Mannauðsstjórnun og leiðtogafærni

Námskeiðslýsing

Verðmæti fyrirtækja og stofnana velta ekki hvað síst á mannauðnum sem þar starfar hverju sinni. Sýnt hefur verið fram á að skilvirk og stefnumiðuð mannauðsstjórnun skilar sér í bættum rekstri og frammistöðu skipulagsheilda.

Mannauðsstjórnun og leiðtogafærni er nám sem þjálfar þátttakendur í mannauðsstjórnun í öllum sínum fjölbreytileika. Meðal viðfangsefna eru stjórnun, ráðningar, vinnuréttur og markþjálfun. Námið byggist á fjölbreyttum kennsluaðferðum, hagnýtum verkefnum og þjálfun í notkun mismunandi aðferða við þróun og eflingu mannauðs. 

Skipulag

Kennt er einn dag í viku, aðra hverja viku, frá kl. 09:00-17:00.

ATH. Kennt verður á þriðjudögum fyrir utan eina lotu, sem kennd verður á miðvikudegi (sjá nánar hér fyrir neðan).

Tími: Hefst 12. september 2017.

Lengd: 56 klst. 

Staður: Opni háskólinn í HR, Menntavegi 1, 101 Reykjavík, Mars-álma, 2. hæð.


Námið samanstendur af sjö efnisþáttum, sjá nánar hér*:

*Vinsamlegast athugið að dagsetningar eru birtar með fyrirvara um að lágmarksþátttaka náist í námið.

12. september (þriðjudagur) - Stefnumiðuð mannauðsstjórnun

Í lok námslotunnar er stefnt að því að þátttakendur: 

  • Hafi öðlast innsýn í það hvernig stefna og skipulag hafa áhrif á árangur starfsfólks
  • Þekki til lykilþátta sem stuðla að starfsánægju, helgun og hollustu
  • Hafi kynnst því hvernig samskipti einstaklinga, viðhorf og hegðun hafa áhrif á það hvernig verkefni vinnast, ákvarðanir eru teknar og þær framkvæmdar

Leiðbeinandi: Hulda Dóra Styrmisdóttir, stjórnendaráðgjafi.


27. september (ATH. miðvikudagur) - Ráðningar, starfsþróun og jafnrétti á vinnustað

Í lok námslotunnar er stefnt að því að þátttakendur: 

  • Þekki áhrif jafnréttis á vinnuumhverfi og árangur fyrirtækja
  • Hafi öðlast færni í að greina ómeðvituð viðhorf sem stutt geta við mismunun kynja í ráðningum, starfsþróun og frammistöðuviðmiðun
  • Geti sett fram hugmyndir um aðgerðir til að stuðla að auknu kynjajafnrétti á sínum vinnustað 

Leiðbeinendur: Hulda Dóra Styrmisdóttir, stjórnendaráðgjafi og Ketill Berg Magnússon, framkvæmdastjóri Festu og stundakennari við HR.

10. október (þriðjudagur) - Stjórnandinn í hlutverki markþjálfans

Í lok námslotunnar er stefnt að því að þátttakendur:

  • Hafi kynnst aðferðafræði markþjálfunar og hversu áhrifarík hún er í stjórnenda- og leiðtogaþjálfun
  • Geti sannreynt og nýtt sér skilvirkar aðferðir við einkaráðgjöf
  • Geti tileinkað sér leiðir til að auka sköpunargleði og efla samskipti og frammistöðu einstaklinga og hópa

Leiðbeinandi: Guðrún Högnadóttir, framkvæmdastjóri FranklinCovey á Íslandi.

24. október (þriðjudagur) - Frammistöðustjórnun, hvatning og endurgjöf

Í lok námslotunnar er stefnt að því að þátttakendur:

  • Þekki lykilhlutverk stjórnandans
  • Hafi kynnst grundvallarhugmyndum frammistöðustjórnunar og helstu aðferðum við frammistöðumælingar
  • Hafi aukið hæfni sína til að veita endurgjöf
  • Hafi öðlast innsýn í lykilþætti til árangurs einstaklinga, liðsheilda og skipulagsheilda

Leiðbeinandi: Ingunn Björk Vilhelmsdóttir, ráðgjafi og eigandi Attentus.

7. nóvember (þriðjudagur) - Þjónandi forysta

Í lok námslotunnar er stefnt að því að þátttakendur:

  • Hafi kynnst hugmyndafræði og viðmiðum þjónandi forystu
  • Hafi kynnst samspili þjónandi forystu og mannauðsstjórnunar
  • Hafi fengið æfingu og innsýn í hagnýtingu þjónandi forystu í lífi og starfi

Leiðbeinandi: Sigurður Ragnarsson, lektor og forseti viðskiptafræðideildar á Bifröst.

21. nóvember (þriðjudagur) - Vinnuréttur

Í lok námslotunnar er stefnt að því að þátttakendur:

  • Hafi fengið lögfræðilega úttekt á réttindum og skyldum varðandi ráðningar og starfslok
  • Þekki þá lögfræðilegu þætti sem hafa ber í huga við ráðningu starfsmanna og gerð ráðningarsamninga
  • Þekki lagalegar hliðar er snúa að uppsögnum starfsmanna

Leiðbeinandi: Páll Rúnar Kristjánsson, hdl. LL.M. hjá Málflutningsstofu Reykjavíkur. 

5. desember (þriðjudagur) - Jákvæð stjórnun og gildi góðrar liðsheildar

Í lok námslotunnar er stefnt að því að þátttakendur:

  • Þekki einkenni árangursríkra liðsheilda og geti nýtt sér þá þekkingu í starfi
  • Hafi kynnst aðferðum sem nota má til þess að efla liðsheild á sínum vinnustöðum
  • Þekki tengslin milli liðsheildar og starfsánægju og geti nýtt sér aðferðir til þess að ná fram hvoru tveggja, góðri liðsheild og starfsánægju

Leiðbeinandi: Hafrún Kristjánsdóttir, aðjúnkt og sviðsstjóri í tækni- og verkfræðideild HR.

Leiðbeinendur

Hulda Dóra Styrmisdóttir

Hulda Dóra Styrmisdóttir

Stjórnendaráðgjafi. MBA

Hulda Dóra er sjálfstætt starfandi stjórnendaráðgjafi og fyrrum forstöðumaður meistaranáms í viðskiptadeild HR. Hún hefur 15 ára reynslu af breytingavinnu og breytingastjórnun, sem stjórnandi, ráðgjafi, markþjálfi og þátttakandi bæði í einkageiranum og opinbera geiranum. Hulda hefur verið stundakennari við HR frá 2006. Hulda er MBA frá INSEAD, viðskiptaháskólanum í Frakklandi, 1992, BA frá Brandeis University, Bandaríkjunum. Þá lauk Hulda einnig diploma í breytingastjórnun og vinnusálfræði frá INSEAD 2006.

Ketill Berg Magnússon

Framkvæmdastjóri Festu og stundakennari við HR. MBA

Ketill Berg er framkvæmdastjóri Festu, félags um samfélagsábyrgð fyrirtækja, stjórnendamarkþjálfi, kennari í viðskiptasiðfræði og samfélagsábyrgð við HR. Hann er einnig ráðgjafi á sviði mannauðsstjórnunar, samfélagsábyrgðar og viðskiptasiðfræði. Hann hefur yfir tíu ára reynslu sem mannauðsstjóri og sem stjórnendaráðgjafi. Ketill hefur gegnt ýmsum trúnaðarstörfum, s.s. stjórnarsetu í félagasamtökum, fagfélögum og fyrirtækjum. Ketill er MBA frá ESADE í Barcelona 2008, MA í heimspeki með sérhæfingu í vinnusiðfræði frá University of Saskachewan í Kanada 1997 og BA frá Háskóla Íslands 1993.
Gudrun-Hognadottir

Guðrún Högnadóttir

Framkvæmdastjóri FranklinCovey á Íslandi. MHA

Guðrún er framkvæmdastjóri FranklinCovey á Íslandi. Auk stjórnunarstarfa og kennslu við HR hefur hún síðastliðin ár unnið sem leiðbeinandi og markþjálfi (e. executive coach) í íslensku atvinnulífi og leitt fjölda vinnustofa um árangur liðsheilda og vinnustaða. Guðrún er viðurkenndur þjálfari í efni FranklinCovey um 7 venjur til árangurs, Leadership og 7 Habits of Highly Effective Managers auk Coaching Clinic CCUI.
Ingunn-Bjork-Vilhjalmsdottir

Ingunn Björk Vilhjálmsdóttir

Ráðgjafi og eigandi Attentus. MBA

Ingunn er ráðgjafi og eigandi Attentus. Hún hefur víðtæka reynslu af kjarasamningagerð, áætlanagerð, vali á mannauðs- og launakerfum, breytingastjórnun, samruna fyrirtækja og hagræðingu deilda og sviða. Ingunn er MBA frá HR 2005 og BA frá Háskóla Íslands 1997.
Sigurður Ragnarsson

Sigurður Ragnarsson

Lektor og forseti viðskiptafræðideildar á Bifröst. MBA

Sigurður er lektor og forseti viðskiptafræðideildar Háskólans á Bifröst þar sem hann kennir meðal annars forystufræði og samningatækni. Hann hefur víðtæka stjórnunarreynslu og þar á meðal reynslu af eigin fyrirtækjarekstri. Sigurður gaf út bókina Forysta og samskipti - Leiðtogafræði í lok árs 2011. Sigurður er með BA í mannauðsstjórnun og MBA í stjórnun og markaðsfræðum frá Golden Gate University í San Francisco.
Pall-R.-Kristjansson

Páll Rúnar M. Kristjánsson

Hæstaréttarlögmaður - LL.M. hjá Málflutningsstofu Reykjavíkur

Páll Rúnar hefur starfað hjá Málflutningsstofu Reykjavíkur frá 2010. Þar á undan starfaði hann hjá Félagi atvinnurekenda. Meðal starfssviða Páls eru málflutningur, vinnuréttur, útboðsréttur, kröfuréttur, samningaréttur, félagaréttur, stjórnsýsluréttur og almenn viðskiptalögfræði. Páll Rúnar lauk málflutningsréttindum fyrir Hæstarétti 2015 og héraðsdómi 2008, LL.M. gráðu frá Nottingham University 2012, ML og BA gráðum frá Háskólanum í Reykjavík 2008 og 2006.
Hafrún Kristjánsdóttir

Hafrún Kristjánsdóttir

Aðjúnkt og sviðsstjóri í tækni- og verkfræðideild HR. PhD

Dr. Hafrún er sviðsstjóri í tækni- og verkfræðideild HR. Hún hefur verið stundakennari við HR frá 2008 og aðjúnkt við íþróttasvið frá 2011. Hafrún situr í stjórn Sálfræðingafélags Íslands, í heilbrigðisráði ÍSÍ og er sálfræðingur í fagteymi ÍSÍ. Hún lék handbolta með Val um árabil og á fjölmarga leiki að baki með meistaraflokki félagsins sem og landsliði Íslands. Hafrún varði doktorsritgerð sína árið 2015 og útskrifaðist sem sálfræðingur frá Háskóla Íslands 2005 en meistaraverkefni hennar var á sviði íþróttasálfræði.

Verð

Verð: 460.000 kr.

Opni háskólinn hvetur umsækjendur til þess að kynna sér greiðsluskilmála Opna háskólans áður en sótt er um í námið. Sjá greiðsluskilmála.

Flest stéttarfélög niðurgreiða hluta námskeiðsgjalda fyrir sína félagsmenn. Opni háskólinn hvetur þig til að kynna þér þína möguleika.

Hafðu samband

Lydia-starfsmannamynd--2-

Lýdía Huld Grímsdóttir

Verkefnastjóri

 

 

 

 

 

 



 


Skráning