Fréttir eftir árum


Fréttir

Meiri krafa um framhaldsmenntun

25.4.2014

„Við erum með rýnihópa og erum í samtali við stjórnendur í atvinnulífinu. Það hefur komið mjög skýrt fram hjá stjórnendum að það væri nánast orðin krafa að ef þú vildir fá ábyrgðarstöðu í viðskiptalífinu þá yrðir þú að vera með meistarapróf,“ segir Þóranna jónsdóttir, forseti viðskiptadeildar, í nýlegu viðtali.

Þóranna JónsdóttirÞóranna segir þörfina um að viðskiptafræðingar ljúki meistaraprófi sífellt vera að aukast og að krafan um slíka menntun komi ekki síst úr atvinnulífinu. Hún hafi ekki verið eins rík á árum áður en væri nú að aukast mjög hratt. Áður fyrr hafi fólk lokið fjögurra ára Cand.oceon. námi og þar með hafi menntuninni nánast verið lokið. Síðar hafi orðið til þriggja ára BSc-próf og mjög margir hafi farið beint út í atvinnulífið eftir það. Nú séu fleiri og fleiri að koma til baka til að sækja sér framhaldsmenntun.

Flestir ætla í meistaranám

„Við spurðum okkar nemendur núna í vetur. Af þeim sem eru að klára í vor þá ætla yfir 80% að fara í meistaranám innan tveggja til þriggja ára. sem þýðir það að eftir fimm ár, þegar það eru komnir nokkrir árgangar með meistaragráðu, þá þurfa þeir sem útskrifuðust fyrir tíu árum og eru ekki með meistaragráðu virkilega að hugsa sinn gang,“ segir Þóranna.

„Við höldum reglulega rýnihópa og samtöl við stjórnendur í atvinnulífinu. Síðastliðið haust héldum við tvo stóra rýnihópa þar sem það kom mjög skýrt fram hjá stjórnendum að það væri nánast orðin krafa að ef þú vildir fá ábyrgðarstöðu í viðskiptalífinu þá yrðir þú að vera með meistarapróf,“ segir Þóranna.


Fréttin er byggð á viðtali sem birt var við Þórönnu í Viðskiptablaðinu þann 16. apríl sl.