Nemendur hljóta viðurkenningu fyrir góðan árangur
Forsetalistaathöfn 26. september
Fimmtudaginn 26. september hljóta nemendur sem sýnt hafa framúrskarandi árangur í námi viðurkenningu í Sólinni. Þessir nemendur komast á forsetalista og fá skólagjöld annarinnar niðurfelld. Að auki fá þeir nýnemar sem stóðu sig best í framhaldsskóla styrk og fá einnig skólagjöldin niðurfelld.
Við sama tilefni verða veitt frumkvöðlaverðlaun Guðfinnu S. Bjarnadóttur en þau hlýtur sá hópur sem er talinn hafa sett fram bestu viðskiptaáætlunina í námskeiðinu Nýsköpun og stofnun fyrirtækja sem var haldið í vor. Einnig veitir bókaútgáfan Codex framúrskarandi nemanda í lagadeild hvatningarverðlaun.
Dagskrá
Setning
Ása Björk Stefánsdóttir, forstöðumaður kennslusviðs
Ávarp
Dr. Ari Kristinn Jónsson, rektor HR, afhendir nýnemastyrki í grunnnámi
Afhending viðurkenningarskjala
Sviðsforsetar afhenda nemendum á forsetalista viðurkenningarskjöl
- Verkfræðideild
- Tölvunarfræðideild
- Iðn- og tæknifræðideild
- Viðskiptadeild
- Sálfræðideild
- Íþróttafræðideild
- Lagadeild
Afhending verðlauna
- Hvatningarverðlaun Codex
- Frumkvöðlaverðlaun Guðfinnu S. Bjarnadóttur
Ávarp nemanda: Helena Sveinborg Jónsdóttir, verkfræðideild
Að athöfn lokinni verður boðið upp á léttar veitingar.
