Fréttir: 2023

Magnavita námið er eins árs nám sem er fjárfesting í framtíðinni. Í því setja nemendur sér stefnu og markmið fyrir þriðja æviskeiðið, til þess að skipuleggja innihaldsríkt líf og fjölga góðum, spennandi og heilbrigðum æviárum. Sigurður Grímsson segir námið áhugavert og að fyrirlesarar þess séu miklir sérfræðingar í sínu fagi.

Sendiherra Bandaríkjanna á Íslandi, Carrin F. Patman, heimsótti nýverið EMBA nemendur við HR sem var mikill heiður fyrir nemendur og aðstandendur námsins. Patman er virtur leiðtogi á sínu sviði og hefur yfirgripsmikla þekkingu á viðskiptum, lögfræði og opinberri þjónustu. Í heimsókninni deildi hún sérfræðiþekkingu sinni með nemendum og veitti þeim dýpri skilning á mikilvægi ábyrgrar forystu í alþjóðlegu viðskiptaumhverfi dagsins í dag.

Það kom Ylfu Rakel Ólafsdóttur á óvart hve mikil áhersla er lögð á að nemendur efli persónulega styrkleika sína, leiðtogahæfni og samskiptahæfileika í MPM-náminu í HR. MPM-nám hentar þeim sem vilja koma hlutum í verk og stýra flóknum verkefnum á ýmsum sviðum.  

Rannsóknarráð Háskólans í Reykjavík hélt svokallaðan rannsóknarkokteil fyrir starfsfólk og doktorsnema í HR miðvikudaginn 15. mars. Markmið rannsóknarkokteilsins var að auka sýnileika rannsókna í skólanum.

Lilja Sigrún Sigmarsdóttir segir MPM-námið í Háskólanum í Reykjavík vera mjög áhugavert og að nemendahópurinn sé öflugur. MPM-nám hentar þeim sem vilja koma hlutum í verk og stýra flóknum verkefnum á ýmsum sviðum.  

Forritunarkeppni framhaldsskólanna 2023 var haldin laugardaginn 11. mars síðastliðinn í Háskólanum í Reykjavík og Háskólanum á Akureyri. Metfjöldi þátttakenda var í ár eða 173, þar af um 40 þátttakendur á Akureyri. Alls tók 71 lið þátt í keppninni, 9 lið í Alfa deild, 20 í Beta deild og 43 í Delta deild.

Háskóladagur fyrir framhaldsskólanema var haldinn fimmtudaginn 9. mars í Háskólanum á Akureyri þar sem fulltrúar allra háskóla landsins fengu kærkomið tækifæri til að kynna grunnnám sitt. Starfsfólk og nemendur frá öllum deildum HR fjölmenntu norður yfir heiðar þennan dag. Kynntar voru þær fjölbreyttu námsbrautir sem í boði eru í HR og öllum helstu spurningum svarað um námið, aðstöðuna og þjónustuna þar. 

Hópur starfsfólks frá Háskólanum í Reykjavík sótti ráðstefnuna Innovations in Management sem MIT-háskóli hélt 8. og 9. mars í Boston í Bandaríkjunum. Auk þess fundaði hópurinn með nokkrum af sérfræðingum MIT. Ráðstefnan þótti afar vel heppnuð og hafði starfsfólk HR bæði gagn og gaman af heimsókninni.

Davíð Örn Jónsson er raforkuverkfræðingur og stundakennari í tæknifræði við Háskólann í Reykjavík. Honum finnst tæknifræðinemarnir í HR frábærir og segir að hann væri ekki stundakennari ef það væri ekki skemmtilegt. 

Háskóladagur verður haldinn fimmtudaginn 9. mars kl. 11-14 í Háskólanum á Akureyri þar sem tækifæri gefst til að kynna sér grunnnám við alla háskóla landsins á einum vettvangi.

Aron Heiðar Steinsson, rafmagnstæknifræðingur vinnur hjá Nova við verkefnastýringu og er stundakennari í HR. Hann segir námið í tæknifræðinni hafa verið frábært og að skólinn sé vel búinn öllum búnaði fyrir verklega kennslu

Matsnefnd erlendra sérfræðinga lagði mat á rannsóknastarfsemi Tölvunarfræðideildar Háskólans í Reykjavík fyrir skemmstu. Nefndin var skipuð þekktu vísindafólki í faginu, þeim Geraldine Fitzpatrick (TU Wien í Austurríki), Kim Guldstrand Larsen, (Álaborgarháskóla í Danmörku) og Michael Wooldridge (University of Oxford, Bretlandi).

Hinn árlegi Háskóladagur var haldinn hátíðlegur í HR og öðrum háskólum á Suðvesturhorni landsins laugardaginn 4. mars. Nemendur, kennarar og starfsfólk HR tóku á móti þúsundum gesta, veltu vöngum yfir námsframboðinu, héldu opnar kennslustundir, ræddu þjónustuna í boði, sýndu aðstöðuna í háskólanum og opnuðu dyrnar inn í rannsóknarsetur og vinnustofur.

Þrír nemendur úr fjármálaverkfræði og einn úr viðskiptafræði tóku nýverið þátt í fjármálakeppninni Rotman International Trading Competition fyrir hönd Háskólans í Reykjavík. Það er Rotman School of Management við Háskólann í Toronto sem stendur fyrir keppninni sem haldin var á netinu í ár.

Spurningin um hvað við ætlum að verða þegar við verðum stór er sjálf stór í eðli sínu. Á Háskóladaginn í HR 2023 gefst tækifæri fyrir framtíðar nemendur til að máta sig við það fjölbreytta nám sem í boði er við HR og skoða rannsóknarstofur skólans.

Íþróttafræðideild Háskólans í Reykjavík gerði nýverið samning við Tyme Wear en fyrirtækið snýr að tækni sem mælir þol út frá öndun. Í samstarfinu felst að bera saman gögnin úr Tyme Wear við þann búnað sem notast er við á rannsóknarstofu HR.

Níu starfsmenn Háskólans í Reykjavík voru meðal styrkþega þegar 39 nýsköpunar- eða rannsóknarverkefni fengu styrki samtals að fjárhæð 95 m.kr. úr Aski – mannvirkjarannsóknasjóði nýverið. Styrkirnir eru veittir til mannvirkja­rannsókna með áherslu á aukna þekkingu, umbætur og nýsköpun til að mæta samfélagslegum áskorunum á sviði mannvirkjagerðar.

NeurotechEU mun styrkja 15 framúrskarandi nýdoktora hjá samstarfsstofnunum NeurotechEU. Umsækjendurnir sem valdir eru fyrir þennan styrk verða tengdir European University Alliance for Brain and Technology eða Neurotech, sem Háskólinn í Reykjavík er aðili að.

Úlfar Karl Arnórsson lauk námi í tæknifræði í HR sem hann segir að sé afar hagnýtt. Hann leiðir nokkur teymi bæði hér á landi og í Danmörku í starfi sínu hjá Marel í dag. Úlfar segir mikilvægt að tækninám sé uppfært reglulega þar sem tækninni fleygir hratt fram.

Thin Lei Win, margverðlaunaður margmiðlunarblaðamaður sem sérhæfir sig í matvæla- og loftslagsmálum fyrir ýmsa alþjóðlega fréttamiðla, hélt nýlega fyrirlestur í Háskólanum í Reykjavík. Í fyrirlestri hennar, Our food systems are broken, and if we don't fix them, us humans will be in trouble too. Very soon, benti Thin Lei á að matavælakeðja nútímans væri fjarri því nógu sjálfbær.

Átta konur og einn karl fengu framgang í akademískum stöðum á síðastliðnu ári við Háskólann í Reykjavík.

Forsetalistaathöfn var haldin í Háskólanum í Reykjavík í gær, 15. febrúar, þar var nemendum veitt viðurkenning fyrir árangur í námi en þessir nemendur komast á forsetalista og fá niðurfelld skólagjöld næstu annar. Við sömu athöfn tóku nemendur Háskólagrunns HR við viðurkenningu fyrir árangur í námi.

Rannsóknasjóður HR hefur úthlutað alls tólf nýjum doktorsnemastyrkjum að heildarupphæð 77.040.000 krónur. Alls bárust 22 nýjar umsóknir. 

Hátt í 60 fyrirtæki og stofnanir kynntu starfsemi sína.

Miðstöð stafrænnar nýsköpunar (e. European Digital Innovation Hub Iceland - EDHI-IS) tók til starfa í síðustu viku. Hlutverk HR í EDIH verkefninu snýst meðal annars um að HR stofni nýtt nám í Digital Transformation með áherslu á gervigreind.

Jafnréttisdagar hefjast í dag, mánudaginn 6. febrúar, með vöfflukaffi í Sólinni klukkan 12 á sama tíma verður opnunarviðburði Jafnréttisdaga, Bakslagið í jafnréttisbaráttunni, streymt beint. Jafnréttisdagar standa yfir til níunda febrúar og á þeim tíma eru í boði fjölmargir spennandi stað- og fjar viðburðir í öllum háskólum landsins um kyn, fötlun, stéttarstöðu, hinseginleika, uppruna og fleira. Þema jafnréttisdagana í ár er öráreiti og vald.

Háskólinn í Reykjavík tekur þátt í UTmessunni nú á laugardaginn 3. febrúar í Hörpu þar sem gestir og gangandi geta kynnt sér og prófað tæknilausnir sem þróaðar hafa verið í rannsóknarsetrum háskólans. Frá Háskólanum í Reykjavík útskrifast meirihluti tæknimenntaðra á Íslandi og er háskólinn með efstu háskólum á heimsvísu á listum yfir áhrif rannsókna.

33 erlendir námsmenn við HR stunda nám í íslensku í Háskólagrunni þessa dagana. Áhersla er lögð á að námið gagnist sem best og fer því mestur tími í það að nemendur spjalla saman.

Vinningsliðið MAR er samsett af verkfræðinemum úr hátækni-, heilbrigðis- og vélaverkfræði. Hákon segir það reynst hópnum vel að hafa mjög dreift þekkingarsvið auk þess að vera mjög ólíkir karakterar. Það geti auðvitað verði áskorun að púsla saman ólíkum hóp en en þau náð að vinna að góðu samstarfi.

Nýsköpunarverðlaun forseta Íslands voru afhent við hátíðlega athöfn á Bessastöðum í dag. Forseti Íslands, Guðni Th. Jóhannesson, afhenti verðlaunin. Að þessu sinni hlutu verðlaunin Axel Pálsson, Tómas Frostason og Tómas Orri Pétursson, nemar í verkfræði í Háskólanum í Reykjavík, fyrir verkefnið „Vélræn endurhæfing í heimahúsi með sýndarveruleika“. Leiðbeinandi var Pétur Már Halldórsson hjá Nox medical.

Rannsóknarhópur undir stjórn Paolo Gargiulo, prófessors við verkfræðideild Háskólans í Reykjavík hlaut Öndvegisstyrk Rannsóknasjóðs að upphæð rúmlega 55 milljónir en Öndvegisstyrkir eru veittir til stórra verkefna sem skara fram úr á sínu sviði og hafa alþjóðlega tengingu.

Alþjóðadagur Háskólans í Reykjavík var haldinn hátíðlegur fimmtudaginn 26. janúar síðastliðinn í Sólinni í HR. Þar gátu nemendur kynnt sér alþjóðleg tækifæri, svo sem skiptinám og framhaldsnám erlendis og spjallað við HR nemendur sem hafa farið í skiptinám.

Í tilefni af 25 ára afmæli Háskólans í Reykjavík var ráðist í það verkefni að setja saman tímalínu háskólans. Háskólinn á þó rætur sínar að rekja allt aftur til ársins 1964 þegar Tækniskóli Íslands var stofnaður. Hann varð síðar að Tækniháskóla Íslands árið 2002 sem sameinaðist Háskólanum í Reykjavík árið 2005.

Alls voru 198 nemendur útskrifaðir, samtals 136 á tæknisviði og 62 á samfélagssviði við hátíðlega athöfn í Norðurljósum í Hörpu í dag. Fleiri doktorsnemar en áður voru útskrifaði eða átta talsins, einn úr sálfræðideild, einn úr viðskiptadeild, tveir úr tölvunarfræðideild og fjórir úr verkfræðideild. 

Stefnumót rektora Háskólans í Reykjavík fór fram í HR í dag í tilefni af 25 ára afmæli háskólans. Ráðherra háskóla- iðnaðar og nýsköpunarmála, Áslaug Arna Sigurbjönsdóttir, opnaði viðburðinn sem markar upphafið að fjölbreyttum hátíðarhöldum á árinu í tilefni af 25 ára afmælinu.

Ráðstefna um raka­skemmd­ir og myglu sem haldin var í Háskólanum í Reykjavík í vikunni var virkilega vel sótt. Áhersla var lögð á bygg­ingagalla og „fúsk“ í ný­leg­um bygg­ing­um og komu fram bæði inn­lend­ir og er­lend­ir sér­fræðing­ar á ýms­um sviðum

Byggðastofnun auglýsir eftir umsóknum um styrki úr Byggðarannsóknasjóði til rannsókna á sviði byggðamála. Umsóknir þurfa að berast eigi síðar en miðvikudaginn 28. febrúar n.k. Til úthlutunar eru 10 m.kr.

Í umsóknum skal meðal annars koma fram greinargóð lýsing á rannsókninni, markmiðum hennar, ávinningi, nýnæmi og hvernig hún styður við tilgang sjóðsins. Við mat á umsóknum er meðal annars litið til hvernig verkefnið styður við markmið sjóðsins, vísindalegs- og hagnýts gildis þess og hæfni umsækjenda.

Nemendur í meistaranámi í klínískri sálfræði við Háskólann í Reykjavík stýra fjórum námskeiðum á vorönn 2023. Námskeiðin eru haldin háskólanemendum að kostnaðarlausu og fara fram í húsakynnum HR. Athugið að takmörkuð pláss eru í öll námskeiðin. Það er Hugur, nýtt samstarfsverkefni til að stuðla að betri líða háskólanema, sem skipuleggur þessi námskeið.

Vitinn, hugmyndasamkeppni sjávarútvegsins, var haldin fyrir nemendur HR nú á laugardaginn. Keppnin hefur verið haldin með dyggum stuðningi SFS og Icelandair Cargo síðan 2015 en í ár unnu keppendur að lausnum og þróun fyrir Síldarvinnsluna.

Verkefnið Ploggin er nú formlega hafið en doktors- og meistaranámsnemar standa að verkefninu og hafa gert samning við HR um styrk fyrir verkefninu. Það snýr að því að þróa vinnustofur sem haldnar verða á eins til tveggja vikna fresti þar sem nemendur geta hist þvert á deildir og þróað saman hugmyndir er snúa að samfélagslegum vandamálum. Hugmyndin er að vinnustofurnar verði einnig opnar aðilum utan HR.

Tæknifræðingar eru eftirsóttir í atvinnulífinu og sinna afar fjölbreyttum störfum. Nemendur eru vel undirbúnir að takast á við raunveruleg verkefni vinnumarkaðarins við útskrift. Tæknifræðingurinn Smári Guðfinnsson segir námið hafa verið, skemmtilegt, nytsamlegt og hagkvæmt.

Gulleggið er frumkvöðlakeppni á hugmyndastigi sem er vettvangur fyrir einstaklinga eða hópa til að öðlast þekkingu og færni á frumkvöðlastarfi. Fulltrúar HR kynntu starfsemi skólans í vísindaferð Gulleggsins í síðustu viku en í HR er lögð mikil áhersla á að efla frumkvöðlaanda.

Viðskiptadeild Háskólans í Reykjavík fékk vænan liðsauka í byrjun árs þegar þrír erlendir fræðimenn hófu störf við deildina. Dr. Susanne Durst hefur verið ráðin í stöðu prófessors í stjórnun, Dr. Anna Thoresson hefur verið ráðin í stöðu lektors í hagfræði og Dr. Patrick Weiss hefur verið ráðinn í stöðu lektors í fjármálum.

Frá og með hausti 2023 munu Háskólinn í Reykjavík og Háskólinn á Akureyri bjóða upp á nám í iðnaðar- og orkutæknifræði á Norðurlandi. Námið er fullgilt tæknifræðinám við Háskólann í Reykjavík sem tekur mið af þörfum atvinnulífs á Norðurlandi og gerir nemendum kleift að stunda námið í heimabyggð.

Námið er staðarnám við Háskólann á Akureyri og er fjarkennt frá Háskólanum í Reykjavík á sama tíma og fyrirlestrar í tæknifræði fara þar fram.

Um 750 nemendur í um helmingi íslenskra framhaldsskóla muni taka þátt í Fyrirtækjasmiðju Ungra frumkvöðla 2023. 

SIHE (The Swedish Centre for Studies of the Internationalisation of Higher Education) og Erasmus+ landskrifstofur Norðurlandanna í samstarfi við háskólann í Uppsala stóðu fyrir viðamikilli rannsókn; The Space of Nordic Erasmus+ Students, þar sem leitast var við að skoða hvað það er sem einkennir norræna háskólanema sem fara í skiptinám á Erasmus+ styrkjum. Skýrsla úr rannsókninni var nýlega kynnt en hún er byggð á svörum yfir 25.000 háskólanema á Norðurlöndunum fimm sem fóru í skiptinám á árunum 2016 og 2017.

Nils Kjartan Guðmundsson Narby tók nýverið við starfi skjalastjóra Háskólans í Reykjavík. Hann hefur starfað sem skjalastóri í rúm 20 ár og líkar starfið vel. Í því sameinast tölvuáhugi hans og þörf fyrir að hlutirnir séu í röð og reglu. Að baki skjalastjóranum býr hins vegar annar og ólíkur maður sem hefur reynt fyrir sér í leiklist, æft box og sjálfsvarnaríþróttir og hefur stundað hugleiðslu árum saman. Nils er einnig mikill teáhugamaður og yfir góðum tebolla barst talið m.a. að því hvernig lífið tók u-beygju í átt að skjalaskápnum og hvernig Shakespeare hafi mögulega bjargað honum frá ógæfu.

Háskólinn í Reykjavík hlaut styrk til 16 af þeim 22 samstarfsverkefnum sem skólinn tók þátt í að sækja um til Samstarfs háskóla, en það er framtak sem háskóla-, iðnaðar- og nýsköpunarráðherra setti á laggirnar með sérstakri fjármögnun haustið 2022. Tilkynnt var um úthlutun Samstarfs háskólanna við hátíðlega athöfn í Grósku í dag, 12. janúar.

Fyrsti gestur Sprotasólarinnar er Mathieu G. Skúlason, framkvæmdastjóri sprotafyrirtækisins Evolytes. Evolytes var stofnað árið 2017 en fyrirtækið varð til við þverfaglegar rannsóknir í sálfræði og tölvunarfræði í hugbúnaðarkerfinu Aperio við Háskólann í Reykjavík. 

Eva María Thorarensen, betur þekkt sem Mía, er 3. árs nemi við sálfræðideild Háskólans í Reykjavík. Við fengum Míu til þess að deila nokkrum námstengdum ráðum með okkur.

Háskólinn í Reykjavík leitar að metnaðarfullum, akademískum leiðtoga í starf deildarforseta hinnar ört vaxandi tölvunarfræðideildar háskólans. Deildarforseti fer með daglega stjórn deildarinnar og stýrir stefnumótun hennar. Deildarforseti heyrir undir rektor og sviðsforseta tæknisviðs og situr jafnframt í framkvæmdaráði Háskólans í Reykjavík.

Eins og víða annars staðar ríkir mikil spenna í Háskólanum í Reykjavík fyrir heimsmeistaramótinu í handbolta sem hefst í Svíþjóð og Póllandi í dag. Samkvæmt niðurstöðum vísindamanna skólans eru þó líkurnar á því á að íslenska liðið lyfti bikarnum í lok móts því miður hverfandi, eða aðeins um 0,4 prósent. Það er að segja ef niðurstöður útreikninga dr. Peter O‘Donoghue, prófessors við íþróttafræðideild háskólans ganga eftir.

Ljósmyndari Háskólans í Reykjavík fékk að líta við á tilraunastofu í straumfræði þar sem unnið er að þróun nýrrar mælitækni í straumfræði, sem sameinar mælingu á hraðasviði, hröðunarsviði og hitasviði vökva.

Tekið var á móti 75 erlendum skiptinemum með sérstökum kynningardegi síðastliðinn föstudag sem hófst með morgunverði og móttöku þar sem rektor og fulltrúar alþjóðaskrifstofu buðu nemendur velkomna.

Andrés Laverde útskrifaðist með meistaragráðu í sjálfbærum orkuvísindum frá ISE (Iceland School of Energy) við Háskólann í Reykjavík síðastliðið vor. Andrés útskrifaðist með BSc gráðu í jarðvísindum frá Los Andes háskólanum í heimabæ hans Bogotá í Kólumbíu. Í náminu jókst til muna áhugi hans á eldfjallafræði, orku og sjálfbærni og einbeitti hann sér að rannsóknum á eldfjallafræði og jarðhitaauðlindum.