Tækniskólinn og MR sigursælastir
Metþátttaka var í Forritunarkeppni framhaldsskólanna í HR sem haldin var um helgina. Keppt var í þremur deildum þar sem keppendur eiga að leysa ýmis forritunarverkefni og þrautir sem eru mismunandi eftir því í hvaða deild er keppt í. Það eru kennarar og nemendur tölvunarfræðideildar HR sem semja þrautirnar og dæma í keppninni.
Liðið Smyrsl frá Menntaskólanum í Reykjavík vann Neo-deild og lið frá Tækniskólanum unnu Trinity- og Morpheus-deildir. Alls voru lið frá Tækniskólanum í 7 af 10 verðlaunasætum sem voru í boði og höfnuðu lið frá MR í hinum þremur sætunum.
Liðið Smyrsl frá Menntaskólanum í Reykjavík.
Liðið FMJ frá Tækniskólanum sem sigraði í Morfeus- deildinni.
Sigurvegararnir í Trinity-deildinni, frá Tækniskólanum.
Keppnin er fyrir alla nemendur í framhaldsskólum sem hafa áhuga á hönnun, forritun og tölvum. Það eru HR og Nýherji sem standa að keppninni.
