Prófaðu að stýra fyrirtæki!
Stjórnunarkeppni framhaldsskólanna er liður í því að vekja áhuga ungs fólks á góðri og ábyrgri stjórnun.
Stjórnunarkeppni framhaldsskólanna verður á vegum viðskiptadeildar Háskólans í Reykjavík 10. mars frá 17:00-21:00 á Zoom. Keppnin er liður í því að vekja áhuga ungs fólks á góðri og ábyrgri stjórnun.
Mikilvægur hluti af starfi stjórnenda er að taka ákvarðanir, bæði um starfsemina frá degi til dags og stærri ákvarðanir sem hafa áhrif á fyrirtækið og samfélagið allt.
Fyrirkomulag keppninnar er á þá leið að lið sem samanstanda af þremur til fjórum einstaklingum stýra fyrirtæki í í hermi í ákveðinn tíma og keppa sín á milli um að ná sem bestum árangri.
Leikurinn byggir á hinum vinsæla Edumundo stjórnunarleik.
Skráningafrestur er til 3. mars næstkomandi. Hér er hægt að skrá lið til leiks.
Frekari upplýsingar veitir Saga Ýr Kjartansdóttir, verkefnastjóri í viðskiptadeild HR, bsnamvd@ru.is .
Verðlaun verða veitt fyrir þrjú efstu sætin.
