Kynningarfundur MPM-námsins

25. febrúar kl 12:00

Þann 25. febrúar næstkomandi milli kl. 12-13 verður haldinn kynningarfundur MPM-námsins við Háskólann í Reykjavík.
*Hér má sjá viðburð á Facebook 


FUNDARHLEKKUR: https://eu01web.zoom.us/j/68659900127

Haukur Ingi Jónasson formaður stjórnar MPM-námsins og Helgi Þór Ingason forstöðumaður námsins munu segja frá náminu, fyrirkomulagi þess og innihaldi, möguleikum útskrifaðra nemenda, gæðakröfum og alþjóðlegum viðmiðum. Bæði útskrifaðir og núverandi nemendur munu segja frá reynslu sinni af náminu og að þessu sinni verða það þau Íris Hrund Þórarinsdóttir MPM og deildarfulltrúi námsins ásamt Guðjóni Ásmundssyni sem er nú í útskriftarárgangi námsins.


23722646_1576100255785354_2991603446528779065_n

MPM-námið er meistaranám í verkefnastjórnun hentar þeim sem vilja koma hlutum í verk og stýra flóknum verkefnum, hvort sem það er á sviði vöruþróunar, verklegra framkvæmda, nýsköpunar, innleiðingar, breytinga, rannsókna eða menningarviðburða.Námið er 90 ECTS einingar og er alþjóðlega vottað. Það er skipulagt sem nám samhliða vinnu og tekur tvö ár. Frá fyrsta degi læra nemendur aðferðir sem nýtast í starfi og á meðan á náminu stendur öðlast þeir traustan fræðilegan grunn og eiga þess jafnframt kost að taka virkan þátt í þróun og útbreiðslu faglegra stjórnunaraðferða.Vaxandi fjöldi fyrirtækja og stofnana tekur meðvitaða ákvörðun um að halda utan um þorra viðfangsefna sinna með aðferðum verkefnastjórnunar. Ástæðurnar fyrir þessu eru margar, ekki síst hraði breytinga í krefjandi samkeppnisumhverfi og þörfin fyrir það að geta lagað sig að síbreytilegu umhverfi og mætt kröfum viðskiptavina. Aðferðir sem kenndar eru í MPM-námi mæta því aukinni alþjóðlegri eftirspurn á öllum sviðum athafnalífsins. Flest bendir til að þessi þróun í átt að verkefnamiðun fyrirtækja haldi áfram og nú er talað um verkefnamiðun samfélaga, þegar heilu samfélögin gerast verkefnamiðuð og auka þannig getu sína til að takast á við flókin viðfangsefni og takast á við breytingar.


MPM_kynningarfundir_FBevent2


Fara á umsóknarvef