Að taka á erfiðum starfsmannamálum

Námskeiðslýsing

Veigamikill þáttur í starfi stjórnandans er að taka á vandamálum og erfiðleikum í starfsmannamálum.  Slík mál eru viðkvæm og reynast mörgum stjórnendum erfið. Þess vegna eru þau gjarnan látin reka á reiðanum, jafnvel þar til í óefni er komið. 

Á þessu námskeiði verður farið yfir hvernig nálgast má erfið mál og ýmsar hagnýtar aðferðir og leiðir skoðaðar.  Farið verður yfir hvenær tímabært er að opna mál og undir hvaða kringumstæðum, hvernig leita má leiða til úrbóta og hvernig beita má eftirfylgni.  Þá verða uppsagnaferli og starfslok sérstaklega tekin til skoðunar.  Á námskeiðinu verður unnið með raundæmi og hagnýt verkefni. 

Ávinningur

  • Betri skilningur á því hvenær grípa eigi inn í aðstæður
  • Aukið vald á hagnýtum aðferðum við að taka á erfiðum málum 
  • Þekking á hvernig finna megi úrlausnir við frammistöðuvanda
  • Aukin innsýn í uppsagnaferli, aðdraganda og eftirmál

Skipulag

Tími: Kennsla fer fram þriðjudaginn 10. apríl og fimmtudaginn 12. apríl frá kl. 13:00 - 17:00.   

Lengd: 8 klst ( 2x4 klst.)

Staðsetning: Opni háskólinn í HR, Menntavegi 1, 101 Reykjavík, Mars-álma, 2. hæð.   

Vinsamlegast athugið að dagsetningar eru birtar með fyrirvara um að lágmarksþátttaka náist á námskeiðið.

Leiðbeinandi

dr. Þóranna Jónsdóttir

Dr. Þóranna Jónsdóttir

PhD

Þóranna er ráðgjafi á sviði breytingastjórnunar og stjórnarhátta. Hún var forseti viðskiptadeildar við Háskólann í Reykjavík frá 2013 til 2016 og framkvæmdastjóri stjórnunar og rekstrar HR frá 2011. Á árunum 2005-2011 starfaði hún sem framkvæmdastjóri hjá Auði Capital, og hjá Vistor/Veritas Capital. Frá árinu 1999 var hún lektor, forstöðumaður og stjórnendaráðgjafi við viðskiptadeild Háskólans í Reykjavík.    

Þóranna er með doktorsgráðu á sviði stjórnarhátta frá Cranfield University í Bretlandi, MBA gráðu frá IESE í Barcelona og meistaragráðu frá Háskóla Íslands, auk þess að hafa lokið prófi til löggildingar í verðbréfaviðskiptum. Hún hefur talsverða reynslu af stjórnarsetu, sat m.a. í stjórn Íslandsbanka, Lyfju og Auðar Capital og situr nú m.a. í stjórn Festi og Krónunnar. Hún var formaður vinnuhóps um endurskoðun 4. og 5. útgáfu Leiðbeininga um stjórnarhætti, sem gefnar eru út á vegum Viðskiptaráðs, Samtaka atvinnulífsins og Kauphallarinnar. 

Þóranna hefur víðtæka reynslu af breytingastjórnun bæði í gegnum eigin störf og sem fyrirlesari, leiðbeinandi og ráðgjafi fyrir stjórnendur hjá fjölmörgum stærstu fyrirtækja landsins. Þá hefur hún víða haldið erindi um viðskiptatengd málefni og stýrt fundum og ráðstefnum. 


Verð

Verð: 65.000 kr. 

Opni háskólinn hvetur umsækjendur til þess að kynna sér greiðsluskilmála Opna háskólans áður en sótt er um í námið. Sjá greiðsluskilmála.

Flest stéttarfélög niðurgreiða hluta námskeiðsgjalda fyrir sína félagsmenn. Opni háskólinn hvetur þig til að kynna þér þína möguleika.

Hafðu samband

Sandra-Kr.-Olafsdottir---RU

Sandra Kr. Ólafsdóttir

Verkefnastjóri

sandrak@ru.is
599 6342