Næst hæstir af þátttökuskólum frá Norðurlöndunum
Teymi frá HR tók þátt í Rotman International Trading Competition sem haldin var í Toronto, Kanada í síðustu viku. Rotman keppnin er alþjóðleg fjármálakeppni þar sem lið frá rúmlega 50 alþjóðlegum háskólum leysa sex verkefni tengd fjármálum og eignastýringu. Þetta er aðeins í annað skipti sem HR sendir lið í keppnina sem er sú stærsta sinnar tegundar.
Lið HR stóð sig með prýði og lenti í 43. sæti keppninnar. Þess má geta að lið HR var næst hæst af þeim háskólum frá Norðurlöndunum sem tóku þátt. Einnig hafnaði það í 7. sæti af evrópsku þátttökuskólunum.
(Frá vinstri) Dr. Kannoo Ravindran þjálfari liðsins, Jón Sveinbjörn Halldórsson, Sigurgeir Jónasson, Hörður Guðmundsson, Júlíus Snær Pálsson og Sverrir Bartolozzi.
Liðsmenn eru allir nemar í hagfræði eða fjármálaverkfræði við HR.
