Fréttir eftir árum


Fréttir

Ný tilraunalyf við ADHD í þróun

24.11.2022

Grein eftir vísindamenn við Háskólann í Reykjavík og 3Z, sem starfa á sviði lyfjauppgötvana, birtist í Nature tímaritinu Neuropsychopharmacology á dögunum. Í greininni er nýjum lyfjum við ADHD sem eru í þróun lýst.

Maður með alskegg, klæddur svartri peysu, stendur við steyptan vegg.Virka efnið Metýlfenídat er ráðandi á markaði við ADHD, en eins og flest lyf hefur það aukaverkanir. „Þekktar aukaverkanir vegna Metýlfenídat eru lystarleysi, svefnleysi og háþrýstingur, auk þess sem hluti þeirra sem hefur greinst með ADHD getur ekki nýtt sér nein lyf,“ segir Karl Ægir Karlsson, prófessor í heilbrigðisverkfræði við verkfræðideild HR og bætir við að leit að nýjum lyfjum við ADHD sé því áríðandi.

Vísindamenn við HR hafa undanfarin ár þróað erfðabreytt líkan af ADHD í sebrafiskum sem var nýtt í skipulagðri lyfjaleit við ADHD. Fimm ný tilraunalyf fundust. „Fundist hafa fjögur endurskilgreind lyf og eitt nýtt. Auk þess sem móttakakerfi í heila sem ekki hefur verið tengt við ADHD áður var lýst. Lyfin eru nú í frekari prófunum og er nú unnið að því að þróa þau fyrir markað,“ segir Karl Ægir.

Hér er hlekkur á grein vísindamannanna í Neuropsychopharmacology.  

Hér má hlusta á viðtal við Karl Ægi á Rás 1 um tilraunalyfin. 

///

An article by researchers at Reykjavík University and 3Z appeared recently in the Nature journal Neuropsychopharmacology. The article describes new drugs for ADHD that are in development.

The drugs are undergoing further testing and being developed for the market. 

Here is a link to the article in Neuropsychopharmacology .

Here is a radio interview on Rás 1 about the new drugs.