Fréttir eftir árum


Fréttir

Liðið :) úr FB og MR vann Forritunarkeppni framhaldsskólanna

58 lið úr þrettán framhaldsskólum öttu kappi í forritun

26.4.2021

Forritunarkeppni framhaldsskólanna fór fram um liðna helgi þegar 58 lið skipuð alls 135 keppendum úr þrettán framhaldsskólum öttu kappi í forritun. Keppnin fór alfarið fram á netinu í ár sem kom ekki að sök þar sem þátttaka og áhugi nemenda var síst minni en fyrri ár.

Sigurliðið í Alpha, efstu deild keppninnar, kom úr FB og MR og var skipað þeim Elvari Árni Bjarnasyni, Samúel Arnari Hafsteinssyni og Benedikt Vilja Magnússyni. :) bar sigur úr býtum í efstu deild, Alpha.  

Sigurliðið í Alpha, efstu deild keppninnar, kom úr Fjölbrautaskólanum í Breiðholti og Menntaskólanum í Reykjavík og var skipað þeim Elvari Árni Bjarnasyni, Samúel Arnari Hafsteinssyni og Benedikt Vilja Magnússyni. Í verðlaun fá þeir niðurfelld skólagjöld fyrstu annar kjósi þeir að hefja nám við Háskólann í Reykjavík.

Keppendur sóttu sérmerkta boli og snarl í HR, til að gæða sér á meðan keppninni stóð, en starfsmenn afhentu varninginn beint í bíla keppenda fyrir utan skólabygginguna, allt í nafni ábyrgra sóttvarna.

Keppnin hefur verið haldin á vegum tölvunarfræðideildar HR frá árinu 2009.

Heildarúrslit

Alpha 1. :) Fjölbrautaskólinn í Breiðholti/MR Elvar Árni Bjarnason, Samúel Arnar Hafsteinsson, Benedikt Vilji Magnússon
  2. The good, the bad and the lucky Tækniskólinn Arnór Friðriksson, Tristan Pétur Andersen Njálsson, Kristinn Vikar Jónsson
  3. Pizza Time Tækniskólinn Tómas Orri Arnarsson, Jón Bjarki Gíslason, Serik Ólafur Ásgeirsson
Beta 1. MMM Verzlunarskóli Íslands Gunnlaugur Eiður Björgvinsson, Róbert Híram Ágústsson
  2. E­­­³ Tækniskólinn Einar Darri, Egill Ari, Elías Hrafn
  3. "æi, getur þú valið nafnið" Fjölbrautaskólinn í Breiðholti Ingvar Óli Ögmundsson, Brynjar Haraldsson
Delta 1. DAD Fjölbrautaskólinn í Breiðholti Axel Snær Ammendrup Atlason, Daníel Snær Halldórsson, Daníel George Þórarinsson
  2. Netþjónarnir Tækniskólinn Bjartur Sigurjónsson, Daníel Stefán T. Valdimarsson
  3. Annað sæti Tækniskólinn Sigþór Atli Sverrisson, Bjarni Hrafnkelsson, Birgir Bragi Gunnþórsson

Fara á vef Forritunarkeppni framhaldsskólanna