Fréttir eftir árum


Fréttir

Fyrsta doktorsvörnin við lagadeild

8.1.2015

Milosz Hodun varði í dag doktorsritgerð sína við lagadeild Háskólans í Reykjavík. Hann er fyrsti neminn sem lýkur doktorsnámi við deildina en doktorsnám í lögfræði við HR hófst árið 2009.

Vörnin fór fram í stofu M104 í Háskólanum í Reykjavík. Doktorsritgerðin heitir Doctrine of Implied Powers as a Judicial Tool to Build Federal Polities. Í henni eru niðurstöður samanburðarrannsóknar á svokölluðum „federalizing“ áhrifum bandaríska hæstaréttarins á 18. og 19. öld og Evrópudómstólsins núna á mótunarárum ESB. Andmælendur voru dr.  Helle Krunke, prófessor við Kaupmannahafnarháskóla, dr. Tuomas Ojanen,  prófessor við Háskólann í Helsinki og Gary Lawson, prófessor við Boston University. Dr. Ragnhildur Helgadóttir var leiðbeinandi Miloszar við HR.

Milosz Hodun

Milosz er pólskur og hefur búið á Íslandi undanfarin ár. Meðan hann var búsettur hér var hann um skeið formaður Félags Pólverja á Íslandi. Hann heldur til Póllands innan skamms þar sem hann hefur störf sem aðstoðarmaður forseta landsins.

Nú sinna tveir doktorsnemar rannsóknum við lagadeild HR.