Tímarit Háskólans í Reykjavík inniheldur fjölbreyttar greinar og viðtöl um rannsóknir og önnur viðfangefni nemenda og kennara við HR, í lífi og starfi. Það kom út í tíunda sinn í nóvember 2018. Hægt er að lesa tímaritið í heild sinni sem flettirit.
Rannsókn í fókus: María Sigríður Guðjónsdóttir, lektor við tækni- og verkfræðideild.
„Ég er í rannsóknarhóp sem skoðar nýtingu á orkuríkri gufu úr djúpum borholum til raforkuframleiðslu. Til að nýta orkuna úr gufunni á sem hagkvæmastan hátt er hægt að bæta varmaskiptum inn í orkunýtingarferlið. Viðfangsefnið hjá okkur er að skoða hegðun og áhrif kísilútfellinga á varmaskiptin með tölulegum líkönum og tilraunum.“
„Til að hægt verði að hanna varmaskiptaferlið þannig að kísilagnir í gufunni hafi sem minnst áhrif og hægt verði að bæta orkunýtinguna úr jarðhitakerfunum.“
„Með því að nýta orkuríkari gufu úr dýpri borholum væri hægt að lækka borkostnað í jarðhitaverkefnum. Og með því að bæta varmaskiptum við í þetta ferli er hægt að auka orkunýtnina enn frekar.“
