EFN 3A04

Lýsing

Farið í jafnvægi efnahvarfa, jafnvægisfasta og lögmál Le Chatelier. Farið í eiginleika sýru- og basalausna, pH hugtakið, muninn á römmum og daufum sýrum/bösum ásamt útreikningum á sýrustigi og notkun sýru- og basafasta.  Farið í títrun, saltmyndanir og bufferlausnir skilgreindar. Farið í rafefnafræði, oxun og afoxun,  spennuröð málma, galvaníhlöð og rafgreiningu.   Að lokum verður farið lauslega yfir undirstöðuatriði í lífrænni efnafræði, helstu flokka og virka hópa í lífrænum efnum og nafnakerfi lífrænna efnasambanda.  Nokkrar verklegar æfingar sem tengjast efninu  eru framkvæmdar þannig lögð áhersla á verklega þáttinn ásamt skýrslugerð.

Námsmarkmið

Nemandinn skal hafa aflað sér þekkingar og skilnings á eftirfarandi sviðum:

Þekking

Jafnvægi í efnahvörfum:

  • skilja jafnvægi í einsleitum og misleitum efnahvörfum
  • þekkja notkun jafnvægisfasta í útreikningum
  • þekkja reglu  Le Chatelier

Sýrur og basar:

  • þekkja samhangandi sýru-/basapör
  • skilja útreikninga á sýrustigi
  • þekkja títrun
  • þekkja bufferlausnir

Rafefnfræði:

  • skilja oxun, afoxun og oxunartölur
  • þekkja spennuröðina
  • skilja muninn á galvanihlöðum og rafgreiningu

Lífræn efnafræði:

  • þekkja undirstöðuatriði í lífrænni efnafræði
  • þekkja nafnakerfi (IUPAC) í lífrænni efnafræði
  • þekkja flokka, virka hópa og algeng efnahvörf

Leikni

Jafnvægi í efnahvörfum:

  • greina einsleit og misleit efnahvörf og setja upp jöfnur fyrir jafnvægisfasta
  • nota jafnvægisfasta í útreikningum
  • nota reglu Le Chatelier

Sýrur og basar:

  • finna samhangandi sýru-/basapör í efnahvörfum
  • nota pH hugtakið og reikna sýrustig hjá römmum sýrum/bösum
  • finna jafnvægi daufra sýra og reikna pH gildi með notkun sýrufasta
  • nota títrun og kunna útreikninga sem tengjast títrun
  • finna sýrustig saltlausna
  • greina bufferlausnir og reikna pH gildi þeirra

Rafefnfræði:

  • vinna með oxun og afoxun, kunna að finna oxunartölur
  • geta stillt  oxunar-/afoxunarhvörf í súrum og basískum lausnum
  • nota spennuröðina
  • setja upp jöfnur fyrir einföld galvaníhlöð
  • setja fram jöfnur fyrir rafgreiningu

Lífræn efnafræði:

  • þekkja lífræn efnasambönd
  • nota nafnakerfi (IUPAC) í lífrænni efnafræði
  • kunna flokka, virka hópa og algeng efnahvörf

Verklegar æfingar:

  • framkvæma verklegar æfingar og setja niðurstöður fram á skýrsluformi

Hæfni

  • átta sig á hvaða aðferðir eiga við hverju sinni við útreikninga í efnafræði
  • sýna sjálfstæð vinnubrögð
  • nota og sækja upplýsingar í töflur
  • tengja efnafræðina við umhverfi okkar og daglegt líf og skilja mikilvægi hennar í náttúruvísindum
  • geta stundað áframhaldandi nám í efnafræði


Fara á umsóknarvef

Var efnið hjálplegt? Nei