„Við búum til lið úr okkar hópi“

Nám í íþróttafræði við HR er fjölbreytt og krefjandi og undirbýr nemendur fyrir störf á fjölmörgum sviðum íþrótta, líkams- og heilsuræktar er lúta að kennslu, þjálfun og stjórnun.

Í grunnnámi í íþróttafræði kynnast nemendur undirstöðuatriðum í þjálfun og kennslu og ljúka einingum í verknámi. Þeir kynnast því jafnframt hvernig nota má niðurstöður rannsókna og nýjustu tækni til að efla þjálfun, afreksíþróttir og heilsu almennings. Í meistaranáminu er lögð áhersla á rannsóknir og tengsl við samfélag og atvinnulíf.

Diplóma 

Styrk- og þrekþjálfun - 60 ECTS einingar 

Diplómanám í styrk- og þrekþjálfun er eins árs, 60 ECTS eininga nám (54 ECTS einingar metnar til BSc). Kennslan samanstendur af fyrirlestrum, vinnustofum, verkefnavinnu, rannsóknarstofuvinnu ásamt verklegri kennslu. Með fjölbreyttum kennsluaðferðum fá nemendur jafnframt góðan undirbúning fyrir störf að námi loknu.

• Lesa meira um diplómanám í styrk- og þrekþjálfun

Grunnnám (BSc)

Íþróttafræði - 180 ECTS einingar

Nemendur kynnast undirstöðuatriðum í þjálfun og kennslu og ljúka einingum í verknámi. Jafnframt er kennt hvernig nota má niðurstöður rannsókna og nýjustu tækni til að efla þjálfun, afreksíþróttir og heilsu almennings.

• Lesa meira um grunnnám í íþróttafræði

Meistaranám (MSc)

Íþróttavísindi og þjálfun - 120 ECTS

Íþróttafræði við HR undirbýr íþróttafræðinga og íþróttakennara fyrir störf á fjölmörgum sviðum íþrótta, líkams- og heilsuræktar er lúta að kennslu, þjálfun og stjórnun. Í náminu er lögð áhersla á tengsl við samfélag og atvinnulíf og eru unnin mörg verkefni á námstímanum sem geta nýst samfélaginu beint.

• Lesa meira um meistaranám í íþróttavísindum og þjálfun

Íþróttavísindi og stjórnun - 120 ECTS

Með tvíþættri meistaragráðu í íþróttavísindum og stjórnun frá HR og Molde fá nemendur nauðsynlegan undirbúning til að sinna stjórnunarstöðum hjá íþróttahreyfingum og á öðrum sviðum atvinnulífs sem tengjast íþróttum.

• Lesa meira um meistaranám í íþróttavísindum og stjórnun

Meistaranám (MEd)

Heilsuþjálfun og kennsla - 120 ECTS

Í náminu er fjallað um íþrótta- og kennslufræði með áherslu á heilsuþjálfun. Lögð er áhersla á hvernig auka megi lífsgæði með skipulagðri hreyfingu fyrir einstaklinga á öllum aldri og á mismunandi getustigum. MEd-gráðan veitir kennsluréttindi að ákveðnum skilyrðum uppfylltum.

• Lesa meira um meistarnám í heilsuþjálfun og kennslu

Doktorsnám (PhD)

Fyrir nemendur sem vilja stunda fræðilegar rannsóknir á einu af sérsviðum deildarinnar.

Áhugasamir einstaklingar eru hvattir til að hafa samband við akademískt starfslið deildarinnar til að ræða um mögulegar rannsóknir til doktorsgráðu.

• Lesa meira um doktorsnám í íþróttavísindum

• Sjá myndband um íþróttafræði í HR
• Íþróttafræði í HR á Facebook