Fréttir eftir árum


Fréttir

Nemendur á forsetalista fá viðurkenningar

18.2.2015

Ávarp nemendaViðja Karen Júlíusdóttir, nemi í heilbrigðisverkfræði, flutti ávarp nemenda.

Þeim nemendum sem komust á forsetalista fyrir haustönn 2014 voru afhentar viðurkenningar í gær, þriðjudaginn 17. febrúar. Nemendur sem bestum árangri ná á hverri önn eiga kost á að komast á forsetalista og fá skólagjöld næstu annar niðurfelld.

Við athöfnina flutti rektor HR, dr. Ari Kristinn Jónsson, ávarp. Deildarforsetar fjögurra deilda háskólans, viðskiptadeild, tölvunarfræðideild, lagadeild  og tækni- og verkfræðideild, kynntu því næst þá nemendur sem eru á forsetalista fyrir námsárangur á haustönn 2014 og afhentu þeim viðurkenningarskjöl. Einnig voru veittir styrkir fyrir góðan námsárangur í frumgreinadeild.

Nemendur viðskiptadeildar fá viðurkenningarNemendur á forsetalista viðskiptadeildar ásamt deildarforseta Þórönnu Jónsdóttur.

Nemendur lagadeildar fá viðurkenningarNemendur lagadeildar ásamt Sigurði Tómasi Magnússyni, prófessor.

Nemendur frumgreinadeildar fá viðurkenningarNemendur frumgreinadeildar ásamt Málfríði Þórarinsdóttur, forstöðumanni frumgreinadeildar.

Nemendur tækni- og verkfræðideildarNemendur á forsetalista í tækni- og verkfræðideild með Guðrúnu Sævarsdóttur, deildarforseta.

Nemendur tölvunarfræðideildarNemendur í tölvunarfræðideild ásamt Yngva Björnssyni, deildarforseta.

Fleiri myndir frá athöfninni er hægt að skoða á facebook-síðu HR hér