Með allt í fanginu - hegðun viðskiptavina stórmarkaða

Þriðjudagsfyrirlestur HR og Vísis

  • 11.5.2021, 12:00 - 13:00

Valdimar Sigurðsson, prófessor við viðskiptadeild, flytur þriðjudagsfyrirlestur HR og Vísis um kauphegðun. 

https://vimeo.com/546407390

Valdimar Sigurðsson, prófessor við viðskiptadeild, hefur um árabil stundað rannsóknir á kauphegðun út frá ýmsum mælikvörðum. Í erindinu verður fjallað um mikilvægi þess að gera rannsóknir á neytendahegðun í verslunum, bæði þeim hefðbundnu sem og netverslunum, ekki einungis út frá rekstrarlegum forsendum, heldur einnig út frá þáttum eins og heilbrigði og sjálfbærni.

Kauphegðun er að breytast. Gömul verslunarlíkön, niðurstöður og aðferðafræði gilda ekki lengur og verslanir þurfa að aðlagast og rannsaka hvort að þær geti sinnt neytendum betur með snjöllum lausnum. Í erindinu mun Valdimar fara í gegnum ferðalög neytenda um verslanir og hvernig þau eru rannsökuð, meðal annars með myndavélum, greiningartækjum og tilraunum. Ljóst er að ábyrgð bæði verslana og viðskiptavina er mikil. Hverju er ýtt að okkur og hvað erum við að ýta undir?

Rætt verður um mikilvægi innkaupakerra, mikilvægi dóma og sölu frá öðrum neytendum, verðlagningu, dekkun verslunar, mikilvægi tíma og mælinga á gönguhraða, lengd innkaupa og hagkvæmni og af hverju verslanir sóa tíma neytenda. Neytendur velja og þeirra val verður að skilja.



Vinsamlegast athugið að á viðburðum Háskólans í Reykjavík (HR) eru teknar ljósmyndir og myndbönd sem notuð eru í markaðsstarfi HR. Hægt er að nálgast frekari upplýsingar á ru.is eða með því að senda tölvupóst á netfangið: personuvernd@ru.is
//
Please note that at events hosted at Reykjavik University (RU), photographs and videos are taken which might be used for RU marketing purposes. Read more about this on our ru.is or send an e-mail: personuvernd@ru.is