Grunnatriði forritunar - Python

Námskeiðslýsing

Forritun er í auknum mæli að verða mikilvægur þáttur í margskonar störfum. Það getur t.d. falist mikil hagræðing í því að nýta forritun til að sjálfvirknivæða, að hluta eða öllu leyti, ýmiskonar gagnavinnslu þar sem reglulega þarf að umbreyta gögnum og/eða vinna tölulegar samantektir.

Í þessu námskeiði eru kennd grunnatriði forritunar í foritunarmálinu Python. Lögð verður áhersla á að útskýra þann þankagang sem nauðsynlegur er til að tileinka sér forritun (óháð forritunarmáli).  Auk þess að kenna grunnatriði forritunar þá verður einnig farið yfirr ýmiskonar gagnavinnslu í Python, t.d. vinnsla með listum, textaskrám og gagnasöfnum.

Ekki er gert ráð fyrir því að nemendur þurfi að hafa fyrri reynslu af forritun.

Að námskeiðinu loknu ættu nemendur að:

  • Hafa náð lágmarksfærni í þankagangi við forritun og geta skrifað algrím (leiðbeiningar) til að leysa einföld vandamál.
  • Geta þekkt virkni og skrifað einföld Python forrit, sem notast við breytur, tög, segðir, gildisveitingar, inntak/úttak, stýriskipanir, föll, lista og færslur.
  • Geta hannað og þróað forrit fyrir einföld vandamál sem lýst er á almennan hátt.


Athugið að þátttakendur mæta með eigin tölvu á námskeiðið. 

Skipulag

Námskeiðið fer fram eftirfarandi daga:

  • Miðvikudaginn 13. febrúar 2019  kl. 9-15.
  • Miðvikudaginn 20. febrúar 2019  kl. 9-15.
  • Miðvikudaginn 27. febrúar 2019  kl. 9-15.

Lengd: 18 klst. (3 x 6 klst)

Staður: Opni háskólinn í HR, Menntavegi 1, 101 Reykjavík, Mars-álma, 2. hæð.

Vinsamlegast athugið að dagsetningar eru birtar með fyrirvara um að lágmarksþátttaka náist á námskeiðið.

Leiðbeinandi


yngvi

Yngvi Björnsson

Prófessor við tölvunarfræðideild Háskólans í Reykjavík (HR) og meðstjórnandi Gervigreindarseturs HR.

Hann er með PhD gráðu í tölvunarfræði frá University of Alberta, Kanada með gervigreind sem sérsvið. Hann hefur kennt fjölda námskeiða á sviði gervigreindar og sjálfvirkrar gagnagreiningar.

 

Verð

Verð  kr. 129.000

Flest stéttarfélög niðurgreiða hluta námskeiðsgjalda fyrir sína félagsmenn. Opni háskólinn hvetur þig til að kynna þér þína möguleika. 
Innifalið í verði eru námskeiðsgögn.

Hafðu samband

Ingibjörg Sandholt

Ingibjörg Sandholt

Verkefnisstjóri


Skráning