Hugmyndaríkir grunnskólanemendur fá viðurkenningar

28.5.2014

Tilgangur keppninnar er að efla nýsköpunarstarf í grunnskólum og gera börnum grein fyrir sköpunargáfu sinni og hvernig megi þroska hana í gegnum vinnu með eigin hugmyndir. Til leiðsagnar í vinnusmiðjum voru kennarar og nemendur HR og HÍ, fulltrúar frá SKEMA, FAFU og JCI á Íslandi.

1800 þátttakendur í upphafi keppni

Afhending verðlauna fór fram í lokahófi Nýsköpunarkeppni grunnskólanemenda síðastliðinn sunnudag en keppnin var nú haldin í 23. sinn. Athöfnin fór fram í Sólinni en HR er einn af bakhjörlum keppninnar. Ellefu þátttakendur fengu verðlaun fyrir hugmyndir sínar af þeim 39 þátttakendum sem tóku þátt í úrslitum. Í ár bárust hugmyndir frá 1800 þátttakendum frá 32 grunnskólum sem kenna á miðstigi, víða um land. Forseti Íslands, hr. Ólafur Ragnar Grímsson verndari keppninnar, afhenti verðlaunin og flutti hátíðarræðu. 

Farandbikarinn í flokki stærri skóla fyrir hlutfallslega flestar hugmyndir í keppninni hlaut Hofsstaðaskóli í Garðabæ. Var þetta sjötta árið í röð sem Hofsstaðaskóli hlýtur bikarinn. Farandbikarinn í flokki minni skóla fyrir hlutfallslega flestar hugmyndir í keppninni hlaut Barnaskólinn á Eyrarbakka og Stokkseyri

Verðlaunahafar í ár

Verðlaun	Flokkar	Hugmynd	Nafn	Skóli
Bronsverðlaun	5. bekkur	Herðatré og hankar	Stefanía Stella Baldursdóttir	Húsaskóli
Silfurverðlaun	5. bekkur	Þyngdarloftsskynjarinn	Nína Ægisdóttir	Hofsstaðaskóli
Gullverðlaun	5. bekkur	Þjófavörn f/hjól	Andrea Marý Sigurjónsdóttir	Víðistaðaskóli
Bronsverðlaun	6. bekkur	Rörmortél	Hildur Kaldalóns Björnsdóttir	Melaskóli
Bronsverðlaun	6. bekkur	Rörmortél	Kristín Pálmadóttir Thorlacius	Melaskóli
Silfurverðlaun	6. bekkur	Hringinn í kringum Ísland	Ásdís Hvönn Jónsdóttir	Egilsstaðaskóli
Silfurverðlaun	6. bekkur	Hringinn í kringum Ísland	Hafdís Guðlaugsdóttir	Egilsstaðaskóli
Gullverðlaun	6. bekkur	Lyfja minnari	Ágústa Líndal	Hofsstaðaskóli
Bronsverðlaun	7. bekkur	Moðpressari	Ólafur Ísar Jóhannesson	Grunnskólinn austan vatna
Silfurverðlaun	7. bekkur	Ferðabrú fyrir fé og hross	Þórir Árni Jóelsson	Varmahlíðarskóli
Gullverðlaun	7. bekkur	Hóffjaðratínari	Laufey Helga Ragnheiðardóttir	Flúðaskóli

• Hægt er að sjá fleiri myndir frá athöfninni á facebook-síðu HR.