Fréttir eftir árum


Fréttir

Tvær lausar stöður við HR

27.1.2014

Akademísk staða í íþróttafræði

Tækni- og verkfræðideild Háskólans í Reykjavík auglýsir eftir akademískum starfsmanni á sviði íþróttafræði. Ráðið verður í stöðu aðjúnkts, lektors, dósents eða prófessors og verður starfsheitið ákvarðað út frá hæfismati.

STARFSSVIÐ
:
• Leiða þróun meistaranáms í íþróttafræðum.
• Vinna að uppbyggingu rannsókna í íþróttafræðum.
• Sinna leiðsögn meistaranema í lokaverkefnum.
• Kennsla íþróttafræðinema.
• Þátttaka í nefndum, ráðum og kynningarstarfi.

HÆFNISKRÖFUR:
• Doktorspróf á sviði íþróttafræði eða í skyldum greinum, að öðrum kosti sambærileg reynsla.
• Rannsóknarreynsla.
• Reynsla af kennslu og áhugi á þróun kennsluaðferða.
• Reynsla af starfsvettvangi íþrótta og íþróttafræði, s.s. kennslu í þjálffræði, þjálfunarlífeðlisfræði eða líkams- og heilsurækt, þjálfun eða kennsla barna, unglinga og/eða afreksmanna, lýðheilsustarfi eða forvarnarstarfi.
• Hæfni í mannlegum samskiptum, frumkvæði og sjálfstæði í starfi.
Umsóknarfrestur er til 1.apríl 2014.

Nánari upplýsingar um starfið veitir Guðrún Sævarsdóttir, deildarforseti tækni- og verkfræðideildar, gudrunsa@ru.is og Sigrún Þorgeirsdóttir skrifstofustjóri, sigrunth@ru.is.
Umsókn ásamt starfsferilskrá, afriti af viðeigandi prófskírteinum, yfirliti yfir fræðastörf og reynslu af kennslu, afritum af helsta birta efni og meðmælum, skal skilað á vef Háskólans í Reykjavík, hr.is/lausstorf hér að neðan.
Farið er með allar fyrirspurnir og umsóknir sem trúnaðarmál. 
 
 

Sækja um starf

Akademísk staða í umhverfis- og byggingarverkfræði

Tækni- og verkfræðideild Háskólans í Reykjavík auglýsir eftir akademískum starfsmanni á sviði umhverfis- og byggingarverkfræði. Óskað er eftir leiðtoga til að styrkja umhverfistengdar áherslur í námi og rannsóknum.
Ráðið verður í stöðu aðjúnkts, lektors, dósents eða prófessors og verður starfsheitið ákvarðað út frá hæfismati. 

STARFSSVIÐ:
• Stunda rannsóknir á sviði umhverfis- og byggingarverkfræði.
• Kennsla í grunn- og framhaldsnámi.
• Sinna leiðsögn nemenda í lokaverkefnum og framhaldsnámi.
• Þátttaka í stjórnsýslu deildar og kynningarstarfi. 
  
HÆFNISKRÖFUR:
• Doktorsgráða í umhverfisverkfræði, byggingarverkfræði eða skyldum greinum. 
• Sérfræðiþekking á einhverju af eftirtöldum viðfangsefnum: umhverfisstraumfræði, umhverfismati, greiningu umhverfisáhrifa, líftímagreiningu mannvirkja og framkvæmda, sjálfbærum og vistvænum áherslum við hönnun orkuvera og annarra mannvirkja og mótun umhverfis úrvinnslu, endurnotkun og endurnýtingu úrgangs, greiningu á orkubúskap bygginga.
• Rannsóknarreynsla.
• Reynsla af hefðbundnum verkfræðistörfum er kostur.
• Reynsla af kennslu og metnaður í þróun kennsluaðferða.
• Hæfni í mannlegum samskiptum, frumkvæði og sjálfstæði í starfi. 
  
Umsóknarfrestur er til 1.apríl 2014. 
  
Nánari upplýsingar um starfið veitir Guðrún Sævarsdóttir, deildarforseti tækni- og verkfræðideildar, gudrunsa@ru.is og Sigrún Þorgeirsdóttir skrifstofustjóri, sigrunth@ru.is
Umsókn ásamt starfsferilskrá, afriti af viðeigandi prófskírteinum, yfirliti yfir fræðastörf og reynslu af kennslu, afritum af helsta birta efni og meðmælum, skal skilað á vef Háskólans í Reykjavík, hr.is/lausstorf hér að neðan. 

Farið er með allar fyrirspurnir og umsóknir sem trúnaðarmál.

Sækja um starf