Fréttir eftir árum


Fréttir

Vísindaþorp í Vatnsmýrinni

11.3.2021

Vísindaþorpið í Vatnsmýri verður markaðssett alþjóðlega undir heitinu Reykjavík Science City í samstarfi við Íslandsstofu. Skrifað var undir samning um það í gær. Gera á hugvit, nýsköpun og tækni að burðarásum verðmætasköpunar og stuðla að því að Ísland verði eftirsóttur staður til rannsókna, þróunar og fjárfestinga. Meðal annars verður horft til tækifæra sem tengjast líftækni og heilsutengdri tækni, auk þess sem laða á til landsins erlend fyrirtæki og sérfræðinga.

Dagur B. Eggertsson, borgarstjóri í Reykjavík, Ari Kristinn Jónsson, rektor Háskólans í Reykjavík, Jón Atli Benediktsson, rektor Háskóla Íslands, Páll Matthíasson, forstjóri Landsspítalans og Sigurður

Samstarfsvettvangur Vísindaþorpsins í Vatnsmýri var jafnframt stofnaður í gær. Dagur B. Eggertsson, borgarstjóri í Reykjavík, Ari Kristinn Jónsson, rektor Háskólans í Reykjavík, Jón Atli Benediktsson, rektor Háskóla Íslands, Páll Matthíasson, forstjóri Landsspítalans og Sigurður Magnús Garðarsson, formaður stjórnar Vísindagarða Háskóla Íslands skrifuðu undir samninginn í Norræna húsinu.

Framtíðarsýn Vísindaþorpsins sem samþykkt var árið 2013 er að í Vatnsmýri byggist upp fjölbreytt, hvetjandi, lifandi og þétt borgarbyggð. Hún á að samanstanda af háskólum, háskólasjúkrahúsi, þekkingarfyrirtækjum, vísindagörðum, frumkvöðlasetrum, íbúðum fyrir almenning og stúdenta, þjónustu, verslun, afþreyingu, menningu og grunn- og leikskólum í nánum tengslum við náttúru, útivist og almenningsrými.