Öruggt vinnuumhverfi með lean

Námskeiðslýsing

Á vinnustöðum þar sem áhersla er lögð á öryggi og heilsu starfsfólks eykst skuldbinding starfsmanna og starfsmannavelta minnkar. Góð öryggisvitund stuðlar að betri heilsu og meiri ánægju starfsfólks og fjarvistir vegna veikinda og slysa minnka. Að breyta hugarfari og menningu hvað varðar öryggismál á vinnustað er krefjandi áskorun en aðferðir straumlínustjórnunar, eða lean, nýtast vel til að bæta öryggismenninguna.


Á þessu námskeiði fá þátttakendur góða innsýn í hvað einkennir góða öryggismenningu og hvernig hægt er að stuðla að aukinni öryggisvitund starfsmanna. Áhersla er lögð á raunveruleg dæmi úr atvinnulífinu með það að markmiði að veita þátttakendum hvatningu til að taka skref í áttina að bættri öryggismenningu á sínum vinnustað. Á námskeiðinu er stuðst við efni úr bókinni Lean Safety eftir höfundinn Robert B. Hafey.

Markmið námskeiðs:

- Menning: að þátttakendur þekki hvað það er sem einkennir góða öryggismenningu fyrirtækja og hvernig hægt er að auka bæði eigin öryggisvitund og annarra

- Tól og tæki: að þátttakendur hafi öðlast þekkingu á mismunandi Lean aðferðum til að stuðla að bættri öryggismenningu

- Mælikvarðar: farið yfir hvernig nota má mælikvarða sem hluta af fyrirbyggjandi aðgerðum til að koma í veg fyrir slys.

Kennarar á námskeiðinu eru Ásdís Kristinsdóttir og Margrét Edda Ragnarsdóttir ráðgjafar hjá Gemba (www.gemba.is). Ásdís og Margrét búa að margra ára reynslu úr veitu- og orkugeiranum þar sem öryggismál hafa verið sett í fyrsta sæti.

Skipulag

Tími: Námskeiðið fer fram eftirfarandi daga á milli kl. 9:00 - 12:00.

  • Þriðjudaginn 26. febrúar 2019
  • Fimmtudaginn 28. febrúar 2019

Lengd: 6 klst. (2 x 3 klst.)

Staður: Opni háskólinn í HR, Menntavegi 1, 101 Reykjavík, Mars-álma, 2. hæð.

Vinsamlegast athugið að dagsetningar eru birtar með fyrirvara um að lágmarksþátttaka náist á námskeiðið.

Leiðbeinandi

Margret_Ragnars

Margrét Edda Ragnarsdóttir

Stjórnunarráðgjafi hjá Gemba.

Margrét er rafmagnsverkfræðingur með meira en áratuga reynslu úr orku- og veitugeiranum þar sem hún hefur unnið sem stjórnandi í rekstri, viðhaldi og fjárfestingum. Í störfum sínum sem ráðgjafi vinnur hún með fyrirtækjum og stofnunum við að þróa og efla umbótamenningu.
Gembla

Ásdís Kristinsdóttir

Stjórnunarráðgjafi hjá Gemba.

Ásdís er vélaverkfræðingur með meira en áratuga reynslu úr orku- og veitugeiranum, þar sem hún byrjaði sem verkefnastjóri en starfaði lengst af sem stjórnandi. Í störfum sínum sem ráðgjafi vinnur hún með fyrirtækjum að stefnumiðaðri stjórnun og því að efla umbótamenningu.

Verð

Verð:  57.000 kr.  

Innifalið í verði eru námskeiðsgögn.

Flest stéttarfélög niðurgreiða hluta námskeiðsgjalda fyrir sína félagsmenn. Opni háskólinn hvetur þig til að kynna þér þína möguleika. 

Hafðu samband

Xxurjjur_1511362436542

Ingibjörg Sandholt

Verkefnastjóri


Skráning