Vísindamenn Háskólans í Reykjavík hljóta styrki frá Rannís

18.1.2017

Vísindamenn Háskólans í Reykjavík fengu úthlutað verkefnisstyrkjum, rannsóknastöðu og doktorsnemastyrkjum við úthlutun úr Rannsóknasjóði Rannís fyrir styrkárið 2017.

Verkefnisstyrkir

Alls fengu átta vísindamenn styrki fyrir sjö verkefni, á sviði raunvísinda og stærðfræði, verkfræði og tæknivísinda og lífvísinda. Handhafar styrkjanna eru fræðimenn við tækni- og verkfræðideild og tölvunarfræðideild.

Ágúst Valfells, prófessor við tækni- og verkfræðideild:

• Lofttóms-ördíóður með jafnspennulestun notaðar sem tíðnistillanlegir THz sveiflugjafar

Hannes Högni Vilhjálmsson, dósent við tölvunarfræðideild:

• Svæðisvitund persóna: Stafrænum leikurum gert kleift að skilja og nýta félagslegt rými

Leifur Þór Leifsson, tækni- og verkfræðideild:

• Iðustreymislíkangerð með bestunaraðferðum og staðgengilslíkönum

Magnús Már Halldórsson, prófessor við tölvunarfræðideild:

• Nýjar víddir í reikniritum fyrir þráðlaus net

Paolo Gargiulo, dósent við tækni- og verkfræðideild, og Ceon Ramon, prófessor við tækni- og verkfræðideild:

• Líkangerð á truflunum á heilarafritum frá vöðvarafmerkjum í höfði

Slawomir Marcin Koziel, prófessor við tækni- og verkfræðideild:

• Tölvulíkön og aðferðir til ad hanna hringpólariseruð loftnet og loftnetaraðir

Ólafur Eysteinn Sigurjónsson, dósent við tækni- og verkfræðideild:

• Breyting í efnaskiptaferlum við fjölgun og beinsérhæfingu mesenchymal-stofnfruma: Leit að nýjum kennimörkum fyrir beinsérhæfingu

Alls bárust 173 umsóknir um verkefnisstyrki og voru 33 styrktar eða 19% umsókna.

Rannsóknastöðu- og doktorsnemastyrkir

• Kristinn Torfason, nýdoktor við tækni- og verkfræðideild, hlaut rannsóknastöðustyrk til rannsókna á lofttóms rafeindatækni.

• Ingibjörg Eva Þórisdóttir, stundakennari við viðskiptadeild, hlaut doktorsnemastyrk til rannsókna á áhættu- og verndandi þáttum fyrir þunglyndi og kvíða.

 

Sjá allar úthlutanir í frétt á vef Rannís