Stjórnunarkeppni framhaldsskólanna

Prófaðu að stýra fyrirtæki

  • 14.3.2018, 17:00 - 21:00

Stjórnunarkeppni framhaldsskólanna, sem haldin er á vegum viðskiptadeildar Háskólans í Reykjavík, er liður í því að vekja áhuga ungs fólks hér á landi á góðri og ábyrgri stjórnun.

Mikilvægur hluti af starfi stjórnenda er að taka ákvarðanir, bæði um atriði í starfsemi frá degi til dags og stærri ákvarðanir sem hafa áhrif á starfsemina, og samfélagið allt, til frambúðar.

Fyrirkomulag keppninnar er á þá leið að lið sem samanstanda af þremur til fjórum einstaklingum stýra fyrirtæki í ákveðinn tíma og keppa sín á milli um að ná sem bestum árangri.

Þrjú ungmenni tala saman yfir fartölvuKeppendur í stjórnunarkeppninni árið 2017.

Leikurinn byggir á hinum vinsæla Edumundo stjórnunarleik.

28 lið úr 10 skólum hafa skráð sig í keppnina í ár. Liðin koma frá eftirtöldum skólum:

  • Borgarholtsskóla
  • Fjölbrautaskólanum í Breiðholti
  • Fjölbrautaskóla Norðurlands vestra
  • Fjölbrautaskólanum í Garðabæ
  • Menntaskólanum að Laugarvatni
  • Menntaskólanum á Akureyri
  • Menntaskólanum í Reykjavík
  • Menntaskólanum við Hamrahlíð
  • Tækniskólanum
  • Verzlunarskóla Íslands


Eftirtalin fyrirtæki veita verðlaun fyrir þrjú efstu sætin:

  • Viðskiptaráð Íslands (Menntasjóður)
  • Air Iceland Connect
  • Reykjavík Escape