Viðbótarnám við stúdentspróf

Í stærðfræði og raungreinum

Um námið

Einstaklingsmiðuð námsáætlun

Námið er fyrir þá sem útskrifast hafa með stúdentspróf en vantar einingar í stærðfræði og/eða raungreinum til að uppfylla inntökuskilyrði í ákveðnar deildir innan HR. Gerð er námsáætlun þar sem valdir eru áfangar úr staðarnámi frumgreinadeildar miðað við bakgrunn hvers og eins nemanda. Áhugasamir eru hvattir til að hafa samband og hægt er að senda námsferla til skoðunar til að sjá hvað umsækjanda vantar. 

Ég hóf nám í rafmagnsverkfræði haustið 2019 án þess að gera mér grein fyrir því hversu mikilvægt væri að hafa sem mestan grunn í stærðfræði og eðlisfræði. Ég ákvað því að hætta og skrá mig í viðbótarnám við stúdentspróf í Háskólagrunni HR. Þar var í boði allt sem mig vantaði upp á til að eiga auðveldara með námið sem ég stefndi að. Ég hóf síðan nám í heilbrigðisverkfræði við HR haustið 2021.

Líf Þrastardóttir
Nemi í heilbrigðisverkfræði
Tók viðbótarnám við stúdentspróf 

Umsókn

Opið fyrir umsóknir fyrir haustönn 2022 er 5. febrúar - 15. júní. Sótt er um á umsóknarvef Háskólans í Reykjavík. Í umsókn þarf að taka fram hvaða háskólanám stefnt er í.  

Námið hefst samkvæmt stundaskrá fimmtudaginn 6. janúar 2022.

Þetta er nauðsynlegt að gera því áfangar fyrir hvern og einn nemanda eru valdir út frá því hvaða undirbúning vantar upp á fyrir þá tilteknu braut. 

Skólagjöld

Nemendur greiða eitt gjald, óháð því hversu margir áfangar eru teknir. Skólagjöld fyrir nám við frumgreinadeild eru 146.000 kr. fyrir önnina. 

• Sjá upphæðir skólagjalda við HR
  

Innritun 

Tekið er inn í námið um áramót og á haustönn. Röðun í áfanga tekur ávallt mið af fyrra námi.

Upplýsingar um námskeið

Sjá upplýsingar um námskeið í hverjum háskólagrunni fyrir sig undir Skipulag náms.

Viðbótarnám á Austurlandi

Á Austurlandi geta þeir sem hafa lokið stúdentsprófi skráð sig í viðbótarnám við stúdentspróf. Viðbótarnámið hentar þeim sem þurfa að bæta við sig einingum í stærðfræði og raungreinum. Nemendur fá einstaklingsmiðaða námsáætlun. Oftast tekur einn vetur (haustönn og vorönn) að ljúka náminu. Tekið er inn í námið tvisvar á ári, um áramót og á haustin.

Vefynningarfundur

• Horfa á upptöku af fundinum

Skipulag náms

Lengd háð fyrra námi

Lengd og samsetning námsins er háð fyrra námi og miðað við það háskólanám sem stefnt er að. Þannig er gerð einstaklingsmiðuð námsáætlun fyrir hvern og einn nemanda. Oftast tekur einn vetur (haustönn og vorönn) að ljúka náminu því ákveðnir áfangar eru kenndir á haustönn sem margir viðbótarstúdentar þurfa að taka.

Tímar samkvæmt stundaskrá

Nemendur sækja tíma samkvæmt stundaskrá með nemendum í Háskólagrunni HR. Kennsla hefst yfirleitt kl 8:30 en lýkur á mismunandi tímum.

Tækni- og verkfræðigrunnur 

Fyrir nemendur sem stefna í tæknifræði, verkfræði, hugbúnaðarverkfræði og tölvunarstærðfræði. Lota 4 er breytileg eftir því hvaða nám á í hlut.

1. lota	2. lota	3. lota	4. lota
STÆ2A05	STÆ3A07	STÆ3B05	STÆ4B04
	STÆ2B05	STÆ4A10
	EXC2A02	EÐL3A05
	EÐL2A05	EFN3A04 / EÐL3B04
	EFN2A05

Tölvunarfræðigrunnur 

Fyrir nemendur sem stefna í tölvunarfræði.

1. lota	2. lota	3. lota	4. lota
STÆ2A05	STÆ3A07	STÆ3C05	STR3A04
	FOR3AO5	STÆ2B05
	EXC2A02	FOR3B05
	TÖL2A05	FOR3C02

Viðskiptafræðigrunnur 

Fyrir nemendur sem stefna í viðskiptafræði, sálfræði og íþróttafræði.

1. lota	2. lota	3. lota	4. lota
STÆ2A05	STÆ3A07	STÆ3C05	FOR3A04
	EXC2A02	REI3A05
	BÓK2A03	ÞJÓ2B02
	TÖL2A05
	ÞJÓ3A02

Lögfræðigrunnur 

Fyrir nemendur sem stefna í lögfræði.

1. lota	2. lota	3. lota	4. lota
STÆ2A05	STÆ3A07	STÆ3C05	FOR3A04
	TÖL2A05	REI3A05
	EXC2A02	LÖG3A02

Inntökuskilyrði

Fyrir nemendur sem lokið hafa stúdentsprófi

Einungis nemendur sem lokið hafa stúdentsprófi geta sótt um viðbótarnámið. 

Þeim sem ekki hafa lokið stúdentsprófi er bent á eins árs Háskólagrunnsnámi HR sem lýkur með prófi úr Háskólagrunni. 

Umsóknarfrestur

Tekið er inn í námið á haustönn og um áramót. Sótt er um fyrir 15. júní ár hvert fyrir haustönn og fyrir 15. desember ár hvert fyrir nám á vorönn.

Fylgigögn með umsókn

• Staðfest afrit einkunna úr framhaldsskóla.

Fylgigögnum skal skila inn rafrænt og hengja við umsókn. Á námsferlum þarf að koma fram stimpill viðkomandi skóla. 

Getum við aðstoðað?