Fréttir

Fyrirsagnalisti

15.10.2019 : Dr. Ragnhildur Helgadóttir sæmd heiðursdoktorsnafnbót við Háskólann í Bergen

Ragnhildur Helgadóttir var sæmd heiðursdoktorsnafnbót við Háskólann í Bergen.

Ragnhildur Helgadóttir var sæmd heiðursdoktorsnafnbót við Háskólann í Bergen 15. október. Af því tilefni hélt hún hátíðarfyrirlestur í háskólanum þar sem hún fjallaði um hlutverk dómstóla er þeir meta hvort lög samrýmist stjórnarskrá. Ragnhildur er sviðsforseti samfélagssviðs HR en innan þess starfa lagadeild, viðskiptadeild, sálfræðideild og íþróttafræðideild. Hún er formaður vísindanefndar Vísinda- og tækniráðs, hefur dæmt mál í Hæstarétti, héraðsdómi og í Mannréttindadómstól Evrópu og gegnt ýmsum trúnaðarstörfum.

11.9.2019 : Eiríkur Elís Þorláksson nýr forseti lagadeildar

Eirikur-Elis-lagadeild2019

Eiríkur Elís Þorláksson hefur verið ráðinn forseti lagadeildar Háskólans í Reykjavík.

3.6.2019 : Dr. Bjarni Már Magnússon nýr prófessor við lagadeild HR

Maður stendur við sjóinn

Dr. Bjarni Már Magnússon hefur hlotið framgang í stöðu prófessors við lagadeild Háskólans í Reykjavík. Bjarni lauk doktorsprófi frá lagadeild Edinborgarháskóla árið 2013, LL.M.-gráðu í haf- og strandarétti frá lagadeild Miami-háskóla árið 2007 og öðlaðist lögmannsréttindi árið 2008. Hann lauk embættisprófi í lögfræði frá Háskóla Íslands árið 2005 og M.A.-gráðu í alþjóðasamskiptum frá sama skóla árið 2007.

26.2.2019 : Keppa fyrir Íslands hönd

Lagateymid

Lið frá lagadeild HR bar sigur úr býtum í landsútsláttarkeppni í Lissabon og er á leið út til Washington að keppa fyrir Íslands hönd í hinni alþjóðlegu Phillip C Jessup málflutningskeppni

7.6.2018 : HR einn af hundrað bestu ungu háskólum heims

Myndin sýnir lógó THE

Háskólinn í Reykjavík er einn af hundrað bestu ungu háskólum í heiminum í dag, samkvæmt  lista Times Higher Education sem birtur var í dag. Á listanum eru háskólar 50 ára og yngri og er Háskólinn í Reykjavík í 89. sæti á listanum.

22.1.2018 : „Say Iceland“ vinnur Hnakkaþonið 2018

Hnakkathon-2018-2-

Samkvæmt vinningstillögu Hnakkaþons 2018 mun Brim hf. byggja upp eigið vörumerki undir nafninu „Say Iceland“ og selja fullunninn ufsa á nýja markaði á austurströnd Bandaríkjanna. Hnakkaþon er útflutningskeppni sjávarútvegsins og er haldið á vegum HR og SFS. Keppnin fór fram frá fimmtudegi til laugardags þegar úrslit voru kynnt og verðlaun afhent.

19.1.2018 : Nemendur HR markaðssetja sjófrystan ufsa á Bandaríkjamarkað

Nemendur Háskólans í Reykjavík leita nú leiða til að auka útflutning á sjófrystum ufsa til Bandaríkjanna, en Hnakkaþon 2018, útflutningskeppni HR og Samtaka fyrirtækja í sjávarútvegi hófst í dag. Áskorun Hnakkaþonsins í ár felst í að finna leiðir til að auka sölu á sjófrystum ufsa til hótela og veitingahúsakeðja í Bandaríkjunum.

8.1.2018 : Mikilvægt að þolendur nauðgana segi frá

Myndin sýnir ráðstefnugesti sitja í sætum sínum

Ráðstefnan Þögnin, skömmin og kerfið var haldin í Háskólanum í Reykjavík síðasta föstudag. Umfjöllunarefnið nauðgun var skoðað frá ýmsum hliðum; réttarfarslegum, félagslegum, sálfræðilegum og lagalegum. Ráðstefnunni var streymt á netinu og gerð góð skil í fjölmiðlum, og var þétt setinn bekkurinn í HR.

5.1.2018 : Skrifað um nýtt millidómsstig, lýðskrum og íslenskt yfirráðasvæði

Myndin sýnir nýtt tímarit Lögréttu

Tímarit Lögréttu er komið út. Í því er leitast við að taka á lögfræðilegum álitaefnum sem eru til umfjöllunar í samfélaginu hverju sinni. Meginumfjöllunarefni tímaritsins að þessu sinni eru dómstólarnir og þá sérstaklega sú nýskipan á sviði dómstólaskipunar og réttarfars sem gengur í gildi í ársbyrjun 2018.

9.10.2017 : Fjörugar umræður um stjórnarskrá Íslands

Fyrirlesarar sitja í röð við langt borð í stofu M103

Lagadeild Háskólans í Reykjavík stóð fyrir hátíðarmálþingi undir yfirskriftinni Stjórnarskráin í stormi samfélagsins í dag, föstudaginn 6. október. Málþingið var haldið í tengslum við útgáfu Bókaútgáfunnar Codex á afmælisriti til heiðurs Jóni Steinari Gunnlaugssyni, hæstaréttarlögmanni, sjötugum.

23.9.2017 : HR meðal 500 bestu háskóla heims

Horft upp í loftið í sólinni

Háskólinn í Reykjavík er á nýútgefnum lista Times Higher Education yfir 500 bestu háskóla í heimi. Fyrir ungan og sérhæfðan háskóla er það mjög góður árangur, en þetta er í fyrsta sinn sem HR er á listanum.