Viðburðir eftir árum


Áhrif yfirborðsmeðhöndlunarefna á malbik

Meistaravörn í byggingarverkfræði/mannvirkjahönnun við tækni- og verkfræðideild

  • 2.6.2017, 10:30 - 12:30

Sigurður Halldór Örnólfsson ver meistararitgerð sína „Áhrif yfirborðsmeðhöndlunarefna á malbik“ 2. Júní, kl.10:30 í stofu M208

Leiðbeinandi: Haraldur Sigþórsson

Prófdómari: Björn Ólafsson

Ágrip:

Yfirborðsmeðhöndlunarefni fyrir asfaltbundin slitlög eru vel þekkt og er notkun þeirra umtalsverð í heiminum, þó svo að notkun þeirra hérlendis sé ekki verulega mikil. Þau efni sem fjallað er um falla undir flokkinn e:fog seal eða þunnfljótandi efni sem smjúga inn í malbiksyfirborðið og mynda því ekki lagþykkt ofan á yfirborðið. Verkefnið er unnið í samstarfi við Isavia sem sér meðal annars um utanumhald Keflavíkurflugvallar, en þar hefur efnið Rhinophalt verið notað undanfarin ár. 
Verkefnið er sjálfstætt framhald af BSc lokaverkefni mínu sem að sama skapi fjallaði um yfirborðsmeðhöndlun. Niðurstöður þess verkefnis voru þær að Rhinophalt gæti aukið slitstyrk malbiks en yki að sama skapi skrið í malbikinu. Eftir þá rannsókn þótti ljóst að gera þyrfti frekari prófanir til að fá skýrari og greinilegri niðurstöður.Áhugi var fyrir því að halda rannsóknum áfram og skoða efnið þá með tilliti til malbiksins sem verið er að leggja á Keflavíkurflugvöll um þessar mundir. Auk þess að bæta við rannsóknum á styrki malbiksins gegn afísingarvökva sem notaður er á flugvöllinn til að hindra og eyða ísingu.

Gerðar voru þrenns konar prófanir. Slitþolsprófun á ómeðhöndluðu malbiki, malbiki meðhöndluðu með Rhinophalt og malbiki meðhöndluðu með PenTack. Út frá slitþolsrannsókninni var svo gerð athugun á slitþoli malbiks eftir öldrun í ofni. Sú rannsókn var einnig gerð með og án yfirborðsmeðhöndlunar sömu efna.

Afísingarprófið hafði verið gert á malbikinu áður erlendis og vöktu niðurstöður þess spurningar hjá starfsmönnum Isavia. Var því ákveðið að endurtaka prófunina hér heima

og skoða á sama tíma hvort yfirborðsmeðhöndlunarefnið Rhinophalt gæti aukið styrk malbiksins gegn afísingarvökva.



Vinsamlegast athugið að á viðburðum Háskólans í Reykjavík (HR) eru teknar ljósmyndir og myndbönd sem notuð eru í markaðsstarfi HR. Hægt er að nálgast frekari upplýsingar á ru.is eða með því að senda tölvupóst á netfangið: personuvernd@ru.is
//
Please note that at events hosted at Reykjavik University (RU), photographs and videos are taken which might be used for RU marketing purposes. Read more about this on our ru.is or send an e-mail: personuvernd@ru.is