

Tinna Sigurðardóttir starfar sem sérfræðingur í upplýsingaöryggi hjá Íslenskri erfðagreiningu. Hún útskrifaðist úr meistaranámi í máltækni og gervigreind frá HR árið 2021.

David Erik Molberg útskrifaðist með meistaragráðu í máltækni vorið 2021. Sumarið eftir útskrift starfaði hann í mál- og raddtæknistofu HR við rannsóknir og hóf síðan störf hjá sprotafyrirtækinu Tiro er sérhæfir sig í máltækni

Dr. Snjólaug Árnadóttir, lektor við lögfræðideild, kynnti í dag nýútkomna bók sína Climate Change and Maritime Boundaries sem gefin er út af Cambridge University Press.