Íþróttavísindi og þjálfun MSc

Nám fyrir leiðtoga framtíðarinnar í þjálfun íþróttafólks og rannsóknum á sviði íþróttafræða. Lögð er áhersla á viðurkenndar rannsóknar- og þjálfunaraðferðir og hagnýtingu þeirra í íþróttaumhverfi nútímans.

Um námið

 Nemandi vinnur að rannsókn á hlaupara

Einstakt nám

MSc-námið í íþróttavísindum og þjálfun er einstakt hér á landi. Nemendur fá tækifæri til að vinna verkefni í öllum námskeiðum sem tengjast þeirra áhugasviði og rík áhersla er á að tengja rannsóknir við hagnýtingu á vettvangi. Námið er samsett úr námskeiðum sem fjalla um hvernig hámarka megi frammistöðu með þjálfun sem byggir á lífeðlisfræði, þjálffræði, sálfræði, næringarfræði, tækni og skipulagi.

Fyrir hverja?

Námið er ætlað þjálfurum, íþróttakennurum og öðru fagfólki sem vill dýpka þekkingu sína, allt frá þjálfun barna og unglinga til þjálfunar afreksmanna. 

Lokaverkefni með íþróttahreyfingunni

Nemendum gefst kostur á að gera meistaraverkefni í samstarfi við íþróttalið eða sérsambönd.

Framúrskarandi erlendir gestakennarar

Erlendir fræðimenn sem eru framarlega í heiminum á sviði styrktarþjálfunar, þolþjálfunar, íþróttanæringarfræði, íþróttasálfræði og þjálfunarlífeðlisfræði koma og miðla af þekkingu sinni og reynslu til nemenda.

Að námi loknu

Fjölbreyttur starfsvettvangur

Margvísleg atvinnutækifæri bíða þeirra sem ljúka meistaranámi í íþróttafræði, svo sem við stjórnun innan íþróttahreyfingarinnar og þjálfun. Nemendur með MSc-gráðu í íþróttavísindum og þjálfun vinna í dag sem yfirþjálfarar íþróttafélaga, verkefnastjórar afreksíþróttasviðs, íþróttafræðingar á geðsviði, afreksþjálfarar og einkaþjálfarar svo eitthvað sé nefnt.

Knattspyrnumaður tekur um höfuð sér og spáir í leikinn

Umsögn nemanda

„Í HR eru góðir kennarar og það er gott aðgengi að þeim. Námskeiðin eru fjölbreytt og svo koma nemendur úr hinu ýmsu áttum sem gerir námið enn áhugaverðara. Að vera menntaður íþróttafræðingur skiptir miklu máli þegar þjálfarastörf eru annars vegar.“

Patrekur Jóhannesson hallar sér að járnhandriði á annari hæð í Sólinni í HR

Patrekur Jóhannesson
Landsliðsþjálfari Austurríkis í handknattleik karla 
Meistaranemi í íþróttavísindum og þjálfun
BSc í íþróttafræði frá HR 2008  

 

Aðstaða

Þjónusta og góður aðbúnaður

Öll kennsla fer fram í háskólabyggingu HR. Þar er aðstaða til verklegrar kennslu, hópavinnuherbergi, mötuneyti, náms- og starfsráðgjöf og önnur þjónusta við nemendur.

Verkleg kennsla

Í HR er áhersla lögð á verkkunnáttu og þjálfun ásamt fræðilegri undirstöðu. Því er aðstaða til verklegrar kennslu til fyrirmyndar. Nemendur í íþróttavísindum og þjálfun hafa aðgang að lesaðstöðu meistaranema auk þess sem þeir hafa aðgang að fullbúinni rannsóknastofu.

Kennslustofur og lesherbergi

Húsnæði Háskólans í Reykjavík býður upp á afar góða aðstöðu til kennslu, lesturs og samvinnu nemenda. Kennslustofur eru vel búnar og nemendur geta nýtt sér hópavinnuherbergi. Almenn aðstaða er opin nemendum allan sólarhringinn. Sjá fleiri myndir af aðstöðunni í HR. 

Góð þjónusta

Í háskólabyggingunni er greiður aðgangur að náms- og starfsráðgjöf, alþjóðaskrifstofu og tækniaðstoð. Á bókasafninu er góð og fjölbreytt vinnuaðstaða. Safnið býður aðgang að bókum og fræðigreinum og upplýsingafræðingar eru með opna tíma þar sem nemendur geta litið við og fengið ráðleggingar og aðstoð vegna heimildavinnu.

Verslanir og kaffihús

Í HR er jafnframt Háskólabúðin sem selur helstu nauðsynjavörur, Te og kaffi, æfingasalur World Class og Málið veitingasala.

Kennarar

Vísindamenn og sérfræðingar

Nemendur í meistaranámi í íþróttavísindum og þjálfun njóta leiðsagnar öflugra vísindamanna á fagsviðinu innan háskólans og gestafyrirlesara með sérfræðiþekkingu úr íþróttaheiminum. Kennarar við HR eru að jafnaði í miklum samskiptum við nemendur. Námið heyrir undir íþróttafræðisvið. 

Photo* Name* Title Contact Description
Hafrún Hafrún Kristjánsdóttir Aðjúnkt
Sviðsstjóri íþróttafræðisviðs
hafrunkr@ru.is  
Ásrún Ásrún Matthíasdóttir Lektor asrun@ru.is  
Henning Henning Budde Aðjúnkt henningb@ru.is  
Hermundur Hermundur Sigmundsson Prófessor hermundurs@ru.is  
Ingi Þór Ingi Þór Einarsson Aðjúnkt ingithore@ru.is  
Jose Miguel Jose Miguel Saavedra Garcia Prófessor saavedra@ru.is  
Kristján Kristján Halldórsson Aðjúnkt kristjanha@ru.is  
Margrét Lilja Margrét Lilja Guðmundsdóttir Aðjúnkt margretlilja@ru.is  
Milan Milan Chang Guðjónsson Lektor milancg@ru.is  
Sveinn Sveinn Þorgeirsson Aðjúnkt sveinntho@ru.is  

Skipulag náms

Námskeið og lokaverkefni 

Námið er tveggja ára 120 ECTS nám þar sem flest námskeið eru kennd í sex vikna lotum. Tvær annir byggjast upp af námskeiðum en á þriðju önn eru námskeið um leið og nemendur byrja að vinna að sínu meistaraverkefni Á fjórðu önninni er unnið áfram við 45 ECTS meistaraverkefni. 

Kennsluskrá MSc/MEd

Dæmi um námskeið

Hugmyndafræði og skipulag þjálfunar (10 ECTS), Rannsóknir í íþróttafræðum (10 ECTS), Hagnýt tölfræði (10 ECTS), Næring í íþróttum (5 ECTS), Sálræn þjálfun  (10 ECTS), Íþróttaþjálfun (5 ECTS), Sérhæfing (5 ECTS).

Stundatöflur

Inntökuskilyrði

Æskilegur grunnur

Ætlast er til að nemendur hafi lokið grunnnámi í íþróttafræði, sjúkraþjálfun, heilsuþjálfun, líffræði eða öðrum skyldum greinum. Nemendur með annan bakgrunn gætu þurft að bæta við sig greinum eins og lífeðlisfræði, þjálffræði og líffærafræði.

Getum við aðstoðað?

Telma Hrönn Númadóttir

Verkefnastjóri

Netfang: telmah@ru.is 
Sími: 599 6314

 


Var efnið hjálplegt? Nei