Háskóladagurinn
Kynntu þér framboð náms við Háskólann í Reykjavík
Velkomin í Háskólann í Reykjavík á Háskóladaginn, laugardaginn 4. mars kl. 12-16!
Á Háskóladaginn gefst þér tækifæri til að kynna þér fjölbreytt námsframboð við HR og spjalla við nemendur, kennara og náms- og starfsráðgjafa um allt sem viðkemur náminu. Þú getur prófað tíma í grunnnámi og farið á kynningu á meistaranámi. Boðið verður upp á leiðsögn um háskólabygginguna og rannsóknastofur í kjallara.
Þú getur sett upp sýndarveruleikagleraugu og séð hvort þú ert með fælni, sest í bílhermi og kannað viðbragðstíma þegar þú notar snjallsímann við akstur, gert efnafræðitilraun, prófað tölvuleiki sem nemendur hafa búið til á þremur vikum, keyrt um á loftknúnum bíl og mælt kasthraðann og golfsveifluna.
Skema býður yngstu kynslóðinni á skemmtilegt námskeið í Minecraft. Skráning í námskeiðið verður í móttöku. Útskrifuðum nemendum er boðið á ráðstefnuna Aftur til framtíðar - hvert verður mitt hlutverk í fjórðu iðnbyltingunni? þar sem fjallað verður um störf framtíðarinnar. Ráðstefnan er öllum opin meðan húsrúm leyfir.
Háskóladagurinn er haldinn á hverju ári. Allir háskólar landsins kynna námsframboð sitt í HÍ, HR og LHÍ, Laugarnesvegi. Boðið er upp á ókeypis strætóferðir milli háskólanna.
Prófaðu tíma í grunnnámi - dagskrá
| Tími | Stofa V101 | Stofa M101 | Stofur V201 og M103 |
| 13:00 | Hagfræði | Tölvunarstærðfræði / hugbúnaðarverkfræði | Frumgreinanám - V201 |
| 13:30 | Viðskiptafræði | Hátækni-, véla- og heilbrigðisverkfræði | Iðnfræði / byggingafræði – V201 |
| 14:00 | Íþróttafræði | Fjármála- og rekstrarverkfræði | Lögfræði – M103 |
| 14:30 | Sálfræði | Tæknifræði | Tölvunarfræði – V201 |
Kynningar á meistaranámi - dagskrá
| Tími | Stofa M102 | Stofa M104 | Stofur M103 og M105 |
| 13:30 | Sálfræði | Verkfræði | MPM – M105 |
| 14:00 | Íþróttafræði | Tölvunarfræði | MBA – M105 |
| 14:30 | Viðskiptafræði | Íslenski orkuháskólinn | Lögfræði – M103 |
Aftur til framtíðar - hvert verður mitt hlutverk í fjórðu iðnbyltingunni?
Fjórða iðnbyltingin er á næsta leiti og því er spáð að tækni og sjálfvirkni muni á næstu árum og áratugum gerbreyta okkar lífi og störfum. Stór hluti þeirra starfa sem fólk vinnur í dag mun hverfa í þeirri byltingu og ný verða til í þeirra stað. Hvernig verða störf framtíðarinnar? Er hægt að undirbúa sig fyrir störf sem eru ekki til í dag? Stofu V102 kl. 13-14.
Dagskrá
13:00 Nýtum næstu iðnbyltingu sem tækifæri
Ari Kristinn Jónsson, rektor Háskólans í Reykjavík
13:15 Eru íslensk fyrirtæki og stofnanir tilbúin fyrir næstu iðnbyltingu?
Ragnheiður Magnúsdóttir, formaður Samtaka upplýsingatæknifyrirtækja og formaður tækninefndar Vísinda- og tækniráðs
13:30 The Social Organism
Oliver Luckett, samfélagsmiðlasérfræðingur, raðfrumkvöðull og fjárfestir
13:45 Framtíð starfa - sjónarhorn mannauðsstjóra
Sigríður Elín Guðlaugsdóttir, starfsmannastjóri Háskólans í Reykjavík
Fundarstjóri: Yngvi Björnsson, forseti tölvunarfræðideildar HR.
Námskeið hjá Skema
Skema býður yngstu kynslóðinni á skemmtilegt námskeið í Minecraft.
Námskeiðin eru haldin í tölvustofu í Úranus, U201, 2. hæð.
Skráning í námskeiðin eru í móttöku á 1. hæð.
Kynnisferðir um háskólabygginguna og rannsóknarstofur í kjallara
13:00 Leiðsögumaður fer með gesti í rannsóknastofur í kjallara
13:30 Kynnisferð um HR
14:30 Kynnisferð um HR
15:00 Leiðsögumaður fer með gesti í rannsóknastofur í
kjallara
Yfirlit yfir nám við Háskólann í Reykjavík
Akademískar deildir HR eru fjórar: tækni- og verkfræðideild, tölvunarfræðideild, viðskiptadeild og lagadeild.
Í þessum deildum eru stundaðar alþjóðlega viðurkenndar rannsóknir og þar fer fram kennsla í grunnnámi, meistaranámi og doktorsnámi.
Við HR er einnig hægt að stunda eins árs frumgreinanám sem er undirbúningur fyrir háskólanám. Opni háskólinn í HR býður upp á úrval lengri og styttri námskeiða fyrir fólk í atvinnulífinu sem hægt er að stunda meðfram vinnu.
Kynntu þér námið við HR:
