Forritunarkeppni framhaldsskólanna
Haldin á netinu í ár
Forritunarkeppni framhaldsskólanna fer fram í ár eins og undanfarin ár en með breyttu sniði. Í ljósi útbreiðslu kórónuveirunnar hefur verið ákveðið að halda keppnina á netinu þann 21. mars. Í staðinn fyrir að keppendur mæti í Háskólann í Reykjavík, þá taka þeir þátt gegnum netið. Lokaathöfnin verður í beinni útsendingu á netinu og eins og venjulega nota keppendur vefkerfið Kattis til að fá aðgang að verkefnum keppninnar og til að skila inn lausnum.
Dagskrá 21. mars
11:00 - 16:00 Liðin vinna að verkefnum keppninnar
16:00 - 17:00 Kynning frá deildarforseta og úrslit kynnt
Keppninni er skipt í þrjár deildir eftir erfiðleikastigi:
- Delta: Ætlað byrjendum eða þeim sem eru rétt farnir að kynnast forritun. Æskileg kunnátta er einföld strengjavinnsla, inntak, úttak, if setningar og einfaldar lykkjur.
- Beta: Millistig sem er ætlað til að brúa bilið á milli Delta og Alpha. Hér má búast við dæmum sem þarfnast flóknari útfærslu en í Delta, t.d. faldaðar lykkjur (e. nested loops), flóknari strengjavinnsla og einföld reiknirit.
- Alpha: Ætlað þeim sem hafa mikinn áhuga á forritun og skara fram úr. Bestu þátttakendum úr þessari deild verður boðið að taka þátt í æfingabúðum með því markmiði að velja í ólympíulið Íslands í forritun. Keppendur koma ekki með sínar eigin tölvur, heldur fá úthlutaða tölvu þar sem umhverfi er líkt því sem er á ólympíuleikunum.
