Fréttir eftir árum


Fréttir

Samstarf íþróttafræðideildar HR og JSÍ

19.8.2021

Íþróttafræðideild HR (HR) og Júdósamband Íslands (JSÍ) undirrituðu nýverið samstarfsamning vegna mælinga á landsliðsfólki Íslands í júdó til tveggja ára. 

Markmið samstarfsins er að styðja JSÍ við að fylgjast með þróun afreksfólks í júdó og greina styrkleika og veikleika sem snúa að líkamlegu atgervi þess. Á sama tíma skapast tækifæri fyrir nemendur í íþróttafræði til að kynnast júdó-íþróttinni, hljóta þjálfun í mælingum á vettvangi og læra að miðla niðurstöðum svo hægt sé að nýta þær í þjálfun.

Á myndinni má sjá Hafrúnu Kristjánsdóttir, forseta íþróttafræðideildar, og Bjarna Skúlason, stjórnarmann í JSÍ, við undirritun samningins.

Hallur Freyr Sigurbjörnsson meistaranemi í íþróttavísindum og þjálfun mun hafa umsjón með mælingunum, undir handleiðslu starfsmanna íþróttafræðideildar HR og með aðstoð nemenda í íþróttafræði.

Myndin er tekin af vef Júdósambands Íslands.