Fréttir eftir árum


Fréttir

Stefán Hrafn nýr forstöðumaður samskipta

5.4.2022

Stefán Hrafn Hagalín hefur verið ráðinn forstöðumaður samskipta og markaðsmála hjá Háskólanum í Reykjavík.

Stefán Hrafn kemur til HR frá Landspítala þar sem hann hefur starfað undanfarin 5 ár sem deildarstjóri samskipta. Fyrir þann tíma stýrði hann markaðsmálum og samskiptum um 20 ára skeið hjá Auðkenni, Odda, Advania, Skýrr, Teymi og Opnum kerfum. Stefán Hrafn vann þar á undan sem blaðamaður við fjölmiðla í 10 ár, meðal annars sem fréttastjóri Alþýðublaðsins, þáttastjórnandi hjá Bylgjunni og Stöð 2 og ritstjóri Helgarpóstsins og Tölvuheims.

StefanHrafnHagalin_OKÍ verkahring samskiptateymis Háskólans í Reykjavík eru markaðsmál og ásýnd skólans, innri og ytri samskipti, margvísleg útgáfa, viðburðir, samfélagsmiðlar og vefmál, almannatengsl og þjónusta við fjölmiðla. Samskiptateymið miðlar upplýsingum um starfsemi HR til starfsfólks, nemenda og almennings með sérstaka áherslu á vísindamiðlun, rannsóknir, nýsköpun og námsframboð.