Umsóknarferlið

Inntökuskilyrði

Námið er ætlað þeim sem hafa lokið grunngráðu í háskóla og eru með að minnsta kosti þriggja ára starfsreynslu. Allir umsækjendur sem uppfylla inntökuskilyrði eru boðaðir í viðtal.

Umsóknarfrestur er til og með 30. apríl.

Fylgigögn með umsókn

Sótt er rafrænt um nám við HR á sérstökum umsóknarvef: http://umsoknir.ru.is/ 

Eftirfarandi gögn þurfa að fylgja umsókn:

  • Yfirlit yfir náms- og starfsferil (CV) með ljósmynd.
  • Staðfest ljósrit af einkunnum og prófskírteinum.
  • Markmiðalýsing, þar sem umsækjandi gerir grein fyrir framtíðarmarkmiðum sínum og hvernig meistaranámið getur fallið þar inn í og hjálpað umsækjandanum að ná markmiðum sínum (inn í rafrænni umsókn eða sem viðhengi með umsókn).
  • Tvö meðmælabréf frá einstaklingum sem geta metið hæfni umsækjanda til að takast á við námið. Meðmælabréf mega vera á íslensku og/eða ensku. Meðmælabréf eiga ekki að fylgja með rafrænni umsókn heldur þurfa þau að berast til deildarfulltrúa MPM-námsins í tölvupósti eða í innsigluðu umslagi.

    Háskólinn í Reykjavík
    MPM - b/t umsjónarmanns
    Menntavegi 1
    101 Reykjavík

    Netfang: mpm@ru.is

Skólagjöld

Staðfestingargjald  er ISK 150.000. 

.-

Upplýsingar um skólagjöld MPM-námsins má finna hér: Upplýsingar um skólagjöld  

Eftirfarandi gögn og þjónusta er innifalin í skólagjöldum:

  • Öll kennsla og kennsluefni
  • Aðgengi að kennslurýmum  
  • Aðgengi að lesaðstöðu  
  • Aðgengi að allri þjónustu HR  
  • Allar bækur sem lagðar eru til grundvallar sem kjarnalesefni námskeiða 
  • Aðgangur að GPMfirst bókaveitunni
  • Alþjóðleg IPMA D-vottun
  • IPMA C- eða B-vottun á útskriftarári (háð reynslu nemanda)  
  • Nemendaskráning hjá Association of Project Management (APM) 
  • Persónuleg markþjálfun á hverju misseri (x4)
  • Vorferð á öðru misseri  
  • Ýmsir viðburðir, ráðstefnur og stutt námskeið  
  • Kaffi og ávextir á kennsluhelgum 


IPMA C eða IPMA B vottun grundvallast á reynslu nemanda af verkefnastjórnun og til að undirgangast hana þurfa því nemendur að hafa borið ábyrgð á stjórnun og samhæfingu verkefna yfir tiltekið tímabil, eins og kveðið er á um í skilmálum Verkefnastjórnunarfélags Íslands. Nemendur sem ljúka vottunarferli á útskriftarári gera það á kotnað námsins.

Lánasjóður íslenskra námsmanna veitir námslán fyrir hluta skólagjalda. 

Algengar spurningar

  • Á hvaða tungumáli er kennt?
    Kennsla fer bæði fram á ensku og íslensku.
  • Hvenær er hægt að hefja nám?
    Eingöngu er hægt að hefja MPM-nám að hausti.
  • Eru gerðar undanþágur frá kröfum um BA/BSc/sambærilega gráðu?
    Það nægir að umsækjandi hafi lokið 180 ECTS-einingum á háskólastigi.
  • Er hægt að vera í fullri vinnu meðfram MPM námi?
    Já, MPM-nám er skipulagt sem háskólanám með vinnu.
  • Lánar LÍN fyrir skólagjöldum?
    Já, LÍN hefur lánað fyrir skólagjöldum samkvæmt reglum lánasjóðsins hverju sinni. Þú getur kynnt þér reglur sjóðsins á www.lin.is
  • Hvenær fer kennsla fram?
    Kennt er aðra hvora helgi, föstudag og laugardag, frá 8:30-16:30, og einn fimmtudagseftirmiðdag í mánuði, 16:00-20:00.

Sækja um

Umsóknarfrestur

Umsóknarfrestur er til og með 30. apríl 2019.

Sótt er um nám við HR á umsóknavefnum: 

Inni á umsóknarvefnum eru leiðbeiningar um notkun hans og rafræn skil umsókna. 

Skráning

Umsækjendur þurfa að nýskrá sig með því að velja notendanafn og lykilorð og þá er hægt að skrá sig út af vefnum og inn aftur eftir því sem hentar. 

Fylgigögn

Til að umsóknin sé tekin gild þurfa öll nauðsynleg fylgigögn að hafa borist, sjá flipann „Inntökuskilyrði“.

Spurningar?

Hafið samband við Áslaugu Ármansdóttur, umsjónarmann MPM-námsins, aslaugar@ru.is.


Var efnið hjálplegt? Nei