Dr. Pauline Muchina: Siðfræði, kynja- og efnahagslegt réttlæti

Opið hádegiserindi 10.feb kl 11:30 í HR

MPM-Alumni félagið og MPM-námið býður upp á opinn fyrirlestur með gestakennaranum Dr. Pauline Muchina frá Kenía. Pauline hélt fyrirlesturinn ´ Ný karlmennska: Nýjar aðferðir í stjórnun! ´ fyrir fullu húsi í fyrra en mun nú fjalla um siðfræði, kynjajafnrétti, efnahagslegt réttlæti og friðaruppbyggingu, með áherslu á Afríkuríki. 

Pauline er talin meðal 50 mikilvægustu trúarleiðtoga heims, er einn öflugasti fulltrúi afrískra kvennleiðtoga ásamt því að vera einstakur fyrirlesari og beita framsögutækni sem lætur enga ósnortna. 

50868997_2137655192963188_5112006389371240448_nPauline er stofnandi Future African Leaders Project og er félagi í Center for Health and Social Policy. Hún starfaði sem ráðgjafi fyrir UNAIDS um árabil og sinnir stjórnar- og ráðgjafastörfum, þar á meðal hjá Foundation for Sustainable Development og The Circle of Concerned African Woman Theologians. Pauline rekur fyrirtækið African Women & Youth sem er skapandi hönnunarfyrirtæki sem handgerir vandaðar handsmíðaðir afríkuvörur fyrir heimsmarkaðinn. Árið 2011 hlaut Pauline The United Methodist Church Global Leadership Award og Huffington Post hefur tilnefnt Pauline sem eina af 50 mikilvægustu trúarleiðtogum heims. Hún hefur meistarapróf frá Yale University Divinity School og doktorsgráðu frá Union Theological Seminary í New York. Pauline er stundarkennari í MPM náminu við Háskólann í Reykjavík þar sem hún kennir í námskeiðinu Verkefnastjórnun á framandi slóð.

Fyrirlesturinn fer fram mánudaginn 10.feb í stofu M209 við Háskólann í Reykjavík, klukkan 11:30.


// Opið er fyrir umsóknir í MPM-námið á https://www.ru.is/mpm/umsoknarferlid //


Fara á umsóknarvef