Háskólagrunnur HR

Undirbúningur fyrir háskólanám

Háskólagrunnur HR býður upp á góðan undirbúning fyrir háskólanám. Þegar nemendur sækja um velja þeir háskólagrunn miðað við það nám sem stefnt er að í framhaldinu. Fullt nám tekur eitt ár og kennsla fer fram í staðarnámi.

Um námið

Nemendur segja frá Háskólagrunni HR.

Hvaða grunn á ég að velja?

Tækni- og verkfræðigrunnur / Undirbúningur fyrir nám í tækni- og verkfræðideild

Fyrir nemendur sem stefna í tæknifræði, verkfræði, hugbúnaðarverkfræði og tölvunarstærðfræði. 

Tölvunarfræðigrunnur / Undirbúningur fyrir nám í tölvunarfræðideild

Fyrir nemendur sem stefna í tölvunarfræði.

Viðskiptafræðigrunnur / Undirbúningur fyrir nám í viðskiptadeild

Fyrir nemendur sem stefna í viðskiptafræði, hagfræði, sálfræði og íþróttafræði.

Lögfræðigrunnur / Undirbúningur fyrir nám í lagadeild

Fyrir nemendur sem stefna í lögfræði.

Upplýsingar um námskeið

Sjá upplýsingar um námskeið í hverjum háskólagrunni fyrir sig undir Skipulag náms.

• Lesa meira um inntökuskilyrðin
• Bókalistar

Bekkjarkerfi og þétt stundaskrá

Í Háskólagrunni er bekkjarkerfi sem þýðir að hver nemandi er í sama bekknum frá því að hann byrjar í náminu. Umsjónarmaður er valinn úr hópi nemenda í hverjum bekk. Kennsla hefst kl. 8:30 og stundataflan er þétt. Kennslu er yfirleitt lokið fyrir kl. 16. 

Viðbót í stærðfræði og eðlisfræði við stúdentspróf

Nemendur með stúdentspróf geta bætt við sig stærðfræði og raungreinum (eðlisfræði og efnafræði) ef frekari undirbúning þarf í þessum greinum fyrir háskólanám. „Viðbótarnám við stúdentspróf“ er braut sem sótt er um sérstaklega á umsóknarvef. Sjá upplýsingar um viðbótarnám við stúdentspróf í stærðfræði og raungreinum.  

Lánshæft nám

Nám í Háskólagrunni HR er lánshæft hjá LÍN samkvæmt úthlutunarreglum LÍN, kafla 1.2.2. um sérnám á Íslandi. Skólagjöld eru innheimt fyrir hverja önn.

Skólagjöld Háskólagrunns HR 2018-2019

Fylgdu Háskólagrunni HR á Facebook

Að námi loknu 

Góður undirbúningur

Með prófi í Háskólagrunni HR öðlast nemendur nauðsynlegan undirbúning fyrir nám við akademískar deildir Háskólans í Reykjavík. Próf í Háskólagrunni getur nýst sem undirbúningur fyrir nám í öðrum háskólum en nemendur verða að kynna sér inntökuskilyrði þess háskólanáms sem þeir stefna í.

Aðstaða

Þjónusta og góður aðbúnaður

Öll kennsla fer fram í háskólabyggingu HR. Þar er einnig aðstaða til verklegrar kennslu, hópavinnuherbergi, mötuneyti, náms- og starfsráðgjöf og önnur þjónusta við nemendur.

Kennslustofur og lesherbergi

Húsnæði Háskólans í Reykjavík býður upp á afar góða aðstöðu til kennslu, lesturs og samvinnu nemenda. Kennslustofur eru vel búnar og nemendur geta nýtt sér hópavinnuherbergi. Almenn aðstaða er opin nemendum allan sólarhringinn. Sjá fleiri myndir af aðstöðunni í HR. Nemendur Háskólagrunns eru að öllu jöfnu í sömu kennslustofunni með bekkjarfélögum sínum.

Góð þjónusta

Í háskólabyggingunni er greiður aðgangur að náms- og starfsráðgjöf, alþjóðaskrifstofu og tækniaðstoð. Á bókasafninu er góð og fjölbreytt vinnuaðstaða. Safnið býður aðgang að bókum og fræðigreinum og upplýsingafræðingar eru með opna tíma þar sem nemendur geta litið við og fengið ráðleggingar og aðstoð vegna heimildavinnu.

Verslanir og kaffihús

Í HR er jafnframt Háskólabúðin sem selur helstu nauðsynjavörur,Te og kaffi, æfingasalur World Class og Málið veitingasala.

Kennarar

Reynsla og sérfræðiþekking

Nemendur í Háskólagrunni njóta leiðsagnar öflugra kennara á sínum fagsviðum. Kennarar við HR eru að jafnaði í miklum samskiptum við nemendur. 

Auk þess sinnir fjöldi stundakennara kennslu í Háskólagrunni HR. 

Skipulag náms

Í Háskólagrunni taka nemendur 100 framhaldsskólaeiningar (fein) til viðbótar við þær einingar sem þeir hafa áður lokið. Það tekur að öllu jöfnu eitt ár að ljúka námi í Háskólagrunni og nemendur útskrifast með próf í Háskólagrunni. 

Tækni- og verkfræðigrunnur

Fyrir nemendur sem stefna í tæknifræði, verkfræði, hugbúnaðarverkfræði og tölvunarstærðfræði. Lota 4 er breytileg eftir því hvaða nám á í hlut.

3. og 4. lota eru birtar með fyrirvara um breytingar á skólaárinu 2018 - 2019.

1. lota	2. lota	3. lota	4. lota
STÆ2A05	ÍSL2A08	ÍSL3A10	STÆ4B04
	ÍSL2A02	FOR3A03
	STÆ3A07	STÆ3B05
	STÆ2B05	STÆ4A10
	ENS3A10	ENS3B05
	EXC2A02	DAN2A05
	EÐL2A05	EÐL3A05
	EFN2A05	EFN3A04 /  EÐL3B04

Tölvunarfræðigrunnur

Fyrir nemendur sem stefna í tölvunarfræði.

3. og 4. lota eru birtar með fyrirvara um breytingar á skólaárinu 2018 - 2019.

* val á milli ENS og STÆ

1. lota	2. lota	3. lota	4. lota
STÆ2A05	ÍSL2A08	ÍSL3A10	STR3A04 * / ENS3C04*
	ÍSL2A02	FOR3C02
	STÆ3A07	STÆ2B05
	ENS3A10	STÆ3C05
	DAN2A05	ENS3B05
	EXC2A02	NAT2A10
	TÖL2A05	RIT3A05
	FOR3A05	FOR3B05

Viðskiptafræðigrunnur

Fyrir nemendur sem stefna í viðskiptafræði, sálfræði og íþróttafræði.

1. lota	2. lota	3. lota	4. lota
STÆ2A05	ÍSL2A08	ÍSL3A10	ENS3C04 / FOR3A04 *
	ÍSL2A02	TÖL2A05
	STÆ3A07	STÆ3C05
	ENS3A10	ENS3B05
	BÓK2A03	NAT2A10
	DAN2A05	DAN3A05
	ÞJÓ3A02	ÞJÓ2B02
	EXC2A02	REI3A05
		RIT3A05

^{* val á milli ENS og FOR}

 

Lögfræðigrunnur

Fyrir nemendur sem stefna í lögfræði.

1. lota	2. lota	3. lota	4. lota
STÆ2A05	ÍSL2A08	ÍSL3A10	ENS3C04 / FOR3A04
	ÍSL2A02	LÖG3A02
	STÆ3A07	STÆ3C05
	ENS3A10	ENS3B05
	BÓK2A03	NAT2A10
	DAN2A05	DAN3A05
	TÖL2A05	REI3A05 /  FOR3B05 *
	EXC2A02	RIT3A05
	ÞJÓ3A02 *	ÞJÓ2B02

<sup>* val á milli ENS og FOR
* Val á milli BÓK/ÞJÓ og FOR3A05
* Val á milli FOR3B05 og REI3A05</sup>  

 

Stundatöflur

Stundatöflur fyrir bekkina eru aðgengilegar á ytri vef. 

Kennsla fer fram alla daga frá kl. 8:30 – 15:40 nema föstudaga, en þá lýkur kennslu kl. 14:00.

• Sjá allar stundatöflur Háskólagrunn HR 

Bókalistar

• Bókalistar 

Inntökuskilyrði

Innritun einu sinni á ári

Eingöngu er tekið inn í Háskólagrunn HR á haustönn. Þeir umsækjendur sem sækja snemma um og skila inn umbeðnum fylgigögnum geta vænst þess að fá svar fljótlega.

Eftirtaldir geta sótt um nám í Háskólagrunni

1. Þeir sem lokið hafa skilgreindu starfsnámi, þ.e. burtfararprófi úr iðn-, verkmennta- eða fjölbrautaskóla eða sambærilegu námi. Ekki er gerð krafa um sveinspróf.
2. Nemendur sem hafa lokið Menntastoðum. Æskilegt er að umsækjendur hafi reynslu af vinnumarkaði.
3. Nemendur sem hafa stundað nám við framhaldsskóla en ekki lokið námi. Til að þeir umsækjendur geti hafið nám við Háskólagrunn er gerð krafa um talsverða starfsreynslu og bóklegan undirbúning. Nemandi þarf að hafa lokið að minnsta kosti einum áfanga í íslensku, stærðfræði, ensku, dönsku (eða öðru Norðurlandamáli) og upplýsingatækni.
4. Nemendur sem þegar hafa lokið stúdentsprófi en hafa ekki nægjanlegan fjölda eininga í stærðfræði og raungreinum. Þessir nemendur geta bætt við sig þeim einingum sem upp á vantar í Háskólagrunni og er lengd námsins og samsetning háð fyrra námi viðkomandi.

Fylgigögn með umsókn

• Staðfest afrit einkunna úr framhaldsskóla.
• Starfsvottorð frá vinnuveitanda, umsögn um hvaða starfi viðkomandi gegndi, hversu lengi og starfshlutfall.
• Umsækjendur sem eru með burtfararpróf eða sveinspróf þurfa ekki að skila inn starfsvottorði.
• Sýnishorn af starfsvottorði.

Fylgigögnum skal skila inn rafrænt og hengja við umsókn. Á námsferlum þarf að koma fram stimpill viðkomandi skóla. 

Getum við aðstoðað?

Spurt og svarað

Hér má sjá nokkrar af algengustu spurningunum sem nemendur Háskólagrunns HR höfðu áður en þeir hófu námið.

Hvað er háskólagrunnur HR?

Háskólagrunnur HR er góður undirbúningur fyrir fólk sem stefnir í háskóla og þá einkum í HR en hefur ekki lokið stúdentsprófi.

Hverjir geta sótt um?

Þeir sem hafa lokið skilgreindu starfsnámi úr iðngrein, þeir sem hafa lokið Menntastoðum hjá símenntunarstöðvum og þeir sem hafa stundað nám í framhaldsskóla en ekki lokið námi. Einnig geta þeir sótt um sem hafa stúdentspróf og þurfa að bæta við sig stærðfræði og raungreinum.

Hvað ef íslenska er ekki mitt fyrsta tungumál?

Öll kennsla er á íslensku og erfitt er að stunda námið nema að viðkomandi hafi gott vald á íslensku.

Hvaða greinar kem ég til með að læra?

Allir nemendur taka íslensku, ensku og stærðfræði og dönsku. Nemendur taka svo mismunandi greinar eftir því í hvaða háskólagrunni þeir eru í.

Hvernig er námsmatið í deildinni?

Námsmat í deildinni er fjölbreytt. Bæði eru lokapróf í ýmsum áföngum og símat í öðrum áföngum.

Er bekkjarkerfi?

Já, í Háskólagrunni HR er bekkjarkerfi. Nemandi er í sama bekknum frá því hann byrjar og þangað til námi lýkur að vori. Skipulag námsins er á þann hátt að nemendur eru stundum í samkennslu með öðrum bekkjum. Reynt er að koma því þannig fyrir að þeir nemendur sem hafa valið sama háskólagrunninn eru saman í bekk, t.d. eru þeir sem eru í tækni- og verkfræðigrunni saman í bekk o.s.frv.

Hvenær eru prófin?

Á vef HR er hægt að skoða almanak fyrir hverja önn fyrir sig fram í tímann. Á almanaki kemur fram hvenær prófatímabil frumgreinadeildar er. Lokapróf í frumgreinadeild eru venjulega í desember og í maí.

Get ég skipt um háskólagrunn á miðri leið?

Nei það er ekki hægt.

Þarf ég að hafa tölvu?

Já það þarf tölvu í náminu. Allir nemendur taka áfanga í Excel og einnig er talsvert um tölvuvinnu í hinum ýmsu greinum.

Hvað er námið í háskólagrunni langt?

Námið í Háskólagrunni HR tekur eitt ár. Námið hefst í byrjun ágúst og lýkur um mánaðarmótin maí-júní árið á eftir.

Er hægt að taka námið í fjarnámi?

Nei, námið er eingöngu kennt í staðarnámi.

Ef ég stefni í tækni- eða verkfræði, hvaða háskólagrunn á ég að velja?

Þú velur tækni- og verkfræðigrunn.

Ég er með stúdentspróf af félagsfræðibraut en langar í verkfræði, get ég bætt við mig í frumgreinadeild?

Já, þú getur bætt við þig greinum í stærðfræði, eðlisfræði og efnafræði allt eftir því hvað þig vantar með hliðsjón af því námi sem þú stefnir í. Einnig býðst þér að taka aðrar greinar eins og Excel og forritun svo eitthvað sé nefnt. Kostnaður er sá sami óháð því hversu margar námsgreinar þú tekur.

Ég er iðnlærð/ur. Kemst ég í nám hjá ykkur ?

Já, allir sem hafa lokið burtfararprófi eða sveinsprófi úr iðngrein eiga greiðan aðgang í námið og eru alltaf teknir inn.

Hver eru inntökuskilyrði í deildina?

Inntökuskilyrðin eru bæði bókleg og verkleg. Hvað verkleg inntökuskilyrði varðar verður umsækjandi að geta sýnt fram á að hafa verið í minnst tvö ár samfellt á vinnumarkaði eftir 18 ára aldur en þó er ekki nauðsynlegt að hafa verið á sama stað.

Ég lauk Menntastoðum hjá Mími, kemst ég í Háskólagrunn HR?

Þeir sem ljúka Menntastoðum hjá símenntunarstöðvum, þar á meðal frá Mími, uppfylla bókleg inntökuskilyrði. Jafnframt þarf að uppfylla verkleg inntökuskilyrði.

Get ég fengið fyrra nám metið inn í nám í háskólagrunni?

Hægt er að sækja um að fá áfanga metna þegar námið er hafið. Sótt er um á þar til gerðu eyðublaði sem fer svo fyrir námsmatsnefnd sem úrskurðar um mat. Vekjum athygli á að metnir áfangar eru ekki lánshæfir hjá LÍN.

Hversu mikla starfsreynslu þarf ég til að uppfylla inntökuskilyrði?

Lágmark 2 ár (24 mánuðir) en þó ekki samfellt á sama stað. Iðnlærðir þurfa ekki að skila inn vottorði um starfsreynslu þar sem fyrra nám telst uppfylla skilyrðin.

Get ég stundað vinnu með náminu?

Við ráðleggjum nemendum okkar alltaf að vinna sem minnst með fullu námi. Námið er krefjandi og það er mjög erfitt að ætla sér að vinna mikið með því.

Er tekið inn um áramót?

Eingöngu er tekið inn í námið á haustin.

Get ég farið með lokapróf úr Háskólagrunni í aðra háskóla en HR?

Nemendur hafa farið í aðra háskóla að loknu námi en við lofum því ekki að nemendur komist inn í alla háskóla. Við hvetjum alltaf nemendur okkar til að kynna sér vel inntökuskilyrði þess náms sem þeir stefna í.

Get ég fengið metið nám úr skólum erlendis inn í ykkar nám?

Hægt er að fá metið ef námið í Háskólagrunni HR er sambærilegt. Til er stofnun á Íslandi sem metur nám frá erlendum skólum sem heitir Enic/Naric og við beinum fólki oft þangað til að fá úr því skorið hvað námið í útlöndum er sambærilegt við hér á Íslandi.

Hvenær hefst kennsla á daginn og hvenær lýkur kennslu á daginn?

Kennsla hefst alltaf kl. 8:30 og lýkur ýmist kl. 15:40, 15:00 eða 14:00.

Hver er meðalaldur í háskólagrunni?

Meðaldur er misjafn á milli ára en getur verið 26 ár , 27 eða 28 ár.

Er boðið upp á einhverja aðstoð við námið?

Nei ekki sérstaklega. Nemendur eru sjálfir duglegir við að mynda hópa og hjálpast að við námið. Stundum er boðið upp á aðstoð fyrir próf sem kennari stýrir. Mjög öflug þjónusta námsráðgjafa er við skólann þar sem nemendur geta fengið aðstoð við m.a. að skipuleggja nám sitt.

Hvað kostar námið?

Skólagjöld Háskólagrunns HR

Hvernig sæki ég um?

Sótt er um á vef HR í umsóknarkerfi. Fylla þarf út persónuupplýsingar og skila inn ákveðnum fylgigögnum. Kynntu þér vel á vef háskólans hvaða grunn þú átt að sækja um áður en þú ferð inn á umsóknarvefinn.

Hvaða fylgigögn þurfa að vera með umsókn?

Umsækjandi þarf að skila inn staðfestu afriti einkunna úr framhaldsskóla. Einnig þarf umsækjandi að skila inn starfsvottorði þar sem það á við frá vinnuveitenda. Iðnlærðir þurfa eingöngu að skila inn burtfarar/sveinsprófsskírteini. Fylgigögnum skal skila rafrænt og hengja við umsókn.

Hægt er að skoða sýnishorn af starfsvottorði hér

Þið biðjið um starfsvottorð, hvað er það?

Þar sem inntökuskilyrði eru einnig verkleg þarf að fá starfsvottorð frá vinnuveitenda. Umsækjandi þarf að geta sýnt fram á að hafa verið á vinnumarkaði í minnst tvö ár frá 18 ára aldri. Á starfsvottorði þarf að koma fram hvaða starfi viðkomandi gegndi, hversu lengi og í hve miklu stafshlutfalli.

Sýnishorn af starfsvottorði má finna hér

Get ég farið með þetta nám/lokapróf í skóla erlendis?

Nemendur hafa farið erlendis að loknu námi í Háskólagrunni HR. Samt sem áður getum við aldrei lofað því að hægt sé að komast inn í alla heimsins háskóla en við hvetjum alltaf fólk til að kynna sér vel þau inntökuskilyrði sem viðkomandi skóli setur. Nám í Háskólagrunni HR tekur mið af því að nemendur haldi áfram í HR.

Get ég hitt námsráðgjafa?

Já, það er ávallt mjög gott aðgengi að náms- og starfsráðgjöfum. Þeir eru með viðtalstíma alla virka daga nema föstudaga kl. 13:30 – 15:30. Viðkomandi gefur sig fram við afgreiðslu til að biðja um viðtal við náms- og starfsráðgjafa.

Hvað er ég í mörgum áföngum á hverri önn?

Náminu er skipt upp í lotur og það er misjafnt eftir lotum hve margir áfangarnir eru.

Uppfylli ég inntökuskilyrðin í háskóladeildir HR ef ég hef lokið háskólagrunni HR?

Já, Háskólagrunnur HR byggir á aðgangsviðmiðum HR og með því að velja ákveðinn grunn uppfyllir þú inntökuskilyrðin inn í það háskólanám. 

Get ég tekið námið á lengri tíma en einu ári?

Hægt er í samráði við skrifstofu Háskólagrunns HR að skipuleggja námsframvindu þannig að það henti viðkomandi.

Hvar finn ég upplýsingar um framvindureglur?

Hér finnurðu upplýsingar um framvindureglur Frumgreinadeildar HR .