Iðn- og tæknifræðideild

Mótaðu framtíðina á skapandi og skemmtilegan hátt

Í heiminum búa meira en sjö milljarðar manna. Öllu þessu fólki viljum við tryggja fæði, klæði og húsnæði. Við viljum líka tryggja því heilbrigði, aðgang að orku, öryggi og afþreyingu. Tæknifræðingar byggja á vísindum og beita skipulögðum vinnubrögðum til þess að takast á við þessa áskorun og hjálpa þannig til við að móta framtíðina. 

Tækninám í HR gefur ykkur tækifæri á að leggja ykkar af mörkum á skapandi og skemmtilegan hátt. HR útskrifar flesta nemendur í tæknigreinum á háskólastigi á Íslandi, og er með mestu rannsóknarvirkni á landinu í þeim greinum. 

Í tækninámi við deildina er lögð sérstök áhersla á verklega hluta námsins við kennslu undirstöðugreina og hagnýtra fag- og tæknigreina. Tæknifræðideild er aðili að alþjóðlegu samstarfsneti um þróun tæknináms sem kallast CDIO (e. Conceive, Design, Implement, Operate). Í netinu eru um 100 framsæknir háskólar og megináhersla er lögð á gæði náms í tæknifræði með því að setja undirstöðugreinar í samhengi við raunveruleg viðfangsefni. 


Sjá myndband um nám í tæknifræði í HR

Diplómanám

Iðnfræði - 90 ECTS einingar
Iðnfræði er hagnýtt 90 ECTS eininga nám til diplómagráðu á háskólastigi. Kennt er í fjarnámi með tveimur staðarlotum á önn, eina helgi í senn. 

Grunnnám (BSc) 

Tæknifræði - 210 ECTS einingar

Í tæknifræði er lögð áhersla á að byggja upp verkvit, fræðilega fagþekkingu og tengsl við atvinnulífið. Námið er  tilvalið fyrir þá sem vilja geta hafið starfsferil sinn strax að loknu BSc–námi. Þeir sem útskrifast með lokapróf í tæknifræði hljóta lögverndaða starfsheitið tæknifræðingur. 

Tæknifræðingar hafa möguleika á að sækja um meistaranám í verkfræði og útskrifast þá að auki með lögverndaða starfsheitið verkfræðingur. 

Byggingafræði - 210 ECTS

Byggingafræði í HR er 210 ECTS eininga nám. Fyrri hluti námsins er 90 ECTS einingar, kennt í fjarnámi sem kennt er með námsbraut í byggingariðnfræði.  Síðari hluti námsins er 120 ECTS eininga verkefnamiðað nám, kennt í staðarnámi.  

 


Viðburðir

27.8.2019 11:50 - 12:35 ICE-TCS seminar: Michael Engen

Universal Permutations

 

27.8.2019 20:00 - 22:00 Hvernig hjálpa ég barninu mínu að blómstra í íþróttum?

Vinnustofa fyrir foreldra barna og unglinga með Chris Harwood, prófessor í íþróttasálfræði við háskólann í Loughborough.

 

Fleiri viðburðir


Fréttir

Hópur nemenda stendur í tröppunum í Sólinni

21.5.2019 : Ekki lengur bið við kassann

Námskeiðinu Nýsköpun og stofnun fyrirtækja lauk á föstudaginn með lokahófi þar sem vinningslið hlutu verðlaun og nemendurnir fengu tækifæri til að gleðjast saman yfir afrakstri síðustu þriggja vikna.

Tveir MBA nemendur standa á gangi í HR og tala saman

3.5.2019 : MBA-nemendur kynntu lokaverkefni sín fyrir sérfræðingum

Á lokaári sínu í námi vinna MBA-nemar lokaverkefni þar sem þeir þurfa að nýta þá þekkingu sem þeir hafa öðlast í gegnum allt námið, sem er samtals tvö ár. Nemendur þurfa að líta til allra atriða í rekstri og er lokaverkefnið unnið í samstarfi við fyrirtæki eða stofnun. Flest þeirra varða stefnumótun með nokkuð háu flækjustigi eins og þátttöku á nýjum markaði.

Rotman

26.2.2019 : Næst hæstir af þátttökuskólum frá Norðurlöndunum

Sérvalið teymi frá viðskiptadeild HR tók þátt í Rotman International Trading Competition sem haldin var í Toronto, Kanada í síðustu viku og stóð sig með prýði.

Fleiri fréttir