Fréttir eftir árum


Fréttir

Fjölbreytt dagskrá Útvarps 101 frá stafræna Háskóladeginum í HR 2021

Bein útsending frá 12:30 - 16:00

26.2.2021

Þáttastjórnendur Útvarps 101 ræða við nemendur og starfsfólk Háskólans í Reykjavík um það fjölbreytta nám og aðstöðu sem HR hefur upp á á bjóða.

Dagskrá

12:30Ari Kristinn Jónsson, rektor HR
Spjall á léttu nótunum um menninguna í HR, aðgengi nemenda að stjórnendum og kennurunum og áhrifin sem þeir hafa á starfið.
13:00SFHR - Félagslífið í HR

Arna Arnarsdóttir formaður SFHR, Atli Snær Jóhannsson hagsmunafulltrúi SFHR og Tryggvi Björn Guðbjörnsson varaformaður Markaðsráðs.

Nemendurnir segja frá upplifun sinni af stemmingunni í HR, spennunni sem magnast upp í Sólinni fyrir próf, vísindaferðunum, árshátíðunum og öllu hinu sem gerir það ennþá skemmtilegra að vera nemi í HR.

13:20

Maggý Rut Jóhannsdóttir, nemi í lögfræði og íbúi á Háskólagörðum HR

Við hittum Maggý sem á heima á Háskólagörðum HR en hún var ein af þeim fyrstu til að flytja inn í þessu glænýju húsakynni. Við fylgjum henni svo yfir í HR þar sem hún sýnir okkur sína uppáhaldsstaði í HR.

13:23

Nemendur í starfsnámi - Tengslin við atvinnulífið

Oddur Stefánsson, nemi í viðskiptafræði og Magnús Baldvin Friðriksson, nemi í fjármálaverkfræði tóku þátt í stjórnendakeppni viðskiptafræðideildar áður en þeir byrjuðu í HR og segja frá þeirri reynslu sem ýtti þeim á þá braut sem þeir völdu sér.

Louisa Christina á Kósini, nemi í íþróttafræði, ræðir um starfsnám sitt hjá HK.

13:48Námsráðgjöf og sálfræðiþjónustan í HR

Gréta Matthíasdóttir forstöðumaður námsráðgjafar HR og Eva Rós Gunnarsdóttir sálfræðingur Sálfræðiþjónustu HR ræða um þjónustu HR við nemendur þegar kemur að námsráðgjöf og sálfræðiþjónustu.

14:13

Uppbygging námsins

Gabríela Jóna Ólafsdóttir BSc í hugbúnaðarverkfræði og Björg Ósk Gunnarsdóttir, nemi í lögfræði, ætla að ræða uppbyggingu námsins í HR. Fjórir áfangar eru kenndir í 12 vikur og eftir það fara nemendur í námsmat. Að því loknu tekur við þriggja vikna áfangi þar sem nám annarinnar er gjarna tengt raunhæfum verkefnum.

Gabríela ætlar svo að segja frá þriggja vikna námskeiðunum Nýsköpun og stofnun fyrirtækja og Inngangi að upplifunarhönnun.

14:38

Róbótaklúbbur HR

Kristófer Ingi Maack, nemi í rafmagnstæknifræði, sýnir okkur þá aðstöðu sem róbótaklúbburinn og nemendur í HR hafa aðgang að.

14:42Alþjóðastarf í HR

Elín Helga Lárusdóttir og Helgi Gunnar Jónsson, nemar í viðskiptafræði, ræða þátttöku sína í alþjóðlegum viðskiptakeppnum sem þau tóku þátt í fyrir hönd HR.

Karítas Etna Elmarsdóttir, Rebekka Rán F Eriksdóttir og Nökkvi Norðfjörð eru öll nemar í rekstrarverkfræði en þau eiga það sameiginlegt að hafa öll farið í skiptinám í útlöndum. Þau segja frá reynslu sinni.

Einnig fáum við hlýjar kveðjur frá Barcelona.

15:07

Þátttaka í rannsóknum í HR

Birta Sóley Árnadóttir nemi í sálfræði, Sólveig Agnarsdóttir meistaranemi í heilbrigðisverkfræði, Lára Hafliðadóttir meistaranemi í íþróttafræði.

Birta Sóley segir frá þátttöku sinni í svefnrannsókn í HR, Sólveig segir frá sinni þátttöku í hreyfiveikirannsókn og Lára segir frá mælingum íþróttafræðideildar á lífeðlis- og sálfræðilegum þátt hjá yngri landsliðum okkar í hinum ýmsu íþróttum.

15:35Formúla stúdent

  • Sindri Þór Harðarson, nemi í hátækniverkfræði, segir frá starfsemi Formúla-stúdent hópnum og þeirri aðstöðu sem þau og aðrir nemendur hafa aðgang að.